இரத்ததான அறிவிப்பு

ரத்தத்தில் ஹீமோகுளோபின் குறைபாட்டால் ஏற்படும் நோய் தாலசீமியா. ரத்தத்தின் சிவப்பணுக்களில் இருக்கும் ஹீமோகுளோபின் என்னும் புரதம்தான் உடலின் பல பகுதிகளுக்கும் ஆக்ஸிஜனைக் கொண்டு செல்லும் முக்கியமான வேலையைச் செய்கிறது. அதன்மூலம்தான் நமக்கு சக்தி கிடைக்கிறது. ரத்தத்தில் இருக்கும் சிவப்பணுக்களின் அளவு குறையும்போது, அது ரத்தச் சோகையை ஏற்படுத்தும். உடல் பலவீனம் அடையும்.

நோயின் வகைகள்

தாலசீமியா நோய் இரண்டு வகைகளில் மனித உடலைத் தாக்குகிறது. ஹீமோகுளோபின் இரண்டு வகையான புரதத்தைக் கொண்டுள்ளது. அவை, ஆல்பாகுளோபின், பீட்டா குளோபின். குறைபாடுள்ள மரபணு ஆல்பா, பீட்டா என்னும் இரண்டு வகைப் புரதங்களில் ஒன்றின் உற்பத்தியைப் பெரிதும் கட்டுப்படுத்துகிறது.

குறைபாடுள்ள மரபணுவின் காரணமாக ஆல்பா குளோபின் புரதம் முழுமையாக இல்லாவிட்டாலோ அல்லது மாறுபட்டு இருந்தாலோ, அது ஆல்பா தாலசீமியா. மரபணு குறைபாட்டால், பீட்டா குளோபின் புரதம் இல்லாத நிலை அல்லது மாறுபட்ட நிலை காணப்பட்டால், அது பீட்டா தாலசீமியா.

எப்படி வருகிறது?

தென்கிழக்கு ஆசிய நாடுகள், மத்தியக் கிழக்கு நாடுகள், சீனா, ஆப்பிரிக்கக் கண்டத்தில் சில பகுதிகளில் வாழும் மக்களிடம் ஆல்பா தாலசீமியா நோயின் பாதிப்புகள் அதிகம் காணப்படுகிறது. பீட்டா தாலசீமியா நோய் மத்தியத் தரைக் கடல் நாடுகளில் அதிகம் பேரைப் பாதித்திருக்கிறது. சீனர்கள், ஆசியர்கள், ஆப்பிரிக்க அமெரிக்கர்களைக் குறைந்த அளவில் தாக்கியிருக்கிறது.

ஒவ்வொரு தாலசீமியா வகையும் தாலசீமியா மேஜர், மைனர் என்னும் இரு பிரிவுகளைக் கொண்டிருக்கிறது. பாதிக்கப்பட்ட குழந்தையின் தாய், தந்தை ஆகிய இருவரிடமும் குறைபாடுள்ள மரபணு காணப்பட்டால், அந்தக் குழந்தைக்குத் தாலசீமியா மேஜர் என்று அர்த்தம். குறைபாடுள்ள மரபணு தாய் அல்லது தந்தை யாராவது ஒருவரிடம் இருந்து குழந்தைக்குச் சென்றிருந்தால், அந்தக் குழந்தைக்குத் தாலசீமியா மைனர் என்று அர்த்தம். சில நேரம் பெற்றோரிடமும் இத்தகைய குறைபாடுள்ள மரபணு இல்லாமல், குழந்தைக்கு வரும் சந்தர்ப்பங்களும் உண்டு.

அறிகுறிகள்

ஆல்பா தாலசீமியா மேஜர், பிறக்கும் குழந்தைகளையும் பிரசவமடையாத குழந்தைகளையும் பெரும்பாலும் தாக்குகிறது. மேலும், முகத்தில் எலும்பு வளர்ச்சிக் குறைபாடு, அதீதச் சோர்வு, உடல் வளர்ச்சியின்மை, மூச்சு விடுவதில் சிரமம், மஞ்சள் காமாலை போன்ற அறிகுறிகள் தென்படும். தாலசீமியா மைனர் வகை நோயாளிகளுக்குச் சிவப்பணுக்களின் எண்ணிக்கை குறைந்து காணப்படும். வேறு அறிகுறிகள் தென்படாது.
பரிசோதனைகள்

• ரத்தப் பரிசோதனை செய்ய வேண்டும்.
• நுண்ணோக்கி வழியாகச் சிவப்பணுக்களை ஆராய்ந்து சிவப்பணுவின் வடிவம், தன்மை மாறியிருக்கிறதா என்பதைக் கண்டறிவார்கள்.
• ஹீமோகுளோபின் எலக்ட்ரோபோரசிஸ் பரிசோதனையின் மூலம் மரபணுவின் வடிவம் மாறியுள்ளதா என்று கண்டறியப்படும்.
• மியூடேஷனல்அனாலசிஸ் மூலம் ஆல்பா தாலசீமியா பாதிப்பு கண்டறியப்படுகிறது.

சிகிச்சைகள்

வாழ்நாள் முழுவதும் தாலசீமியா நோயாளிகளுக்கு ரத்த மாற்று சிகிச்சையைத் தொடரவேண்டும். அதீதமான இரும்புச் சத்து உடலில் தங்காமல் பார்த்துக்கொள்வதும் அவசியம். தற்போது இதற்கு மாத்திரைகள் கிடைக்கின்றன.

தாலசீமியா மைனர் உள்ள ஆண், பெண்ணுக்குத் தாலசீமியா மேஜர் பாதிப்புள்ள குழந்தை பிறப்பதற்கு 25 சதவீத வாய்ப்புகள் உள்ளது என்கின்றனர் மருத்துவர்கள். உங்களின் ரத்தச் சம்பந்தங்களுக்கு இந்த நோயின் தாக்குதல் இருந்தால் நீங்களும் தாலசீமியா பரிசோதனையைச் செய்துகொள்ள வேண்டியது அவசியம்.

அம்மா, அப்பா வம்சாவழியில் யாருக்காவது தாலசீமியா நோய் இருந்தால் குழந்தைக்கும் இந்நோய் வருகிறது. முக்கியமாக சொந்த உறவுகளில் திருமணம் செய்வதால் குழந்தைகள் தாலசீமியா நோயினால் பாதிக்கப்படுகின்றனர். அதனால், பெண்கள் கர்ப்பக் காலத்தில் பரிசோதனை செய்து கருவில் இருக்கும் குழந்தை தாலசீமியா நோயினால் பாதிக்கப்பட்டுள்ளதா என்பதை கண்டுபிடிக்கலாம். தாலசீமியா நோய்க்கு எலும்பு மஜ்ஜை மாற்று அறுவைச் சிகிச்சையே சிறந்த தீர்வாகும்.

கீழக்கரை நகரில் அவசர கால இரத்த தேவைகளை உடனுக்குடன் பூர்த்தி செய்வதற்கு ஏதுவாக இரத்த தானம் செய்ய விரும்பும் கொடையாளர்களும், இரத்தம் தேவைப்படுவர்களும் இலகுவாக சந்தித்து பயனடையும் வகையில் கீழை நியூஸ் சார்பாக ‘KEELAI NEWS BLOOD APP’ நேற்று (16.02.18) கீழக்கரையில் அறிமுகப்படுத்தப்பட்டு உள்ளது. இதற்கான அறிமுக விழா நிகழ்ச்சி நேற்று இரவு 7 மணியளவில் ஆலீம் புலவர் பவாஸ் வணிக வளாக கட்டிடத்தில் இயங்கும் சினர்ஜி இன்டர்நெஷனல் கல்வியகத்தில் (முஸ்லீம் பஜார் பீஸா பேக்கரி மேல்தளம்) சிறப்பாக நடைபெற்றது.

இந்த ‘KEELAI NEWS BLOOD APP’ அறிமுக விழா நிகழ்ச்சியினை இஸ்லாமிய கல்வி சங்கத்தின் தலைவர், அல் பைய்யினா அகாடமியின் பேராசிரியர் சட்டப் போராளி ஆலீம் தவ்ஹீத் ஜமாலி கிராஅத் ஓதி துவங்கி வைத்தார். கீழை நியூஸ் நிறுவனரும், வடக்குத் தெரு சமூக நல அமைப்பு NASA-வின் முன்னாள் தலைவருமான செய்யது ஆப்தீன் நிகழ்ச்சிக்கு தலைமை ஏற்று தலைமை உரை ஆற்றினார். கீழை நியூஸ் சட்டப் போராளிகள் தள ஒருங்கிணைப்பாளர், மக்கள் நல பாதுகாப்பு கழகத்தின் பொருளாளர் முஹம்மது சாலிஹ் ஹுசைன் வரவேற்புரை வழங்கி ‘KEELAI NEWS BLOOD APP’  குறித்த அறிமுக உரையினை, காணொளி வீடியோ காட்சிகள் மூலம் விளக்கினார்.

வாழ்த்துரையை SDPI கட்சியின் கீழக்கரை நகர் செயலாளர் ஹமீது பைசல், விடுதலை சிறுத்தைகள் கட்சியின் நகர் செயலாளர் சட்டப் போராளி ஹமீது யூசுப், கிழக்குத் தெரு ஜமாஅத் துணை பொருளாளர் சட்டப் போராளி முஹம்மது அஜிஹர், மக்கள் நல பாதுகாப்பு கழகத்தின் செயற்குழு உறுப்பினர் சட்டப் போராளி பாதுஷா ஆகியோர் வழங்கினர். நிகழ்ச்சியின் நிறைவாக அல் பய்யினா மெட்ரிகுலேசன் பள்ளியின் தாளாளரும், இந்திய தவ்ஹீத் ஜமாத்தின் மாவட்ட துணை தலைவருமான சட்டப் போராளி ஜாபீர் சுலைமான் நன்றியுரை வழங்கினார்.

இந்த நல்ல நிகழ்ச்சிக்கு ஜமாத்தினர், சமூகநல அமைப்பினர், பொதுநல சங்கத்தினர், சமுதாய இயக்கத்தினர், அரசியல் கட்சியினர் திரளாக வந்து கலந்து கொண்டு ‘KEELAI NEWS BLOOD APP’ அறிமுக விழா நிகழ்ச்சியினை சிறப்பித்த அனைத்து நல் உள்ளங்களுக்கும் கீழை நியூஸ் நிர்வாகம் சார்பாக நெஞ்சார்ந்த நன்றியினை தெரிவித்து கொள்கிறோம்.

இந்த BLOOD APP செயலியை கீழே உள்ள இமேஜை க்ளிக் செய்து அல்லது QR CODEஐ, ஸ்கேன் செய்து பதிவிறக்கம் செய்து கொள்ளலாம்..

———————

கீழக்கரை நகரில் அவசர கால இரத்த தேவைகள் நாளுக்கு நாள் அதிகரித்த வண்ணம் உள்ளது. அவசர அறுவை சிகிச்சைகள், எதிர்பாராத விபத்து, டெங்கு, வைரஸ் காய்ச்சல், இரத்த அணு குறைபாடு போன்றவற்றினால் பாதிக்கப்படும் மக்கள், தங்களுக்கான இரத்த வகைகள் கிடைக்காமல் பெரும் அவதிக்குள்ளாகி வருகின்றனர். இந்நிலையில் பொதுமக்கள் கீழக்கரை, இராமநாதபுரம் சுற்றுவட்டாரங்களில் இரத்த தானம் செய்ய விரும்புபவர்களும், இரத்தம் தேவைப்படுவர்களும் இலகுவாக சந்தித்து பயனடைவதற்கு ஏதுவாக கீழை நியூஸ் சார்பாக ‘KEELAI NEWS BLOOD APP’ அறிமுகப்படுத்தப்பட உள்ளது.

இந்த ‘KEELAI NEWS BLOOD APP’ அறிமுக விழா நிகழ்ச்சி நாளை (16.02.18) வெள்ளிக்கிழமை இரவு 7 மணியளவில் ஆலீம் புலவர் பவாஸ் வணிக வளாக கட்டிடத்தில் இயங்கும் சினர்ஜி இன்டர்நெஷனல் கல்வியகத்தில் (முஸ்லீம் பஜார் பீஸா பேக்கரி மேல்தளம்) நடைபெற உள்ளது. இந்த நல்ல நிகழ்ச்சியில் உள்ளூரில் இருக்கும் அனைத்து சமுதாய மக்களும், ஜமாத்தினர், சமூகநல அமைப்பினர், பொதுநல சங்கத்தினர், சமுதாய இயக்கத்தினர், அரசியல் கட்சியினர் அனைவரும் இதனையே அழைப்பிதழாக ஏற்று தவறாது கலந்து கொண்டு அறிமுக விழா நிகழ்ச்சியினை சிறப்பித்து தருமாறு கீழை நியூஸ் நிர்வாகம் சார்பாக கேட்டுக் கொள்கிறோம்.

கீழக்கரையில் 27-01-2018 (சனிக்கிழமை) அன்று 69வது குடியரசு தினத்தை முன்னிட்டு கீழக்கரை தெற்கு கிளை தவ்ஹீத் ஜமாத் மற்றும் அரசு மருத்துவமனையும் இணைந்து 3வது மாபெரும் இரத்த தான முகாம் நடைபெற உள்ளது.

இம்முகாம் காலை 10.00 முதல் அரசு மருத்துவமனை வளாகத்தில் நடைபெற உள்ளது. இம்மருத்துவ முகாமை காவல் துறை துணை கண்காணிப்பாளர் பாலாஜி துவக்கி வைக்க உள்ளார்.

கீழக்கரையில்  வரும் 20/12/2017  அன்று முகம்மது சதக் பொறியியல் கல்லூரி வளாகத்தில் இரத்த தான விழிப்புணர்வு கருத்தரங்கு நடைபெற உள்ளது.  இந்த முகாமுடன் இரத்த தானம் பற்றி விழிப்புணர்வு கருத்தரங்கமும் ஏற்பாடு செய்யப்பட்டுள்ளது.   இன்றைய நவீன உலகில் எத்தனையோ அறிவியல் முன்னேற்றங்கள் அடைந்தாலும் இரத்த தானம் பற்றிய ஒரு தவறான கண்ணோட்டமே படித்தவர் முதல் பாமரர் வரையில் உள்ளது. இரத்த தானம் செய்வதால் உடல் நிலை பலவீனமாகி விடும் அல்லது தொற்று நோய்கள் வந்து விடும் என்பது போல பல வகையான அறியாமை கருத்துக்கள் நிலவுகிறது.  ஆனால் அதற்கு  மாறாக இரத்த தானம் செய்வதால் உடலில் புதிய இரத்தம் உருவாகும் , உடலில் உள்ள சோர்வு நீங்கி சுறுசுறுப்படையும் போன்ற பல பலன்களும் உள்ளன.  இது போன்ற சந்கேங்களுக்கு விடையளிக்கும் வகையில் விழிப்புணர்வு கருத்தரங்கு ஏற்பாடு செய்யப்பட்டுள்ளது.  இந்த கருத்தரங்களில் இத்துறைச் சார்ந்த முக்கியஸ்தர்கள் உரையாற்ற உள்ளார்கள்.

இந்த நிகழ்வு கலாம் நண்பர்கள் அமைப்பு,  F2S (Friends2support.org) அமைப்பு,  தன்னர்வலர்களின் இல்லாம் ( VOLUNTEERS H.O.U.S.E TRUST) மற்றும் இராமநாதபுரம் லயன்ஸ் கிளப் சார்பாக நடத்தப்படுகிறது என்பது குறிப்பிடதக்கது.

****அவசரம் – O – Negative****

அவசரம் ஆபரேசனுக்காக O Negative ரத்தம் 4 யுனிட் தேவை..
*சத்யா மருத்துவனை, *
இராமநாதபுரம்.
டாக்டர்.மீனாட்சி சுந்தரம்..
தொடர்புக்கு :- 095850 59572
*பதிவு நாள்:-28-09-2017. – IST. 5.45pm*

Please share message in know groups

இந்தியாவின் 71வது சுதந்திர தினத்தை முன்னிட்டு ரியாத் மண்டல தவ்ஹீத் ஜமாத் சார்பாக 18-08-2017 (வெள்ளிக்கிழமை) அன்று மாபெரும் 63வது இரத்த தான முகாம் ஏற்பாடு செய்யப்பட்டுள்ளது.

இம்முகாம் ரியாத்தில் உள்ள KING FAHAD MEDICAL CITY மருத்துவமனையுடன் இணைந்து நடத்தப்படுகிறது. இம்முகாம் காலை முதல் தொடங்கும். மேலும் இந்த இரத்த தான முகாம் இவ்வருடம் ஹஜ் கடமையை நிறைவேற்ற வருபவர்களின் தேவையை கருத்தில் கொண்டும் ஏற்பாடு செய்யப்பட்டுள்ளது குறிப்பிடத்தக்கது.

மேலும் ரியாத் நகரின் பல பகுதிகளில் இருந்து மருத்துவமனைக்கு வர போக்குவரத்து வசதியும் செய்யப்பட்டுள்ளது.

இந்தியாவின் 71வது சுதந்திர தினத்தை சிறப்பிக்கும் விதமாக வரும் வெள்ளிக்கிழமை (18-08-2017) அன்று தமுமுக சார்பாக 19வது மாபெரும் இரத்த தான முகாம் ஏற்பாடு செய்யப்பட்டுள்ளது.

இந்த இரத்த தான முகாம் துபாயில் உள்ள லத்திபா மருத்துவமனையில் ( LATIFA HOSPITAL ) ஏற்பாடு செய்யப்பட்டுள்ளது. இம்முகாம் காலை 08.00 மணி முதல் தொடங்கும் என்று அறிவிக்கப்பட்டுள்ளது.

கீழக்கரையில் வரும் ஆகஸ்ட் 15ம் தேதி 71வது சுதந்திர தினமாகும். இத்தினத்தையொட்டி கீழக்கரை தவ்ஹீத் ஜமாத் தெற்கு கிளை மற்றும் கீழக்கரை அரசு மருத்துவமனை இணைந்து மாபெரும் இரத்த தான முகாம் நடத்த உள்ளார்கள். இந்த முகாமுக்கு கீழக்கரை காவல்துறை துணை கண்காணிப்பாளர் பாலாஜி சிறப்பு விருந்தினராக கலந்து கொண்டு முகாமை துவக்கி வைக்கிறார்.

அதே போல் 15 ஆகஸ்ட் அன்று கீழக்கரை தவ்ஹீத் ஜமாத், தெற்கு கிளை மாணவர் அணி சார்பாக சிறுபான்மையின மாணவ, மாணவிகள் இலவச கல்வி உதவி தொகைக்கு விண்ணப்பிக்கும் முகாம் ஏற்பாடு செய்யப்பட்டுள்ளது. இம்முகாம் காலை 9.00 மணி முதல் இரவு 07.00 மணி வரை நடைபெற உள்ளது.

அறிவிப்பு..

துபாயில் தி.மு.க சார்பில் அக்கட்சியின் செயல் தலைவரின் பிறந்த நாளை முன்னிட்டு 14-04-2017 அன்று இரத்த தான முகாம் நடத்தப்பட உள்ளதாக அறிவிப்பு வெளியிடப்பட்டுள்ளது.

இடம்:- துபாய் இரத்த தான முகாம், லத்தீபா மருத்துவமனை வளாகம்.

தேதி:- 14-04-2017 – வெள்ளிக்கிழமை.

நேரம்:- காலை 11.00 மணிமுதல்.

அஸ்கான் ஹவுஸ் வளாகத்தில் இருந்து பஸ் வசதியும், பெண்களுக்கு தனி இட வசதியும் செய்யப்பட்டுள்ளது.

தொடர்பு எண: 00 971 56 698 4551

ஈ-மெயில் :- [email protected]

ஐக்கிய அரபு அமீரகம் துபாயில் 14-03-2017, செவ்வாய் கிழமை அன்று ஈமான் அமைப்பு சார்பாக இரத்த தானம் முகாம் நடத்தப்படுகிறது.  விபரங்கள் கீழே :-

நாள்: 14-03-2017, செவ்வாய் கிழமை.

இடம்:  அரபியன் டாக்சி அலுவலகம், ரசிதியா, துபாய்.

நேரம்: காலை 09.00 மணி முதல் மாலை 1.30 வரை.

தொடர்பு ஈமெயில். [email protected]

தொலைபேசி: 050-5196433, 052-7778341

இராமநாதபுரம் பாம்பனை சேர்ந்த ஆறுமுகம் மற்றும் பொங்களான்டி என்கிற இரண்டு சகோதரர்களுக்கு எதிர் வரும் 17/03/17 மற்றும் 21/03/17 தேதிகளில் மதுரை பாண்டியன் மருத்துவமனையில் இருதய ஆப்ரேஷன் செய்ய இருப்பதால் மொத்தம் 15 யூனிட் இரத்தம் தேவைப்படுகிறது. அதில் A+positive இரத்த வகை உடனடியாக 5 யூனிட் தேவைப்படுகிறது.

மேலும் 10 யூனிட் இரத்த வகை எந்த வகையாக இருந்தாலும் தனமாக தரலாம். இரத்த தானம் செய்ய விரும்பும் சகோதரர்கள் இராமநாதபுரத்திலோ அல்லது மதுரையிலோ கொடுக்கலாம். விரைந்து தொடர்பு கொண்டு உதவுங்கள் நண்பர்களே…

தொடர்புக்கு : 9840568387 / 9042169629

தகவல் : தமிழ்நாடு தவ்ஹீத் ஜமாஅத் மாவட்ட மருத்துவ அணி, இராமநாதபுரம் 

இராமநாதபுரம் ஜோஸப் ராஜன் மருத்துவமனையில் அனுமதிக்கப்பட்டு இருக்கும் அரியமான் கடலோர கிராமத்தை சேர்ந்த பெண் நோயாளிக்கு இரத்த போக்கு காரணமாக *B- negative (2 units)* உடனடியாக தேவைப்படுகிறது. இரத்த தானம் செய்ய விரும்பும் சகோதரர்கள் நாளை 07.03.17 காலை 9 மணிக்குள் 9840568387 / 9042169629 என்கிற அலைபேசி எண்ணில் தொடர்பு கொண்டு உதவுமாறு கேட்டுக் கொள்கிறோம்.

திமுக இளைஞரணி சார்பில் ‘ரத்த தான செயலி’ இன்று 01.03.17 அறிமுகப்படுத்தப்பட்டுள்ளது. அதனை கூகுள் ப்ளே ஸ்டோரில் ‘திமுக ரத்த வங்கி’ (DMK Blood Bank) என்று குறிப்பிட்டால் போதும். விருப்பமுள்ளவர்கள் செயலியைத் தரவிறக்கம் செய்துகொள்ளலாம். சாமானியர்களும் பயன்படுத்தும் வகையில் இந்த ரத்த தான செயலி மிகவும் எளிமையாக வடிவமைக்கப்பட்டுள்ளது. அதனுள்ளே கீழ் வரும் பகுதிகள் ஏற்படுத்தப்பட்டு உள்ளது.

மெயின் மெனு :

இதன் மெயின் மெனு பக்கத்தில் ரத்தம் கொடுக்க விரும்புபவர்களுக்கான முன்பதிவு, ரத்தம் வழங்குபவர்களின் பட்டியல், ரத்தம் தேவைப்பட்டால் கேட்க, ரத்த தானம் குறித்த பொதுவான தகவல்கள் ஆகியவை உருவாக்கப்பட்டுள்ளன.

ரத்த தானம் வழங்க விரும்புவோர் :

ரத்த தானம் வழங்க விரும்புவோர் தங்களின் தகவல்களை முன்பதிவுப் பக்கத்தில் பதிவு செய்துகொள்ளலாம். இதில் பெயர், தொலைபேசி எண், ரத்த வகை, ஈமெயில், முகவரி, கடைசியாக ரத்த தானம் செய்த தேதி ஆகிய விவரங்களைப் பதிவு செய்து கொள்ள வேண்டும்.

கொடையாளர்கள் பட்டியல் :

கொடையாளர்கள் பட்டியலில் அவர்களின் பெயர், ரத்த வகை, தொலைபேசி எண் கொடுக்கப்பட்டுள்ளது. அதில் அழைப்பு பொத்தானும், பகிர்தல் பொத்தானும் அமைக்கப்பட்டுள்ளன. தேவைப்பட்டால் கொடையாளர்களை அழைக்கவோ, அவர்களின் எண்களை நண்பர்களுடன் பகிரவோ செய்யலாம்.

ரத்தம் தேவைப்படுவோர் :

ரத்தம் தேவைப்படுவோர், எந்த ரத்த வகை வேண்டும், எந்த மருத்துவமனை, இடம், தொலைபேசி எண் ஆகியவற்றைப் பதிவிட வேண்டும். இதைத்தவிர ரத்த தானம் குறித்த முக்கியமான தகவல்களும், புள்ளிவிவரங்களும் கொடுக்கப்பட்டுள்ளன.

அதிகம் கேட்கப்படும் வினாக்கள் :

அதிகம் கேட்கப்படும் வினாக்கள் பகுதியில் ரத்த தானம் எவ்வளவு முக்கியமானது? ஏன் ரத்த தானம் செய்ய வேண்டும்? எதனால் ரத்த தானத்துக்கு 2 மாத இடைவெளி உள்ளிட்ட தகவல்கள் எல்லோரும் அறிந்துகொள்ள வேண்டியவை.

இராமநாதபுரம் செய்யது அம்மாள் மருத்துவமனையில் அறுவை சிகிச்சைக்காக இன்று 13.02.2017 அனுமதிக்கப்பட்டு இருக்கும் கீழக்கரை சாலை தெருவை சேர்ந்த பெண்மணிக்கு அவசரமாக O’ நெகடிவ் இரத்தம் தேவைப்படுகிறது.  இரத்த தானம் செய்ய விரும்பும் சகோதரர்கள் 8754250423 என்கிற அலைபேசி எண்ணில் தொடர்பு கொண்டு உதவுமாறு கேட்டுக் கொள்கிறோம்.  

*அவசரம் இரத்தம் தேவை*

இராமநாதபுரத்தில் உள்ள ஜோஸப் ராஜன் மருத்துவமனையில் அனுமதிக்கபட்டு உள்ள நோயாளிக்கு

O- negative* (1 unit) தேவை

மற்றும்

சத்யா மருத்துவமனையில் அனுமதிக்கபட்டு உள்ள நோயாளிக்கு

A+positive* (2units) ஆப்ரேஸனுக்கு தேவை
(தகவல் பதிவு நாள் 04/02/17 நேரம் 12:30 pm)

தொடர்புக்கு;-  9840568387, 9042169629

அவசரம்.

02.01.2017 இன்று இராமநாதபுரம் ஆசீக்அமீன் மருத்துவமனையில் அறுவை சிகிச்சை செய்யும் பாத்திமா என்ற பெண்ணுக்கு A+இரத்தம் தேவைப்படுகிறது. .

தொடர்புக்கு. நூருல்அமீன். 7418434177.

ஐக்கிய அரபு அமீரகத்தில் உள்ள தமிழ் அமைப்புகளில் ஒன்று ஈமான் அமைப்பாகும். அவ்வமைப்பு மூலம் பல சமுதாயம் மற்றும் மார்க்க சம்பந்தமான நிகழ்ச்சிகள் துபாயில் நடத்தப்படுவதுண்டு. அதன் தொடர்ச்சியாக வரும் வெள்ளிக்கிழமை (20-01-2017) அன்று 68 வது இந்திய குடியரசு தினத்தை முன்னிட்டு ஈமான் அமைப்பு சார்பாக இரத்த தான முகாம் ஏற்பாடு செய்யப்பட்டுள்ளது.

இந்நிகழ்ச்சிக்கு இந்திய தூதரக அதிகாரி நிர்வன் சிறப்பு விருந்தினராக கலந்து கொள்கிறார். இம்முகாம் துபாய் தேரா சலாஹுதீன் சாலையில் அமைந்துள்ள அஸ்கான் குழும வளாகத்தில் ஏற்பாடு செய்யப்பட்டுள்ளது. இம்முகாம் காலை 09.00 மணி முதல் மாலை 03.00 மணி வரை நடைபெறும் என்று அறிவிக்கப்பட்டுள்ளது. இந்நிகழ்ச்சி சம்பந்தமான விபரங்களுக்கு 055-3004789, 050-5196533 மற்றும் 052-7778341 என்ற அலைபேசி எண்ணுக்கு தொடர்பு கொள்ளலாம்..

அறிவிப்பு

*இரத்தம் தேவை*
இராமநாதபும் அரசு ருத்துவமமையில் அனுமதிக்க பட்டு உள்ள நோயாளிக்கு நாளை காலையில் *A- negative*(1unit) இரத்தம் தேவை படுகிறது.

தகவல்பதிவு நேரம் 08/01/17 இரவு 10:30

இரத்தம் 9/01/17 காலையில் தேவை.

தொடர்புக்கு 9840568387,9042169629

———————-

*WANTED BLOOD*
Need BLOOD in ramanadapuram GH *A- negative* tomorrow morning

Message posteddate and time 08/01/17 10:30 (BLOOD need. Required on 09/01/17 morning

please  contact 9840568387, 9042169629