கீழை டைரி

சென்னை மாநகரில் தினமும் மகி பிரமாண்டமான வணிக வளாகங்களும், உணவகங்களும் திறந்த வண்ணம் உள்ளன. ஆனால் இது போன்ற இடங்களுக்கு நடுத்தர மனிதர்கள் செல்வதற்கே அஞ்சும் வகையில் ஆடம்பரமும், பிரமாண்டமுமாக இருக்கும். ஆனால் சாமானிய மனிதனும் வணிக வளாகம் செல்லும் வகையில் திறக்கப்பட இருக்கும் வளாகம் தான் “ஸ்டார் மால்”.

இந்த வணிக வளாகம் நுங்கம்பாக்கம் சென்னை வள்ளுவர் கோட்டம் நெடுஞ்சாலையில் 4000 சதுர அடியில் அனைத்து வாகனங்களும் சிரமம் இல்லாமல் நிறுத்தும் வசதியுடன் அமைக்ப்பட்டுள்ளது. இங்கு அனைத்து பொருட்களும் குறைந்த அளவில் எல்லா விதமான கம்பெனி பொருட்களின் கடைகளும் அமைக்கப்பட உள்ளது.

மேலும் திறப்பு விழா சலுகையாக ரூ.15,000/-கு மேல் பொருட்கள் வாங்கும் முதல் 100 வாடிக்கையாளர்களில் மூன்று நபர்களுக்கு 55 இஞ்ச், 40இஞ்ச் மற்றும் 32இஞ்சி விலையுர்ந்த எல்இடி டிவிக்கள் பரிசாக வழங்கப்பட உள்ளது. இந்த வணிக வளாகத்தின் திறப்பு விழா வரும் 14/09/2018 அன்று வெள்ளிக்கிழமை காலை திறக்கப்பட உள்ளது.

—————————————————————————————————————————————————————————

–

ஹிஜாமா ( حجامة  ) என்றால் என்ன?

ஹிஜாமா (‘Hijama’ Arabic: حجامة  lit. “sucking”) என்ற அரபி வார்த்தை  hajm ‘(உறுஞ்சுதல்- Sucking) இருந்து பெறப்படுகிறது. கப் அல்லது கோப்பையில் ஒரு வெற்றிடத்தை உருவாக்கி, பின்னர் நமது தோல் மேற்பரப்பில் வைத்து தூய்மையற்ற அல்லது கெட்ட இரத்த கழிவுகளை உடலின் பல்வேறு இடங்களில் இருந்து வெளியேற்றும் மருத்துவ முறை தான் ஹிஜாமா (Hijama).

இரத்தம் சீர் கேடு அடையுமா ?

எந்த நோய் வந்தாலும் அது நேரடியாகவும் மறைமுகமாகவும் இரத்தத்தை பாதிக்கிறது.  ஆயுர்வேதத்தில் பித்தத்தின் மறு உருவாக இரத்தம் கருதப்படுகிறது. அதிகமான நோய்களுக்கான காரணம் இரத்தத்தில் உள்ள கோளாறுகள். உடல் உஷ்ணத்தை அதிகரிக்கும் உணவுகள், அமில காரதன்மையில் ஒரு சம நிலை இல்லாதது, அதிகமான வேதி பொருட்கள் அடங்கிய மருந்துகள், எண்ணை தேய்த்து குளிக்காதது, இரவு கண் விழிப்பு என்று பல்வேறு காரணத்தால் இரத்தம் மென் மேலும் கேடு அடைகிறது. அதை தான் கரும் பித்தம் தான் அநேக நோய்க்கு காரணம் என்று யுனானி மருத்துவம் சொல்கிறது ,பித்தம் மிகுந்த நோய்களே இரத்தம் கேடு அடைய செய்யும் காரணம் என்று ஆயுர்வேத மருத்துவமும் ,சித்த மருத்துவமும் வழி மொழிகிறது. இரத்த ஓட்டத்தில் ஏற்படும் தடைகளே பெரிய நோய்க்கு காரணம். நிண நீர் ஓட்ட பாதிப்பே பல கட்டிகளையும், கேன்சர் போன்ற நோய்களையும் உறுவாக்குகிறது, வளர்சிதை மாற்றமே (மேட்டபாலிக் நோய்கள் ) பெரிய நோய்களை உருவாக்குகிறது. உயிர் சக்தி இல்லாத-எதிர்ப்பு சக்தியில்லாத இரத்தமே ஆட்டோ இம்யூன் நோய்களான சொரியாசிஸ், முடக்கு வாதம், தைராய்ட்,மேலும் பெயர் தெரியாத நோய்களை உருவாக்குகிறது.

ஏன் இரத்தம் வெளியேற்ற வேண்டும் ?

மனிதனுக்கு சராசரியாக ஐந்து லிட்டர் இரத்தம் உள்ளது .120  நாட்களுக்கு ஒரு முறை புதிதாக இரத்தம் உருவாகி கொண்டே இருக்கிறது. கெட்டுபோன இரத்தத்தை சுத்தம் செய்ய நமது கழிவு உறுப்புகள் சிறுநீரகம் ,ஜீரண உறுப்புகள்  முக்கியமாக கல்லீரல் ,நுரையீரல் ,தோல்  போன்ற உறுப்புகள் பிறந்தது இடைவிடாது வேலை செய்து கொண்டே இருக்கிறது. இந்த முக்கிய உறுப்புகளே கழிவு நீக்கம் செய்யாமல் பாதிப்படையும் போது ,வேலை செய்ய சிரமப்படும் போது கெட்டுபோன இரத்தம் கழிவு நீக்கம் எப்படி நடக்கும்?. இயற்கையான முறைபடி கழிவு நீக்கம் நடை பெறாத போது அதற்கென்று முறையாக இரத்தம் வெளியேற்றுவதால் –ஹிஜாமா தெரபி செய்வதால் பெரிய நோய்களையும் நாள்பட்ட நோய்களையும் குணமாக்க முடியும்.

இத்தகைய குணம் உள்ள ஹிஜாமா மருத்துவம் கடந்த வருடம் சில வாரங்கள் மேலத் தெருவில் செய்யப்பட்டது.  தற்பொழுது கீழக்கரை வடக்குத் தெருவில் ஹிஜாமா மருத்துவத்தில் பட்டய படிப்பு படித்தவர், இந்த சிகிச்சை வழங்குகிறார். விரும்புவோர் தொடர்புக்கு :-
முஹம்மது சிராஜுதீன்.
மாஸ்டர் ஆஃப் டிப்ளமோ இன் ஹிஜாமா
இடம் – வடக்கு தெரு (வண்ணான் கோயில் எதிரில்)
தொடர்புக்கு:- – 8870156885

———-////:/——————-///::—————-

கீழக்கரை என்றாலே நினைவுக்கு வரும் பாரம்பரிய உணவுகள் சீப்பணியாரம், வெள்ளாரியாரம், பொறிக்கஞ்சட்டி கொலுக்கட்டை, தொதல், கலகலா, அச்சு பணியாரம், குறிச்சா, எள்ளுருண்டை, நிலக்கடலை உருண்டை போன்ற உணவுகளும்தான். இதில் குறிச்சா போன்ற திண்பண்டங்கள் இளைய தலைமுறைக்கு என்ன என்பதே தெரியாது.

ஆனால் இன்றும் பாரம்பரிய சுவை மாறாமல் முழு நேர வணிக நோக்கத்துடன் இல்லாமல் சுவை அறிந்து கேட்பவர்களுக்கு வாய்க்கு சுவையாக இனிப்பு வகைகளை செய்து வருகிறார் நடுத்தெருவைச் சார்ந்த MUV.முகைதீன் இபுராஹிம் என்பவர். இவர் வீட்டிலேயே பிறரை வேலைக்கு அமர்த்தாமல் குடும்பத்தார் உதவியுடன் தானே அனைத்து உணவுகளையும் செய்து விற்பனை செய்து வருகிறார்.  இதில். குறிச்சா எனும் உணவை மக்களே மறந்த நிலையில் இன்றும் அதன் சுவை மாறாமல் ஆர்டரின் பேரில் செய்து வருகிறார் என்பது மிகவும் பாராட்டுதலுக்குரிய விசயமாகும்.

உங்களுக்கு தேவையான பொருட்களுக்கு 90920 90305 / 96776 40305 / 98846 40305 / 94433 58305 என்ற எண்ணுக்கு அழைத்து கூறினால், உங்கள் வீட்டிற்கே சுவை மாறாமல் கொண்டு வந்து தருகிறார்கள்.  கீழக்கரை திண்பண்டங்களை உண்மையான சுவையுடன் சுவைத்து பாருங்களேன்.

கீழக்கரை புதுத்தெருவை சேர்ந்த சகோதரர்கள் முகம்மது சஹீது, சித்திக் இபுறாகீம், ஃபவுசுல் அலியுர் ரஹ்மான் ஒன்றிணைந்து ‘ஸ்பைஸி ஹலால்’ என்கிற பெயரில் துணை உணவு தயாரிப்பு நிறுவனத்தினை துவங்கி சிறப்பாக செய்து வருகின்றனர். உள்ளூரில் தரமான மூலப் பொருள்களுடன், கை தேர்ந்த சமையல் கலைஞர்களின் கண்காணிப்பில், பக்குவமாக தயாரிக்கப்படும் மாசிப் பொரியல், இறால் பொரியல், நெத்திலி பொரியல், சென்னா கூனி பொரியல் உள்ளிட்ட அசத்தும் பொரியல் வகையறாக்களை வாங்கி ருசிக்கும் ‘ஸ்பைசி ஹலால்’ பிரியர்கள், இந்த பொரியல் வகைகள் தங்கள் சாப்பாட்டு தட்டில் இல்லாமல் மதிய உணவினை சாப்பிடுவதே இல்லை.

அது போல் கடல் தாண்டி வளைகுடா உள்ளிட்ட நாடுகளுக்கு செல்லும் ‘ஸ்பைசி ஹலால்’ பிரியர்கள் தங்களோடு இந்த நாவிற்கினிய பொரியல் வகையறாக்களுக்கும் சேர்த்து விமான டிக்கெட்டு எடுத்து விடுகின்றனர். ‘ஸ்பைசி ஹலால்’ நிறுவனத்தின் தயாரிப்புகள் அனைத்தும் வாடிக்கையாளர்கள் ருசிப்பதற்கு இலகுவாக தயார் நிலையில் இருப்பதால் மீண்டும் சமைக்க வேண்டியதில்லை. அப்படியே சாப்பிடுவதற்கு ஏதுவாக இருப்பது குறிப்பிடத்தக்கது. இதனால் ரமலான் நோன்பு காலங்களில் இஸ்லாமிய மக்களால் பெரிதும் வரவேற்பை பெற்றிருக்கிறது.

கீழக்கரை தொதல், பணியம், ஓட்டுமா, கலகலா வரிசையில் இப்போது ‘ஸ்பைஸி ஹலால்’ உணவு தயாரிப்புகளும் பிரபலமாகி வருகிறது. வெளி நாடுகளில் வசிக்கும் நம் கீழக்கரைவாசிகள், ஒவ்வொரு முறை விடுமுறையில் வரும் போதும், இந்த ஸ்பைஸி ஹலால் உணவு வகைகளை வாங்கி சென்று தங்களுடன் பணி செய்யும் நண்பர்களுக்கு பரிசளிப்பது வழக்கமாகி வருகிறது.

இது மட்டுமல்லாமல் சுத்தம் செய்யப்பட்ட மாசித் தூள், இறால் கருவாடு, நெத்திலி கருவாடு, சென்னா கூனி கருவாடு உள்ளிட்ட தித்திக்கும் துணை உணவு வகை தயாரிப்புகளும் இங்கு கிடைக்கிறது. தற்போது கீழக்கரை, இராமநாதபுரம் நகரின் சிறப்பங்காடிகள் மட்டுமல்லாது தமிழகமெங்கும் இந்த ‘ஸ்பைஸி ஹலால்’ உணவு வகைகள் அனைத்து கடைகளிலும் முக்கிய இடத்தை பிடித்து வாடிக்கையாளர்களை கவர்ந்து வருகிறது. அதே போல் திருவனந்தபுரம், நாகர்கோயில், திருநெல்வேலி, பாண்டிச்சேரி, கோயம்பத்தூர் நகரங்களில் இருக்கும் போத்தீஸ் சூப்பர் ஸ்டார் சிறப்பங்காடிகளிலும் இந்த ‘ஸ்பைஸி ஹலால்’ உணவு தயாரிப்புகள் கிடைக்கிறது.

இது குறித்து ‘ஸ்பைஸி ஹலால்’ நிறுவனர்களில் ஒருவரான பவுசுல் அலியுர் ரஹ்மான் கூறுகையில் ”இறைவனுடைய அருளால் எங்கள் நிறுவனத்தின் தயாரிப்புகள் கடல் கடந்து அனைவராலும் நேசிக்கப்படுகிறது. கடந்த 5 ஆண்டுகளாக ஸ்பைசி ஹலாலின் பொருட்கள் மட்டுமே பெரும்பாலோருக்குத் தெரியும், முதன் முதலாக ஸ்பைசி ஹலாலின் உரிமையாளர்களையும் இவ்வுலகுக்கு கீழை நீயூஸ் டி.வி மூலம் அறிமுகப்படுத்திய அல்லாஹுக்கே எல்லாப் புகழும். கீழை நீயூஸ் டி.விக்கு எங்களின் நன்றியை தெரிவித்துக் கொள்கிறோம். வாடிக்கையாளர்கள் உங்கள் மேலான ஆதரவை தொடர்ந்து எங்கள் நிறுவனத்திற்கு தர வேண்டும்.” என்று தெரிவித்தார்.

‘ஸ்பைஸி ஹலால்’ நிறுவனத்தாரின் வியாபாரம் செழிக்க கீழை நியூஸ் வலைத்தளம் சார்பாக மனமார்ந்த வாழ்த்துக்களைத் தெரிவித்துக் கொள்கிறோம்.

கீழக்கரை கிழக்குத் தெருவில் இயங்கி வரும் கீழக்கரை மெடிக்கல் மிஷன் மருத்துவமனையில் புதிய பல் மருத்துவப் பிரிவு கடந்த சில மாதங்களுக்கு முன் நவீன வசதிகளுடன் துவங்கப்பட்டு சிறப்பாக செயல்பட்டு வருகிறது. 60,000 க்கும் மேற்பட்ட மக்கள் தொகை கொண்ட கீழக்கரை நகரில் பல் மருத்துவம் என்பது என்பது அவசியமான ஒன்றாக இருக்கிறது.

கீழக்கரை நகரில் இருந்து பல் மருத்துவம் பயின்ற கிழக்குத் தெருவை சேர்ந்த டாக்டர்.ஹஃப்ஸா பாத்திமா, டாக்டர்.சில்வியா ஜெயத்துடன் இணைந்து கீழக்கரை மெடிக்கல் மிஷன் மருத்துவமனையின் பல் மருத்துவ பிரிவில் பணியாற்றி வருகின்றனர்.

‘‘பல் போனா சொல் போச்சு’ என்பார்கள். இந்தப் பொன் மொழியின் அவசியத்தை உணர்ந்த நம் முன்னோர்கள் பற்களை சரிவர பராமரிக்க வேண்டும் என்பதை ஆதி காலம் தொட்டு சொல்லி வருகிறார்கள். ஏனெனில், பற்கள் தான் ஆரோக்கியத்துக்கான தலை வாசல்’’ என்பதை இன்றைய மருத்துவ உலகமும் வலியுறுத்தி வருகிறது. பல் ஆரோக்கியமின்மை இதயத்தையும் பாதிக்கும்.

நமது வாய் தான் எல்லாவற்றுக்குமே நுழைவாயில். இந்த வாயிலில் நுழைந்து தான் அனைத்துக் கிருமிகளும் நோய்களும் நம் உடலின் உள்ளே போகும் என்பதால் பற்களை பன்மடங்கு அக்கறையோடு நாம் பராமரிக்க வேண்டும். சரி… இப்போது பற்களை பராமரிப்பது பற்றி பல் மருத்துவம் மற்றும் பல் சீரமைப்பு நிபுணர்களான டாக்டர்.ஹஃப்ஸா பாத்திமா மற்றும் டாக்டர்.சில்வியா ஜெயம் என்ன சொல்கிறார்கள் என்று தெரிந்து கொள்வோமா…?

செய்ய வேண்டியவை :

உணவு சாப்பிட்ட பிறகு ஒவ்வொவொரு முறையும் தண்ணீர் கொண்டு வாய் கொப்பளிக்க வேண்டும். அப்பொழுதுதான் பல் இடுக்குகளில் உணவு பொருட்கள் தங்காது. தினமும் காலை மற்றும் இரவு படுக்கும் முன் பற்களை துலக்க வேண்டும்.

பற்கள் இடுக்குகளில் உள்ள அழுக்குகளை நீக்க பிளாஸ் பயன்படுத்தலாம். ஓரல் இரிகேட்டர் என்பது வாயில் தண்ணீரை வேகமாக செலுத்தும் கருவி. இதனை பற்கள் சுத்தம் செய்ய பயன் படுத்தலாம். இவை தவிர வருடத்திற்கு ஒரு முறை பற்களை பல் டாக்டரின் ஆலோசனை படி சுத்தம் செய்வது அவசியம்.

பற்களில் ஏற்படும் மற்றொரு பிரச்சனை வாய் துர்நாற்றம். இதற்கு பல காரணங்கள் உள்ளன. பற்களில் கறை படிவதால் அல்லது பல் சொத்தை, வெங்காயம் மற்றும் பூண்டு போன்ற உணவுகளை அதிகமாக உடம்கொள்வது, தொண்டை, வயிறு அல்லது நுரையீரலில் பிரச்னை போன்றவற்றால் வாய் துர்நாற்றம் ஏற்படும். இந்தப் பிரச்னை உள்ளவர்கள், ஒரு மணி நேரத்துக்கு ஒரு முறை தண்ணீர் குடிக்க வேண்டும். எவ்வளவு தண்ணீர் எடுத்துக் கொள்கிறார்களோ, அவ்வளவுக்கு துர்நாற்றம் வீசாது.

பற்கள் எடுப்பாக இருந்தால், அதை கிளிப் போட்டு சரியாக்கலாம். சில சமயம் தாடை எலும்புகள் தூக்கலாக இருக்கும். அவர்களுக்கு அறுவை சிகிச்சை மூலம் சரி செய்யலாம். புளோரைட் பாதிப்பால் பற்களின் நிறம் பழுப்பாக இருக்கும். அவர்களின் முக அமைப்புக்கு ஏற்ப பற்களுக்கு மேல் செயற்கையான கேப் போட்டுக் கொள்ளலாம்.

எல்லாவற்றையும் விட முக்கியம் பற்களில் சிறு பிரச்னை ஏற்பட்டால் உடனடியாக பல் நிபுணரை அணுகி ஆலோசனை பெற வேண்டும்.
கண் எரிச்சல், மூட்டு வலி, சரும பிரச்னை இருந்தால் அதற்கு பல் சொத்தையும் ஒரு காரணம் என்பதால் அதற்கான சிகிச்சையும் எடுத்துக் கொள்ளலாம்.

செய்யக் கூடாதவை :

கடினமான உணவுப் பொருட்களை முன்னால் உள்ள பற்களால் கடிக்கக் கூடாது. கடவாய் பற்களை பயன்படுத்தலாம். முன் பற்கள் அசைவ உணவை கிழித்து சாப்பிட மட்டுமே உதவும்.

பேனா பென்சில் மற்றும் பிளாஸ்டிக் பொருட்களை பல்லால் கடிப்பது , பூவின் நார் மற்றும் துணியில் உள்ள நூலை பற்கள் கொண்டு அறுக்கக் கூடாது.புகை, பாக்கு, வெற்றிலை மெல்லுவதை உடனடியாக நிறுத்த வேண்டும்.

குழந்தைகளுக்கு புட்டி பால் கொடுக்கும் போது, அவர்கள் சாப்பிட்ட பிறகு, உடனடியாக தண்ணீர் கொடுக்க வேண்டும். இல்லையென்றால், பற்களில் பாக்டீரியா தங்கி கரை படியும் வாய்ப்பு உள்ளது.

சிறு வயதிலிருந்தே நமது பற்களின் மீது தனி கவனம் செலுத்தி வந்தால் எவ்வளவு வயதானாலும் நம் பற்களைப் பழுதடையாமல் வைத்து கொள்ளலாம்.

சின்னஞ்சிறு குழந்தைகளுக்கு இரவில் பால், சர்க்கரை சேர்ந்த பால், சாக்லெட், பிஸ்கெட் போன்றவற்றைக் கொடுப்பதைத் தவிர்க்க வேண்டும். அதையும் மீறி சாப்பிட்டால், வாயைக் கழுவாமல் பல் துலக்காமல் படுக்கக் கூடாது.

ஆறு மாதங்களுக்கு ஒருமுறை பல் மருத்துவரிடம் சென்று, பற்களைச் சுத்தப்படுத்திக் கொள்ள வேண்டும்.

பற்களோ, தாடையோ சீராகச் சரியான வடிவத்தில் வளர்ச்சி பெறாமல் இருந்தால், அதைச் சிறு வயதிலேயே கவனித்து, கட்டுப்படுத்தி முக அழகை மேம்படுத்திக் கொள்ள முடியும்.

பொதுவாகவே அதிக அளவு சாக்லெட், ஐஸ்கிரீம், கார்போனேடட் பானங்கள், சிட்ரிக் ஜூஸ்கள் ஆகியவற்றை எடுத்துக் கொள்ளாமல் இருப்பது நல்லது.

வெள்ளை வெளேரென்று இருந்தால்தான் அவை அழகான, ஆரோக்கியமான பற்கள் என்பதில்லை. லேசான பழுப்பு நிறத்தோடு தான் பற்கள் இருக்கும். பல்லில் உள்ள கரையை நீக்க ப்ளீச்சிங் அல்லது லேசர் சிகிச்சை செய்து கொள்ளலாம்.

பல் தூக்கலாக இருந்தால் ப்ரேசஸ் போட்டுக் கொள்ளலாம். பற்கள் இல்லை என்றால் அதையும் நிரந்தரமாகப் போடலாம். அனைத்து வசதிகளும் கீழக்கரை மெடிக்கல் மிஷன் மருத்துவமனை பல் மருத்துவ பிரிவில் உள்ளது.

கீழக்கரை மரைக்காஸ் க்ரூப்பின் மற்றொரு நிறுவனம் “MARAIKA’S SANDWICH CAFÉ’ கீழக்கரையில் மரைக்காஸ் டூர்ஸ் அண்ட் டிராவல்ஸ் நிறுவனத்தினர் புதிதாக மக்களுக்கு சுவையான மற்றும் விலை குறைவாக வழங்கும் நோக்கத்துடன் தொடங்கப்படும் நிறுவனம்தான் “MARAIKA’S SANDWICH CAFÉ’ . இந்த நிறுவனம் வள்ளல் சீதக்காதி சாலையில் வரும் வெள்ளிக்கிழமை (02-03-2018) அன்று மாலை 02.00 மணியளவில் திறக்கப்பட உள்ளது.

இங்கு சுவையான சான்விச், சமோசா, ஸ்ப்ரிங் ரோல், பிட்சா, பர்கர், சிக்கன் சீஸ் பால், கட்லட், நக்கட்ஸ், பலூடா, பாஸ்தா, சிக்கன் பாப்கார்ன், போன்ற அனைத்து வகையான உணவு வகைகளும் கிடைக்கம் என்று தெரிவிக்கப்பட்டுள்ளது. மேலும் இங்கு வீட்டில் நடக்கும் விஷேச காரியங்களுக்கு நேரில் வந்து தேவையான உணவுகள் தயாரித்து சிறப்பான முறையில் வழங்கும் வசதியும் செய்ய்பட்டுள்ளது குறிப்பிடதக்கது.

அதே போல் கடைக்கு நேரில் வர இயலாதவர்களுக்கு வீட்டிற்கே சென்று டெலிவரி செய்யப்படடும் என்பதும் முக்கியமான விசயமாகும். இது சம்பந்தமான மேல் விபரங்களுக்கு 96294 45858.

கீழக்கரையில் தினமும் பல அமைப்புகள் சார்ந்தும், வியாபார நிறுவனம் சார்ந்தும் நிகழ்ச்சிகள் நடைபெற்ற வண்ணமே உள்ளது. ஆனால் அதற்கேற்றார் போல் அனைத்து வசதிகளும் நிறைந்த அரங்கு என்பது குறைவாகவே இருந்து வந்தது. இக்குறையை போக்கும் வண்ணம் வரும் 27-02-2018, செவ்வாய் கிழமை அன்று மாலை கீழக்கரை அரசு மருத்துவமனைக்கு எதிரில் ரகுமத்து நினைவரங்கம் என்ற பெயரில் பன்முக செயல்பாடுகளுக்கு பயன் பெரும் வகையில் நவீன அரங்கம் திறக்கப்பட உள்ளது.

இந்த அரங்கின் சிறப்பம்சங்கள்:-

1. வியாபார கூட்டங்கள் மற்றும் கருத்தரங்கம் நடத்த அனைத்து வசதிகள்.

2. முகூர்த்தம், திருமண வைபவங்கள், நிச்சயதார்த்தம், வரவேற்புகள், குழந்தைகளுக்கு பிறந்த நாள் நிகழ்ச்சி, பெயர் சூட்டல் போன்ற குடும்ப வைபவங்கள் நடத்த வசதி.

3. தொழில் பயிற்ச்சிகள், வகுப்புகள் நடத்த தயார் நிலை.

4. வேலைவாய்ப்பு நிகழ்ச்சிகள் நடத்த வேண்டிய வசதிகள்.

5. கட்சி, சங்கம், அறகட்டளை, இயக்கங்கள் கூட்டம் நடத்த ஏதுவான அமைப்பு.

6. குழந்தைகளுக்கு பொழுது போக்கு அம்சங்கள் நடத்த சிறந்த பொழுது போக்கு பகுதிகள்.

7. மாணவர்களுக்கு கல்வி பயிளரங்கம் நடத்த அரங்கு வசதி.

8. வியாபாரிகளுக்கு பொருள் விற்பனை சந்தை நடத்த ஏதுவான முறையில் அரங்கு வடிவம்.

9. நண்பர்கள், மாணவர்கள் சநதிப்பு கூட்டம் நடத்த சிறந்த இடம்.

10. போதனைகள், அறிவுரை கூட்டங்கள் நடத்த அனைவரும் கலந்து கொள்ள வசதியான இட அமைப்பு.

அனைத்திற்கும் ஏதுவாக பல வசதிகளை தனி தனியே உள்ளடக்கிய ஒர் அரங்கமாக வடிவமைக்க பட்டுள்ளது. இந்த அரங்கினை அனைத்து மக்களும் பயன் பெறும் வகையில் பொருளாதாரத்தில் பின் தங்கிய மக்களுக்கு அறக்கட்டளை மூலம் சலுகை ஏற்படுத்தி தரப்படுகிறது என்பது குறிப்பிடதக்கது.

ரகுமத்து நினைவு அரக்கட்டளை,
முதல் தளம்
ஹம்னா வளாகம்
அரசு மருத்துவமனை எதிறில்
வள்ளல் சீதகாதி சாலை
கீழக்கரை.

அவசரமான நவீன உலகில், மக்களுக்கு ஆரோக்கியத்தின் மீதிருந்த அக்கறை குறைந்து எல்லாம் அதி வேகமாக கிடைக்க வேண்டும் என்ன எண்ணத்திலேயே ஓடிக் கொண்டிருக்கிறார்கள். ஆனால் அந்த ஓட்டத்தில் வாழ்கையை இழந்தவர்களாக. ஆனால் அது போன்ற மக்களின் கவனத்தை ஈர்த்து இயற்கை உணவை மக்களுக்கு வழங்கி வருகிறார்கள் “கீழை மரச் செக்கு எண்ணை”..

இங்கு இயற்கையான முறையில் தயாரிக்கும் நல்லெண்ணை, கடலை எண்ணை, சுத்தமான நெய் அத்துடன் அனைத்து விதமான இயற்கை உணவு வகைகளும் விற்பனை செய்யப்படுகிறது.

நமது முன்னோர்கள் சமையலுக்கு பயன்படுத்தும் எண்ணை வகைகளையும் இயற்கையான முறையிலேயே தயாரித்து இருக்கிறார்கள். எள், தேங்காய், கடலை ஆகியவற்றை உலரவைத்து, மரசெக்கும் மூலம் எண்ணெய்களை உருவாக்கி பயன்படுத்தி இருக்கிறார்கள். மருத்துவ குணம் நிறைந்த வாகை மரத்தினால் மர செக்கு செய்யப்படுகிறது. அந்த மர உரலில் மட்டை பூட்டி இயக்க செய்து அவற்றில் உலர வைத்த எள், தேங்காய், கடலை ஆகியவிற்றை போட்டு ஆட்டி எண்ணெய் தயாரிக்கிறார்கள். இது இயற்கை மற்றும் மருத்துவ குணம் நிறைந்தது.

இன்றைய காலகட்டத்தில் அன்றாட சமையலுக்கு பயன்படுத்தக்கூடிய எண்ணெய் வகைகள் செயற்கை முறையில் சுத்திகரிக்கப்பட்டதாகவே இருக்கின்றன. அப்படி சுத்திகரிக்கப்பட்ட எண்ணெய்யில் இயற்கை நிறத்தையும், கொழப்புத் தன்மையையும், கொழுப்புச் சத்தையும் நீக்குவதற்காக சோப்பு தயாரிக்க பயன்படும் காஸ்டிக் சோடா என்ற சோடியம் ஹைடிராக்சைடு, பீளிச்சிங் பவுடர் ஆகியவற்றை பயன்படுத்துவதாக கூறப்படுகிறது.

ஆனால் மரச்செக்கிலிருந்து எடுக்கப்பட்ட எண்ணெய்களில் ஊட்டச்சத்துகள், உயிர்ச்சத்துகள், புரோட்டீன்கள், வைட்டமின்கள், இரும்பு சத்து, நார் சத்து, தாது பொருட்கள், கால்சியம் உள்பட பல சத்துக்கள் கொண்டதாக இருக்கிறது. உடலுக்கு தேவையான நல்ல கொழுப்பு சத்துக்களும் அதிகமாக அடங்கியிருக்கின்றன.

“கீழை மரச் செக்கு” நிறுவனத்தினர் வாடிக்கையாளர்களுக்கு பொருட்ளைகளை வெளியூர்களுக்கும் எந்த கூடுதல் செலவும் இல்லாமல், இலவசமாகவே அனுப்பி வைக்கிறார்கள். அதே போல் வெளிநாடுகளுக்கு எடுத்து செல்பவர்களுக்கு இலகுவாக உணவுப் பொருட்களுக்கு எந்த வித கேடும் வராத வகையில் ஆழகிய முறையில் தயார் செய்து வாடிக்கையாளர்களை திருப்திபடுத்துவது “கீழை மரசெக்கு எண்ணெய்” நிறுவனத்தின் கூடுதல் சிறப்பாகும்.

பிரியாணி என்றால் விரும்பாதவர்கள் யாரும் இருக்க மாட்டார்கள். கல்யாண பந்திகளில் முந்திய உணவாக இருப்பது என்றுமே “பிரியாணி” தான். அந்த சுவையான பிரியாணியை தினமும் அருஞ்சுவையுடன் வழங்கி வருகிறார்கள் “ROYAL DUM BIRIYANI”.

ROYAL DUM BIRIYANI கடையில் தம் பிரியாணி, நெய் சோறு,மட்டன் பிரியாணி, பீய்ப் பிரியாணி மற்றும் தினசரி இரவு வேளையில் சுவையான இடியாப்ப பிரியாணி, கொத்து புராட்டா, சிலோன் முர்தப்பா போன்ற சுவையான சிறப்பு உணவுகளும் கிடைக்கிறது.

இங்கு ஆர்டரின் பெயரில் விசேஷங்களுக்கு வீட்டிற்கே வந்து உணவு வகைகள் பரிமாறப்படுகிறது. இந்த உணவகத்தின் உரிமையாளர்களே 2010ம் ஆண்டு முதன் முறையாக PIZZA, BURGER போன்றவைகளை கீழக்கரையில் Kilakarai AL BAKE உணவகத்தில் அறிமுகப்படுத்தியவர்கள். மேலும் இந்த உணவகத்தை நடத்துபவர்கள் வெளிநாடு மற்றும் உள்நாட்டிலும் பல உணவகங்களில் அனுபவம் வாய்ந்தவர்கள் என்பது குறிப்பிடத்தக்கது.

கீழக்கரையே மணக்கும் அளவிற்கு சுவை தரும் KILAKARAI ROYAL DUM BIRIYANI, கீழக்கரை முஸ்லீம் பஜார், லெப்பை டீ கடை அருகில் அமைந்துள்ளது.

கீழக்கரை இனிப்பு வகைக்கு முகவரி, அது “ராவியத் ஸ்வீட்ஸ்”. கீழக்கரை பாரம்பரிய இனிப்பு வகைகளான தொதல், பனியம், பொறிக்கஞ்சட்டி கொளுக்கட்டை, வெள்ளாரியாரம் என அனைத்து வகையான இனிப்பு வகைகளும் ஓரே இடத்தில் கிடைக்கும்.

தற்போது “ராவியத் ஸ்வீட்ஸ்”, மைதா சேர்க்காமல் கோதுமை மற்றும் பிராய்லர் கோழி சேர்க்காமல் புதுப் பொலிவுடன் மட்டன் முர்தபா(எ) லாப்பா சூடாகவும், சுவையாகவும், நியாயமான விலையில் தயாரித்து விற்க தொடங்கியுள்ளார்கள்.

இங்கு முக்கிய அம்சமாக வீட்டு விசேஷங்களுக்கு ஆர்டரின் பெயரில் சிறந்த முறையில் செய்து கொடுக்கிறார்கள். அதே போல் கடைக்கு வந்து வாங்க இயலாதவர்களுக்கு வீட்டிற்கே வந்து கொடுக்கும் வசதியும் செய்துள்ளார்கள்.

மேல் விபரங்களுக்கு

ராவியத் சுவிட்ஸ் கீழக்கரை.
9942320350
9787920785

கீழக்கரையில் சமீபத்தில் அழகிய முறையில் பேக் செய்யப்பட்டு சந்தைக்கு வந்திருக்கும் பொருள்தான் “AAMIR FOODS”. இந்நிறுவனம் சுவையான முறுக்கு, ரிப்பன் பக்கோடா காரச்சேவ் வகைகள் மற்றும் குளோப் ஜாமுன் வீட்டிலேயே கை பக்குவத்தில் தயாரிக்கப்பட்டு சர்வதே சந்தையில் கிடைக்கும் சுவையுடன் விற்பனைக்கு கீழக்கரை பகுதிக்கு வந்துள்ளது.

இது சம்பந்தமாக இதன் உரிமையாரை சந்தித்த பொழுது, இந்நிறுவனத்தின் உரிமையாளர் பல வருடங்கள் சவுதி அரேபியாவில் உலக அளவில் பிரபலமான உணவு பொருட்கள் தயாரிக்கும் நிறுவனத்தில் பணிபுரிந்துள்ளார், அந்த அனுபவத்தின் அடிப்படையிலேயே கீழக்கரையிலும் அதே தரத்தில் உணவு பொருட்களை உற்பத்தி செய்து விற்பனை செய்கிறார்.

மேலும் அவர் கூறுகையில், அவருடைய வீட்டில் பெண்களுக்காக பெண்களால் அனைத்து விதமான நோய்களுக்கும் இயற்கை ரீதியான மருந்துவ ஆலோசனை வழங்கப்படுவதாகவும் கூறினார்.

வெளிநாட்டில் பல வருடங்கள் பணிபுரிந்து விட்டு, சொந்த ஊருக்கு வரும் பொழுது என்ன தொழில் புரிவது என அறியாமல் பல அன்பர்கள் இருக்கும் வேலையில், தான் பணிபுரிந்த வேலையையே, தொழிலாக மாற்றி மக்களுக்கு தரமான உணவு பொருட்களை தந்து கொண்டிருக்கும் இந்நிறுவனத்தை நிச்சயமாக நாம் பாராட்டியே ஆக வேண்டும். இவரின் தயாரிப்புகளை பெற 9944514665 என்ற எண்ணில் தொடர்பு கொள்ளலாம்.

தான், எனக்கு, தன் குடும்பம் என்று சுயநலமாக வாழ்ந்து வரும் இன்றைய உலகில், மற்றவருக்கு வேலைவாய்ப்பை அடையாளம் காட்டுவதை பொழுது போக்காக “ KILAKARAI CLASSIFIED ONLINE” என ஆரம்பித்து இன்று அதையே முழு நேரமாக பல இளைஞர்களுக்கு வேலை வாய்ப்புக்கான பல கதவுகளை திறந்துவிட்டிருக்கும் அளவுக்கு தனித்து நிற்கும் நிறுவனம்தான் “TRAVEL ZONE”.

இந்நிறுவனம் கீழக்கரை SKV சேக் என்பவரால் கடந்த 2014ம் ஆண்டு பதிவு செய்யப்பட்ட நிறுவனமாக ஆரம்பிக்கப்பட்டு வேலை வாய்ப்பு மட்டுமல்லாமல், அதன் சார்ந்த அனைத்து பணிகளையும் குறைந்த கட்டணத்தில் சேவை அடிப்படையில் மக்களுக்கு வழங்கி வருகிறார் என்பது குறிப்பிடத்தக்கது. இவருடைய சமூக சேவையை அங்கீகரிக்கும் வண்ணம் கடந்த நவம்பர் 2017ம் ஆண்டு அமீரகத்தில் உள்ள தனியார் மருத்துவமனை சார்பாக சிறந்த சமூக சேவகருக்கான விருது வழங்கப்பட்டது.

அதுபோல் இந்த வருடம் (2018) ஜனவரி மாதம் 4ம் தேதி புதிய தலைமுறை தொலைக்காட்சியும், காந்தி வோர்ல்ட் ஃபவுண்டேஷன் இணைந்து நடத்திய “100 இளைஞர்களில் நீங்களும் ஒருவரா?” என்ற நிகழ்வில் சமுதாயத்தில் மாற்றத்தை உண்டாக்க கூடிய இளைஞராக தேர்ந்தெடுக்கப்பட்டு கௌரவிக்கப்பட்டார்.

இந்நிறுவனத்தின் சேவையை பற்றி SKV.சேக் கூறுகையில், “ கன்சல்டண்ட்ஸ் சேவையில், அமீரகம் (துபாய்) 30 மற்றும் 90 நாட்கள் டூரிஸ்டு மற்றும் விசிட் விசா, ஓமன், கத்தார், பஹரைன், சவுதி, மலேசியா, சிங்கபூர், இலங்கை போன்ற நாடுகளுக்கு டூரிஸ்டு விசா போன்ற சேவைகள்மட்டும் அல்லாது உள்நாடு மற்றும் வெளிநாடுளுக்கும் மிகக்குறைந்த விலையில் விமான டிக்கெட்டுகள், குறிகிய கால பேக்கேஜ் எடுத்துத்தரப்படும் என்பதனையும் மகிழ்ச்சியுடன் தெரிவித்துக் கொள்கிறோம்,” என்றார்.

மேலும் துபாய், கத்தார் மற்றும் வளைகுடா நாடுகளில் வேலை வாய்ப்பு தொடர்பான இலவச ஆலோசனை மற்றும் வேலை தேடும் இளைஞர்களுக்கு ரூம், பெட் ஸ்பேஸ் கூடிய விசிட் விசா மற்றும் டூரிஸ்ட் விசா சேவை செய்து கொடுக்கப்படுகிறது. ஸ்பைஸ் ஜெட் & இன்டிகோ ஏர்லைன்ஸ் குரூப் டிக்கெட் (டிஸ்கவுண்ட்) சலுகை விலையில் புக்கிங் செய்து கொடுக்கிறோம். அமீரகம், சவூதி, கத்தார் உள்ளிட்ட வெளிநாடு வாய்ப்புகளுக்கான அனைத்தை விதமான சான்றிதழ் அட்டெஸ்டேஷன்களும் செய்து தரப்படும்”. என்றார்.

அவர் தொடர்ந்து இ சேவை மையம் பற்றி கூறும் பொழுது “ எங்கள் நிறுவனம் முழுமையாக மத்திய அரசு அங்கீகாரம் பெற்ற இ சேவை மையம் ஆகும். இங்கு அரசு சார்ந்த அடையாள அட்டைகள், அரசு மற்றும் பொது ஆவணங்கள் என அனைத்து விதமான ஆவணங்களும் எளியவகையிலும் சிறந்த முறையிலும் விண்ணப்பித்து தரப்படும். அதே போல்
குடும்பத்தினருக்கு பான் அட்டை – PAN CARD (விண்ணப்பித்தல்). ஆதார் அடையாள அட்டை – Aadhaar Card (விண்ணப்பித்தல் /பிழை திருத்தம் செய்தல்), வாக்காளர் அடையாள அட்டை – ELECTION ID (ஆன்லைனில் விண்ணப்பித்தல் /பிழை திருத்தம் செய்தல், பாஸ்போர்ட் – PASSPORT ( ஆன்லைனில் அப்பாயின்மெண்ட் பெற்றுத்தருதல் /புதுப்பித்தல்), உங்களது வீடு, தோட்டம் மற்றும் சொத்துகள் தொடர்பான பட்டா /சிட்டா போன்ற ஆவணங்கள் இணையத்தளம் மூலம் பதிவிறக்கம் செய்து தருதல், வக்கீல்கள் மூலம் அஃப்பிடவிட் – AFFIDAVIT விண்ணப்பித்து எடுத்துத்தருதல், ஜாப் டைப்பிங் – JOB TYPING, பயோடேட்டா – BIO DATA (சுயவிவரக்குறிப்பு) தயார் செய்து தருதல் ஆகியன போன்ற சேவைகள் சிறந்த முறையில் செய்து தருகிறோம் என்றார். மேலும் வீட்டில் இருக்கும் முதியவர்கள் மற்றும் சிறார்களுக்கு உங்கள் வீட்டிலேயே வந்து அனைத்து வகையான ஆவணங்களும் இணையதளம் மூலம் விண்ணப்பித்து பெறுவதற்கு ஏற்பாடு செய்து கொடுக்கிறோம் என்பதை மகிழ்ச்சியுடன் தெரிவித்தார். துபாய் மற்றும் வளைகுடா நாடுகளில் உள்ளவர்களுக்கு பான் அட்டை (PAN CARD) விண்ணப்பித்து பெறுவதற்கு ஏற்பாடு செய்து தரப்படும் என்றார்.

இவர்களை அணுக கீழே உள்ள எண்ணில் வாட்சாப்பிலும் தொடர்பு கொள்ளலாம். விசா சம்மந்தமான விபரங்களுக்கு:
டிராவல் ஜோன் கன்ஸல்டண்ட்
டைமண்டு பிளாசா, முதல் மாடி, மார்க்கெட் எதிரில்,
கீழக்கரை, (இராமநாதபுரம் மாவட்டம்)
eMail 📨 : [email protected]

📱 + 91 944 341 2896 ( I N D I A )

📱 + 91 999 499 5065 ( I N D I A )

📱 + 971 55 2371 271 (D U B A I )

கீழை டைரி – 3

BE A BEE காட்டுத் தேன்..

“முயலான் கொம்புத் தேனுக்கு ஆசைப்பட்டதைப் போல!” – இது பழமொழி.

இந்த பழமொழி காலப்போக்கில் முயலான் என்ற வார்த்தை மருவி முடவன் என்று மாறி ‘முடவன் கொம்புத் தேனுக்கு ஆசைப்பட்டதைப் போல’ என புழக்கத்தில் பேசப்படுகிறது. அதாவது, முயலான் என்றால் முயற்சி செய்யாதவன் என்று பொருள். கொம்புத் தேன் என்பது பெரிய மலை உச்சியிலும், காடுகளில் பெரிய பெரிய மரங்களின் உச்சியிலும் தேனீக்களால் தேன் சேமித்து வைக்கப்பட்டிருக்கும். அந்த தேனீக்களிடமிருந்து தேனை எடுப்பது ஒரு சாதாரண விசயமல்ல. அந்த தேனை முயன்றால் தான் எடுக்க முடியும்.

எனவே தான் முயற்சி செய்யாமல் ஒரு பொருளின் மீது ஆசைபடுபவனிடம், “முயலான் கொம்புத் தேனுக்கு ஆசைப்பட்டதைப் போல!” என்று நம் முன்னோர்கள் சொல்லியிருக்கிறார்கள்.

இத்தனை பெருமைகளையும் உடைய தேனை கீழக்கரையில் வீட்டில் இருந்தவாரே வியாபாரம் செய்து வருகிறார்கள். அத்தேனின் சிறப்புகள்தான் கீழே தரப்பட்டுள்ளது.

BE A BEE (தேனீயாக இருங்கள்) என்ற நுட்பமான பெயரில் சுத்தமான காட்டுத்தேனை விற்கின்ற வளரும் நிறுவனத்தின் இராமநாதபுர வட்ட வினியோகத்தை நாங்கள் செய்து வருகிறோம்.

பொதுவாக நம்மவர்கள் மருந்துக்குத்தான் தேனைப் பயன்படுத்தி வருகிறார்கள். டாக்டர் எழுதிக் கொடுத்த மாத்திரையைத் தூளாக்கி அதைத் தேனில் குழைத்து குழந்தைகளுக்குத் தருவார்கள். அதற்கு 50 கிராம் தேன்புட்டி வாங்கி கொள்வார்கள். உண்மையில் தேனை நாள்தோறும் சுவைத்து வந்தாலே மருந்து மாத்திரைகளில் உயிர் வாழ்வதைப் பெரும் அளவில் தவிர்த்துவிட முடியும்.

BE A BEE நிறுவனம் காட்டுத்தேன், நாட்டுத்தேன் என்று இரண்டு வகைகளை விற்பனை செய்கின்றது. காட்டுத்தேனைப் பச்சையாக விற்கிறது. தேனைக் காய்ச்சி, வடிகட்டாமல் பச்சையாக விற்கும்போது சில சமயங்களில் அது கெட்டித்தன்மை இல்லாதும் இருக்கலாம், உறையலாம், நுரைக்கலாம். ஆனால், பரிபூரணச் ஊட்டச்சத்தும் மருத்துவ குணமும் உடையது இதுவே.

தேன் ஒரு தொழிற்சாலையின் உற்பத்தி பொருள் அல்ல. எப்போதும் ஒரே சுவை, ஒரே நிறம், ஒரே அடர்த்தி, ஒரே மணம் என்று விற்க முடியாது. தேனீக்கள் பூக்களின் மதுரத்தை உறிஞ்சித் தங்கள் பிரத்தியேக வயிற்றில் எடுத்து வந்து தங்களிடையே உமிழ்ந்து, பல முறை உறிஞ்சி உமிழ்ந்து தேனாக ஆக்குகின்றன. பூக்களுக்கு ஏற்றவாறே சுவை, நிறம், மணம் அமைகின்றன. தட்ப வெப்பத்திற்கு ஏற்ப அடர்த்தி மாறுகின்றன. எனவே, ஒரு முறை வாங்கி உண்ட அதே சுவையில், நிறத்தில் அடுத்த முறையும் இருக்கும் என்று எதிர்பார்க்க முடியாது. நாங்கள் சாம்பிள் தர மறுப்பதற்கு இதுவும் காரணம். புட்டிக்குப் புட்டி தேன் வேறுபடலாம்.

எங்களிடம் பலரும் சுத்தமான தேனை எப்படிக் கண்டுபிடிப்பது என்று கேட்பார்கள். கலப்படத்தைக் கண்டறிய நீரில் விட்டுப் பார்த்தல், மை உறிஞ்சு காகிதம்/பருத்தித் துணியில் சொட்டு விடுதல், நாய் நக்குகிறதா, எறும்பு மொய்க்கிறதா (சில சமயங்களில் வாடை பிடித்தால் மொய்க்கும்) என்று பார்த்தல், தீக்குச்சி உரசுதல், உயிருள்ள ஈயை அமுக்கிப் பறக்கவிடுதல் போன்ற வித்தைப் பரிசோதனைகள் அறிவியல் உலகம் ஏற்காதவை. நம்பகமான சாட்சி, நவீன பரிசோதனைக் கூடம் தருகின்ற அறிக்கை ஆகிய இரண்டு மட்டுமே எங்களுக்கு அளவுகோள்கள்.

இங்கு நாட்டுத்தேன் குறித்தும் சில விஷயங்களைக் கூற வேண்டியுள்ளது. பூச்சிக்கொல்லி மருந்துகள் அடிக்காமல் விவசாயம் செய்கின்ற பகுதிகளிலும், பசுமையான தோட்டங்களிலும் பெட்டிகளில் தேனீக்களை வளர்த்துச் சேகரிப்பது நாட்டுத்தேன். சர்க்கரை நீரில் தேனீக்களை மொய்க்கவிட்டுச் சேகரிப்பதாக நினைப்பது தவறு. பெட்டிகளில் கூடுகட்டி வாழும் தேனீக்கள் மழைக்காலத்தில் எங்கும் செல்ல முடியாமல் உணவின்றி சாகக் கூடாது என்றே தேனீ வளர்ப்போர் சர்க்கரை கரைசலை வைப்பதுண்டு.

காட்டுத்தேனைப் பச்சையாக விற்கும் நாங்கள் நாட்டுத்தேனைப் பதப்படுத்தி விற்கிறோம். தேனை நீராவி மூலம் காய்ச்சி அதிலுள்ள ஈரப்பதத்தைக் குறைத்து வடிகட்டும் முறைக்குப் பதப்படுத்துதல் எனப்படும். தேனில் கலந்து கிடக்கும் மெழுகுத் துணுக்குகள், காற்றுக் குமிழ்கள், தேனீயின் இறக்கைகள், கால் துண்டுகள், தூசுகள் இவற்றை நீக்குவதே இதன் நோக்கம். இதைத் தீவிரமாக இல்லாமல் எளிதான சூட்டில் காய்ச்சி வடிகட்டி, தேனின் ஈரப்பதத்தைக் குறைக்கிறோம். இதனால் அது விரைவில் உறையாமலும், ஈஸ்ட் (உயிரிகள்) அதிகரித்து புளிப்புச் சுவை வராமலும் நுரைக்காமலும் இருக்கும்.

தேனுக்கு காலாவதி இல்லை. கெடவே செய்யாது. எனினும், அதன் தன்மைகள் மாற்றமடைவதால் Best Before என்று மாதக்கணக்குக் குறிப்பிடும்படி fssai எனும் உணவுத் தரக்கட்டுப்பாடு விதி கூறுகிறது. Best Before என்றாலே குறிக்கப்பட்ட அதன் காலம் கடந்தாலும் அந்த உணவு உண்ணத் தகுதியானது என்பதுதான்.

நாங்கள் பிற நிறுவனங்களின் விலையை ஒப்பிட்டுப் பார்த்து விலை நிர்ணயம் செய்வதில்லை. விலையில் போட்டி இடுவது BAB கொள்கை அல்ல. தரத்தில் போட்டி இடுகிறோம். பாக்டீரியா வளர்ச்சியை தடுக்கும் மருந்துகள் (Anti Biotic) புகட்டப்படாத நாட்டுத் தேனீக்களின் தேனை இரசாயனங்கள் இல்லாமல், எவ்விதக் கலப்படமும் செய்யாமல், தரமாக விற்பதே எங்கள் கொள்கை. இதற்காக ஏற்படும் எல்லாக் கூடுதல் செலவையும் நாங்கள் எதிர்கொள்வதால் அதற்குத் தகுந்த விலையில்தான் தர முடிகிறது. ஒவ்வொரு பொருளும் அதன் தரத்திற்குரிய விலையில்தானே கிடைக்கும்?. எங்கள் வாய்மையில் நம்பிக்கை இருந்தால் வாங்கி உண்ணுங்கள். பிரார்த்தனைகள்.

எங்கள் பொருட்களின் விலை விபரம் கீழே:-

பச்சைக் காட்டுத்தேன் விலை விவரம்:
* 1 கிலோ ரூ.640
* 1/2 கிலோ 350
* 1/4 கிலோ 190

நாட்டுத்தேன் விலை விவரம்:
* 1 கிலோ ரூ.440
* 1/2 கிலோ 250
* 1/4 கிலோ 140

தரமான தேனை கீழக்கரையில் வாங்க 7868989329 (நலீம்) என்ற எண்ணில் தொடர்பு கொள்ளலாம்.

கீழை டைரி -2. 

அல் பய்யினாஹ் கல்வி குழுமம்

கீழக்கரையில் சிறப்பான கல்வியை மாணவர்களுக்கு வழங்குவதில் அல் பய்யினாஹ் பள்ளியும் ஒன்றாகும்.  அப்பள்ளியின் தாளாளர் பள்ளியின் செயல்பாடுகளைப் பற்றி கூறியதாவது:-

கீர்த்திமிகு கீழக்கரையில் எத்தனையோ பள்ளிக்கூடங்கள் இருந்தாலும் முதன் முதலாக முத்தாய்ப்பாக மார்க்க கல்வி இணைந்த உலகக்கல்வியை கற்று கொடுக்கும் நோக்கோடு உருவாக்கப்பட்ட பள்ளிக்கூடம் அல் பய்யினாஹ் மெட்ரிகுலேஷன் பள்ளிக்கூடம் என்பதை நம்மில் அறிமுகப்படுத்திக் கொள்வதில் பெருமிதம் கொள்கிறோம்.

இந்தக் கல்விக்கூடம் கடந்த 2012 ஆண்டு சேர்மனாக ரஃபி அஹமது , துணை சேர்மனாக முஹம்மது இக்பால், செயலாளர்  இம்ரான், மற்றும் தாளாளர் ஆக ஜாபிர் சுலைமான் ஆகியோரை உள்ளடக்கி துவங்கப்பட்டு இன்று அனைத்து துறையிலும் மாணவர்கள் சிறந்து விளங்கும் விதமாக ஒரு சுடர் விடும், மாற்றத்தின் வித்தகர்களாய் இளைய சமுதாயத்தை இக்கல்வி நிறுவனம் உருவாக்கி வருகிறது.

அல் பய்யினாஹ் பள்ளிக்கூடம் மாணவர்களை ஊக்குவிக்கும் விதமாக பல் வேறு பயிற்சிகளையும், நிகழ்ச்சிகளையும் புதுமையான வகையில் நடத்தி வருவது ஓரு முக்கிய அம்சமாகும். மேலும் உலக கல்வி, மார்க்க கல்வி, கூடுதல் கல்வி நடவடிக்கைகள், இணை பாட நெறி நடவடிக்கைகள் மற்றும் விளையாட்டு போட்டிகள் எதுவாக இருந்தாலும் எங்கள் மாணவ, மாணவிகள் அதிலே வெற்றிகளை குவிப்பார்கள் என்பது கடந்த கால நிகழ்வின் நிதர்சன உண்மை.

கீழக்கரை தனியார் பள்ளிக்கூடங்களில் முதன் பள்ளியாக மத்திய அரசால் சிறுபான்மை அங்கீகாரம் பெற்ற பெருமையும் நம் பள்ளிக்கே சாரும். எதர்வரும் காலங்களில் இன்னும் பல சாதனைகளை படைத்து சமூகத்தில் சிறந்த தலைவர்களை உருவாக்கவும் நம் பள்ளி எல்லா நிலையிலும் மாணவர்களை தயார் படுத்தப்படுகிறார்கள்.

மேலும் கீழக்கரையில் முதன் முதலாக பெண்களுக்கு B.A . Islamic Studies பல்கலைக்கழக இளங்கலைப்பட்டத்தை அறிமுகபடுத்திய கல்வி நிறுவனமாக அல் பய்யினாஹ் அகாடமி கடந்த 2016ல் உருவாக்கப்பட்டு சிறந்து விளங்கி வருகின்றது.

எங்கள் அகாடமி ஒரே சமயத்தில் 2 இளங்கலை பட்டபடிப்பு (DUAL DEGREE) அறிமுகப்படுத்துவதற்கு முயற்சிகள் மேற்கொண்டு வருகிறது. மேலும் இன்றைய காலத்தை துணிச்சலோடு எதிர்கொள்வதற்கும், இங்கு படிக்கக்கூடிய 3ஆண்டுகளை சரியான முறையில் பயன்படுத்துவதற்காக கூடுதலாக 3 பட்டயப்படிப்பு (Diploma Courses), 6 சான்றிதழ் படிப்பு (Certificate Courses), 6 inter -discipline courses வழங்கலாம் என்ற திட்டமும் இருக்கின்றது. இதன் மூலமாக மார்க்கத்தை அடிப்படையாக கொண்டு மற்றதுறைகளிலும் பெண்கள் சிறந்து விளங்குவதற்கு அறிய வாய்ப்பாக அமையும் என்பதில் ஐயமில்லை .

அல் பய்யினாஹ் பள்ளி கல்வி சேவை சிறந்து விளங்க கீழை நியூஸ் நிர்வாகம் வாழ்த்துகிறது.

கீழை டைரி – 1

அல் ரைஹான் ஹஜ் உம்ரா சர்வீஸ்..

இன்றைய கீழை டைரியில் பதிவாகிறது “அல் ரைஹான் ஹஜ் உம்ரா சர்வீஸ் – AR RAYHAN HAJ&UMRA SERVICE” . இந்த சேவை கீழக்கரை மேலத் தெரு, மணியார் தெருவில் இயங்கி வருகிறது. இச்சேவையை முஹம்மது என்பர் முன்னிருந்து நடத்தி வருகிறார். இவரின் சேவையின் சிறப்பம்சமாக கீழே உள்ளவற்றை விவரிக்கிறார்.

1⃣ஹாஜிகளுக்கும் உம்ரா செல்லக் கூடியவர்களுக்குமான மனநிறைவான, வெளிப்படையான அணுகுமுறையும் பணிவிடையும்

2⃣ வாக்குறுதிகளில் நூறு சதவிகிதம் நிறைவு

3⃣உலமாக்களின் வழிகாட்டலுடன் உணவு, தங்கும் அறை,பயண ஏற்பாடுகள் அனைத்திலும் சீரிய தரமான அமைப்பு.

4⃣மூன்று தரத்தில் முறையான கட்டணக்குறைப்பு செய்யப்பட்டு சிறந்த சலுகைகளுடன் தங்களை ஹஜ் மற்றும் உம்ராவிற்கு அழைத்துச்செல்கிறோம்.

5⃣ஹாஜிகளின் துஆவே நோக்கமாக செயல்பட்டு வரும் நமது நிறுவனம் பல நூறு ஹாஜிகளுக்கு சேவை செய்துள்ளோம்.

★ஹரம்களுக்கு மிக அருகில் 4 ஸ்டார் ஹோட்டல்.

★பயண நாட்கள் 14.

★சென்னை விமானநிலையத்தில் புறப்பாடு & வருகை, உஹத், ஹன்தக், ஹுதைபியா இலவச ஜியாரத்.

★உயர்வான தமிழக உணவு

இவர்களின் சேவை மூலம் கீழக்கரை, காயல்பட்டினம் மற்றும் பல பகுதிகளில் இருந்து பயனடைந்துள்ளார்கள்.

தொடர்புக்கு சகோதரர் முஹம்மது என்பவரை 9884225857 அல்லது 7358518835 என்ற எண்ணை அழைக்கலாம்.

இவருடைய தொழில் எல்லா வளமும் பெற கீழை நியூஸ் நிர்வாகம் வாழ்த்துகிறது.

‌

‌

கீழக்கரையில் உள்ள பழமையான வங்கிகளில் ஒன்றானதாகும் பாரத வங்கி. ஆனால் வாடிக்கையாளர் திருப்தி என்பது என்றுமே எட்டாக் கனியாகும். மக்களை பணம் போடுவதில் இருந்து, பணத்தை எடுக்கும் வரை எந்த அளவுக்கு அலைகழிக்க முடியுமோ அந்த அளவுக்கு பொதுமக்களை நோகடித்து விடுவார்கள்.

கடந்த பல நாட்களாக புதிய ரூபாய் நோட்டான 2000 இருப்பில் இல்லாத காரணத்தால், ATM இயந்திரம் பயன்பாட்டில் இல்லாமல் பழுதடைந்த நிலையிலேயே உள்ளது. அனைத்து பரிவர்த்தனைகளையும் இயந்திரம் மூலம் செயல்படுத்த வலியுறுத்தும் வங்கி நிர்வாகம், பழுதை நீக்குவதற்கு எந்த துரித நடவடிக்கையும் எடுக்கவில்லை.

இஸ்லாமியார்களுக்கு புனித மாதமான ரமலான் மாதம் மற்றும் அரசு பணியாளர்களுக்கு மாத சம்பள காலமாகிய இச்சமயத்தில் பணபரிவரத்தனைகள் அதிகம் இருக்கும், ஆனால் ATM இயந்திரம் முறையாக செயல்படாமல் இருப்பது பொதுமக்களுக்கு பெரும் சிரமத்தை உண்டாக்கியுள்ளது.

விளையாட்டு பொம்மைகள் என்றால் ஒரு காலத்தில் வெளிநாட்டில் இருந்து அல்லது சென்னை மாநகர் போன்ற இடங்களில் இருந்து வருவதற்காக காத்திருந்த காலங்கள் இருந்ததுண்டு. பின்னர் இணையதளம் மூலம் வேண்டியதை பார்த்து வாங்கும் வகையில் எளிதாகியது. ஆனாலும் நாம் விரும்புவதை நேரில் பார்த்து, உணர்ந்து வாங்குவது போல் திருப்தி கிடைப்பது கிடையாது. அதுவும் குழந்தைகளுக்கு வாங்கும் பொருட்களாக இருந்தால் நாம் அதிக கவனம் செலுத்துவோம்.

அக்குறையை நீக்க தற்சமயம் கீழைநகரில் குழந்தைகளின் விளையாட்டு பொருட்களுக்காகவே உருவாகியுள்ளது HSF TOY STORE. இக்கடையில் வெளிநாட்டு விளையாட்டு பொருட்களும், வெளிநாட்டு தரத்தில் உள்நாட்டு பொருட்களும் நியாயமான விலைகளில் விற்கப்படுகிறது.

இக்கடையில் வெறும் பொம்மைகளுடன் மட்டும் நிறுத்தி கொள்ளாமல், பொருள் வாங்க வரும் குழந்தைகளின் மனம் கவரும் வகையில் தரமான உள்நாட்டு மற்றும் வெளிநாட்டு சாக்லேட் மற்றும் பிஸ்கட் வகைகளும் விற்பனைக்கு வைக்கப்பட்டுள்ளது.

இக்கடை எல்லோரும் எளிதில் அணுகும் வகையில் வள்ளல் சீதக்காதி சாலையில் ( ஜும்மா பள்ளி மற்றும் மூர் டிராவல்ஸ் எதிர்புறம்) திறக்கப்பட்டுள்ளது. மேலும் இது கீழைநகருக்கு புதிய முயற்சியாக இருந்தாலும், மக்கள் மனதை கவரும் என்பதில் ஐயமில்லை.

கீழக்கரையில் கடந்த சில தினங்களாக மலேசிய தூதரக அதிகாரிகள் சுற்றுப் பயணம் மேற்கொண்டனர். இச்சுற்றுப்பயணத்தில் பல்வேறு வரலாற்று சிறப்பு மிக்க பகுதிகளை சுற்றிப்பார்த்தனர்.

அவர்களுடைய பயணத்தைப் பற்றி வரலாற்று ஆய்வாளர் அபூ சாலிஹ் கூறுகையில், கீழக்கரையில் இரவு நேரங்களில் நடந்தே சென்று கடைகளயும், உண்பண்டங்களையும் மிகவும் ரசித்ததோடு இல்லாமல், மலேசியாவின் சாயல் அதிகமாக இருப்பதாக வியந்தனர். மேலும் கீழக்கரை வரலாற்று அம்சங்கள் அடங்கிய புத்தகத்தை கீழக்கரை ஆர்வலர்களின் மலேசியா அதிகாரிகள் ஆர்வத்துடன் வேண்டுகோள் வைத்தனர்.

மேலும் மலேசியா தூதரக அதிகாரிகள் கீழக்கரையின் பாரம்பரிய இடங்களை மிகவும் ஆச்சரியத்துடனும், ஆர்வத்துடனும் சுற்றிப்பார்த்தனர். விரைவில் மலேசியாவுக்கும், இந்தியாவுக்கும் இடையான பாரம்பரிய உறவு பற்றிய குறும்படம் எடுக்கும் சம்பந்தமாக மேலும் மலேசிய அதிகாரிகள் கீழக்கரைக்கு வரவிருப்பதாகவும் தெரிவித்தார்கள். மலேசிய தூதரக அதிகாரிகளை கீழக்கரை சமூக ஆர்வலர்கள், வரலாற்று ஆய்வாளர்கள் அபு சாலிஹ் மற்றும் கட்டிட கலை நிபுனர் நூருல் ஹபீப் ஆகியோர்  இணைந்து அனைத்து பகுதிகளையும் சுற்றி காண்பித்தார்கள்.

பன்னெடுங்காலமாக தொடர்ந்து வரும் இந்திய-மலேசிய முஸ்லிம்களின் இணைபிரியா தொடர்புகள் இன்றளவும் தொட்டுத் தொடருகிறது. இது குறித்த ஆவண படம் ஒன்றினை மலேசிய அரசு சார்பாக விரைவில் வெளிவர இருக்கிறது. இதன் முன்னோடியாக மலேசிய இந்திய முஸ்லிம் தேசிய பேரவை (பெர்மிம்) தாய்-சபை யினர் கீழக்கரை நகருக்கு வருகை தந்து அதன் தொன்மையை பற்றி ஆய்வு செய்தனர்.

மலேசிய அரசின் அங்கீகாரம் பெற்ற மலேசிய இந்திய முஸ்லீம்களின் அரசு சாரா அமைப்புகளின் தாய் சபையான பெர்மிம் பேரவை, மலேசிய இந்திய முஸ்லிம்களின் 40 க்கும் அதிகமான அமைப்புகளின் தாய் சபையாகும்.

கீழக்கரைக்கு வருகை தந்திருக்கும் மலேசிய இந்திய முஸ்லிம் தேசிய பேரவை சபையின் தலைவர் ஹாஜி. தாஜுதீன், பொருளாளர் ஹமித் ஜபருல்லா, உருப்பிணர் சைய்து முகமத், மலேசிய இஸ்லாமிய அமைச்சக பிரிவின் ஒளிப்பதிவாளர் முஹம்மது சாஆத் பின் அப்துல்லாஹ் உள்ளிட்டோர் கீழக்கரையின் தொன்மையை ஆய்வு செய்து படம் பிடித்தனர்.

முன்னதாக கீழக்கரை தாஸிம்பீவி மகளிர் கல்லூரியின் முதல்வர் பேராசிரியர்.டாக்டர் சுமையா தாவுத், சீதக்காதி டிரஸ்ட் மேலாளர் தாவூத்கான், வரலாற்று ஆய்வாளர் செய்யது அபுசாலிஹ், பொற்கிழி விருது பெற்ற சகோதரர்கள் கவிஞர் அப்துல் ஹக்கிம், தென்பாண்டி சீமையிலே, ஆட்சி பீடம் ஆசிரியர் அப்துர் ரஜாக் உள்ளிட்டோர் கலந்து கொண்டு அவர்களை வரவேற்றனர்.

இது குறித்து கீழக்கரை வரலாற்று ஆய்வாளர் செய்யது அபுசாலிஹ் கூறுகையில் ”மலேசிய வாழ் இந்திய முஸ்லீம்களின் தொடர்பு என்பது, ஆரம்பத்தில் 7ஆம் நூற்றாண்டில் அரபியர்களால் வணிகத்தில் தொடர்ந்து 13 ஆம் நூற்றாண்டில் மீண்டும் தமிழ் முஸ்லிம்களால் தனித்துவமாய் செழிப்புற்று விளங்கியதையும்,

வணிகத்தில் துவங்கிய தொடர்பு பின் வாழ்வியல், கலாச்சாரம், மார்க்கம், உணவு, கல்வியிலும் தொடர்ந்தது என்பதாக வரலாறு உள்ளது. அது கீழக்கரை, நாகை பகுதிகளை சார்ந்த வணிக பெருமக்களால் செழித்தது என்றால் அதில் மாற்று கருத்தில்லை.” என்று தெரிவித்தார்.

மேலும் மலேசிய தொடர்புடைய சில ஆதாரங்களையும் விளக்கி கூறிய வரலாற்று ஆய்வாளர் அபு சாலிஹ் கூறுகையில் ”ஈரான் நாட்டை சேர்ந்த தாஜுன் அவுலியா சாலிஹ் முகம்மது நிசாபூரி அவர்களின் மாணவர்களும் சன்மார்க்க மேதைகளுமான ரிபாயி பள்ளி செய்குமார்களான சேகு செய்யது சுல்தானுல் ஆரிபீன், சேகு செய்யது முகம்மது, சேகு செய்யது அகமது நெய்னார், சேகு செய்யது அகமது கபீர், சேகு முகம்மது, சேகு குல்சும் முகம்மது, சேகு அப்துர் ரஹ்மான், சேகு அலி முகம்மது, சேகு செய்யது இபுராகிம், சேகு பலுலுதீன், சேகு அலாவுதீன், சேகு ஜலாலுதீன், சேகு சம்சுதீன், சேகு கமருதீன், சேகு நூருதீன், சேகு முகம்மது இலியாஸ் மற்றும் பலர் இந்தோனேசியா, மலேசிய மலாக்காவிற்கு சன்மார்க்கம் பரப்ப பயணமாகி திரும்பியதையும், சுல்தானுல் ஆரிபீன், சேகு அலி முகம்மது, சேகு இலியாஸ், சேகு அலாவுதீன் மற்றும் கீழக்கரைவால் கப்பலோட்டியர்களான அன்றய முதலியார், நெய்னார்மார்களின் பிள்ளைகளான சிறார்கள் சிலரும் மலாக்கா மன்னரால் வெட்டி கொல்லபட்டதையும் அவர்களின் அடக்க இடம் மலேசிய பூலபெசர் தீவில் உள்ளதையும் சுட்டிகாட்டி விளக்கினார்.

அரபியர்கள், சோலியாக்கள், மலேசிய பூகி இனத்தவர், மாப்பிள்ளைகள், மாபர் மலபார் தொடர்பு உள்ளிட்ட ஏராலமான தகவள்களை அறிந்து பெற்ற குழுவினர், மாபர் கரையின் தொன்மையையும் அதன் புதையுண்ட வரலாற்றையும் கேட்டு வியந்து பாராட்டினர்.

கோடை காலம் ஆரம்பிக்கும் முன்னரே, கடும் வெயில் வாட்ட துவங்கி விட்டது. நண்பகல் வேளைகளில் வெளியே செல்லும் பொதுமக்கள் வெயிலின் தாக்கம் காரணமாக நாவறட்சியால் இளநீர், லஸ்ஸி, ஜுஸ் உள்ளிட்டவற்றை தேடி சென்று வாங்கி அருந்துகின்றனர்.

இந்நிலையில் கீழக்கரை வடக்குத் தெருவை சேர்ந்த சிராஜுதீன் தன் ஆட்டோவின் பின் பக்கத்தில் ஜுஸ் பாத்திரத்தை பொருத்தி, ஆட்டோவில் சவாரி ஏற்றிக் கொண்டே கூலாக ஆரஞ்ச் ஜுஸ் விற்பனை செய்து கூடுதல் வருமானத்திற்கு வழி செய்திருக்கிறார்.

இந்த புது விதமான யுக்தியை கையாளும் ஆட்டோ ஓட்டுநர் சிராஜுதீன் நம்மிடையே பேசுகையில் ”நான் கடந்த 5 வருடங்களாக கீழக்கரையில் சொந்தமாக ஆட்டோ வாங்கி ஒட்டி வருகிறேன். தற்போது கோடை காலம் துவங்க இருப்பதால் நிச்சயம் பொதுமக்கள் ஜுஸ் உள்ளிட்ட குளிர்பானங்களை தேடி செல்வார்கள். எனவே எனக்கு இது போன்று நம் ஆட்டோவிலேயே ‘மொபைல் ஜுஸ் கடை’ வைத்தால் என்ன என்கிற ஆர்வத்தில் இதனை தயார் செய்து விற்பனை செய்து வருகிறேன்.

பல நேரம் ஆட்டோவில் சவாரி வரும் பொதுமக்களே என்னிடம் அதிகமாக ஜுஸ் சாப்பிடுகின்றனர். இதனால் எனக்கு கூடுதல் வருமானம் கிடைக்கிறது. அதே போல நான் சவாரிக்காக காத்து நிற்கும் இடங்களிலும் ஆரஞ்ச் ஜுஸ் வியாபாரம் சிறப்பாக இருக்கிறது. அனைவரும் ஆதரவு தர வேண்டும்” என்று ஆனந்தத்துடன் தெரிவித்தார்.