அறிமுகம்

கீழக்கரை 500 பிளாட் பகுதியை சேர்ந்த அன்வர் ஹுசைன், கடந்த 2011 ஆம் ஆண்டு முஸ்லீம் பஜாரில் (லெப்பை மாமா டீக்கடை எதிரில்) ‘அபியா ஆப்டிகல்ஸ் & ஜெனரல் டிரேடிங்’ என்ற பெயரில் கண்ணாடி மற்றும் வெளி நாட்டு சாமான்கள் விற்பனையகம் சிறப்பாக நடத்தி வருகிறார்.

மக்கள் மத்தியில் பெரும் வரவேற்பை பெற்ற ‘அபியா ஆப்டிகல்ஸ்’ கண்ணாடி கடை தற்போது உசைனியா திருமண மஹால் அருகாமையில் கடந்த 07.05.2018 அன்று புதுப் பொலிவுடன் வாடிக்கையாளர்களை கவரும் வண்ணம் திறக்கப்பட்டு உள்ளது. இந்த திறப்பு விழா நிகழ்ச்சியில் ஆலீம் பெருந்தகைகள், வாடிக்கையாளர்கள் மற்றும் பொதுமக்கள் திரளாக கலந்து கொண்டு தொழில் சிறக்க வாழ்த்துக்களை தெரிவித்தனர்.

கீழக்கரை புதுத்தெருவை சேர்ந்த சகோதரர்கள் முகம்மது சஹீது, சித்திக் இபுறாகீம், ஃபவுசுல் அலியுர் ரஹ்மான் ஒன்றிணைந்து ‘ஸ்பைஸி ஹலால்’ என்கிற பெயரில் துணை உணவு தயாரிப்பு நிறுவனத்தினை துவங்கி சிறப்பாக செய்து வருகின்றனர். உள்ளூரில் தரமான மூலப் பொருள்களுடன், கை தேர்ந்த சமையல் கலைஞர்களின் கண்காணிப்பில், பக்குவமாக தயாரிக்கப்படும் மாசிப் பொரியல், இறால் பொரியல், நெத்திலி பொரியல், சென்னா கூனி பொரியல் உள்ளிட்ட அசத்தும் பொரியல் வகையறாக்களை வாங்கி ருசிக்கும் ‘ஸ்பைசி ஹலால்’ பிரியர்கள், இந்த பொரியல் வகைகள் தங்கள் சாப்பாட்டு தட்டில் இல்லாமல் மதிய உணவினை சாப்பிடுவதே இல்லை.

அது போல் கடல் தாண்டி வளைகுடா உள்ளிட்ட நாடுகளுக்கு செல்லும் ‘ஸ்பைசி ஹலால்’ பிரியர்கள் தங்களோடு இந்த நாவிற்கினிய பொரியல் வகையறாக்களுக்கும் சேர்த்து விமான டிக்கெட்டு எடுத்து விடுகின்றனர். ‘ஸ்பைசி ஹலால்’ நிறுவனத்தின் தயாரிப்புகள் அனைத்தும் வாடிக்கையாளர்கள் ருசிப்பதற்கு இலகுவாக தயார் நிலையில் இருப்பதால் மீண்டும் சமைக்க வேண்டியதில்லை. அப்படியே சாப்பிடுவதற்கு ஏதுவாக இருப்பது குறிப்பிடத்தக்கது. இதனால் ரமலான் நோன்பு காலங்களில் இஸ்லாமிய மக்களால் பெரிதும் வரவேற்பை பெற்றிருக்கிறது.

கீழக்கரை தொதல், பணியம், ஓட்டுமா, கலகலா வரிசையில் இப்போது ‘ஸ்பைஸி ஹலால்’ உணவு தயாரிப்புகளும் பிரபலமாகி வருகிறது. வெளி நாடுகளில் வசிக்கும் நம் கீழக்கரைவாசிகள், ஒவ்வொரு முறை விடுமுறையில் வரும் போதும், இந்த ஸ்பைஸி ஹலால் உணவு வகைகளை வாங்கி சென்று தங்களுடன் பணி செய்யும் நண்பர்களுக்கு பரிசளிப்பது வழக்கமாகி வருகிறது.

இது மட்டுமல்லாமல் சுத்தம் செய்யப்பட்ட மாசித் தூள், இறால் கருவாடு, நெத்திலி கருவாடு, சென்னா கூனி கருவாடு உள்ளிட்ட தித்திக்கும் துணை உணவு வகை தயாரிப்புகளும் இங்கு கிடைக்கிறது. தற்போது கீழக்கரை, இராமநாதபுரம் நகரின் சிறப்பங்காடிகள் மட்டுமல்லாது தமிழகமெங்கும் இந்த ‘ஸ்பைஸி ஹலால்’ உணவு வகைகள் அனைத்து கடைகளிலும் முக்கிய இடத்தை பிடித்து வாடிக்கையாளர்களை கவர்ந்து வருகிறது. அதே போல் திருவனந்தபுரம், நாகர்கோயில், திருநெல்வேலி, பாண்டிச்சேரி, கோயம்பத்தூர் நகரங்களில் இருக்கும் போத்தீஸ் சூப்பர் ஸ்டார் சிறப்பங்காடிகளிலும் இந்த ‘ஸ்பைஸி ஹலால்’ உணவு தயாரிப்புகள் கிடைக்கிறது.

இது குறித்து ‘ஸ்பைஸி ஹலால்’ நிறுவனர்களில் ஒருவரான பவுசுல் அலியுர் ரஹ்மான் கூறுகையில் ”இறைவனுடைய அருளால் எங்கள் நிறுவனத்தின் தயாரிப்புகள் கடல் கடந்து அனைவராலும் நேசிக்கப்படுகிறது. கடந்த 5 ஆண்டுகளாக ஸ்பைசி ஹலாலின் பொருட்கள் மட்டுமே பெரும்பாலோருக்குத் தெரியும், முதன் முதலாக ஸ்பைசி ஹலாலின் உரிமையாளர்களையும் இவ்வுலகுக்கு கீழை நீயூஸ் டி.வி மூலம் அறிமுகப்படுத்திய அல்லாஹுக்கே எல்லாப் புகழும். கீழை நீயூஸ் டி.விக்கு எங்களின் நன்றியை தெரிவித்துக் கொள்கிறோம். வாடிக்கையாளர்கள் உங்கள் மேலான ஆதரவை தொடர்ந்து எங்கள் நிறுவனத்திற்கு தர வேண்டும்.” என்று தெரிவித்தார்.

‘ஸ்பைஸி ஹலால்’ நிறுவனத்தாரின் வியாபாரம் செழிக்க கீழை நியூஸ் வலைத்தளம் சார்பாக மனமார்ந்த வாழ்த்துக்களைத் தெரிவித்துக் கொள்கிறோம்.

கீழக்கரை கிழக்குத் தெருவில் இயங்கி வரும் கீழக்கரை மெடிக்கல் மிஷன் மருத்துவமனையில் புதிய பல் மருத்துவப் பிரிவு கடந்த சில மாதங்களுக்கு முன் நவீன வசதிகளுடன் துவங்கப்பட்டு சிறப்பாக செயல்பட்டு வருகிறது. 60,000 க்கும் மேற்பட்ட மக்கள் தொகை கொண்ட கீழக்கரை நகரில் பல் மருத்துவம் என்பது என்பது அவசியமான ஒன்றாக இருக்கிறது.

கீழக்கரை நகரில் இருந்து பல் மருத்துவம் பயின்ற கிழக்குத் தெருவை சேர்ந்த டாக்டர்.ஹஃப்ஸா பாத்திமா, டாக்டர்.சில்வியா ஜெயத்துடன் இணைந்து கீழக்கரை மெடிக்கல் மிஷன் மருத்துவமனையின் பல் மருத்துவ பிரிவில் பணியாற்றி வருகின்றனர்.

‘‘பல் போனா சொல் போச்சு’ என்பார்கள். இந்தப் பொன் மொழியின் அவசியத்தை உணர்ந்த நம் முன்னோர்கள் பற்களை சரிவர பராமரிக்க வேண்டும் என்பதை ஆதி காலம் தொட்டு சொல்லி வருகிறார்கள். ஏனெனில், பற்கள் தான் ஆரோக்கியத்துக்கான தலை வாசல்’’ என்பதை இன்றைய மருத்துவ உலகமும் வலியுறுத்தி வருகிறது. பல் ஆரோக்கியமின்மை இதயத்தையும் பாதிக்கும்.

நமது வாய் தான் எல்லாவற்றுக்குமே நுழைவாயில். இந்த வாயிலில் நுழைந்து தான் அனைத்துக் கிருமிகளும் நோய்களும் நம் உடலின் உள்ளே போகும் என்பதால் பற்களை பன்மடங்கு அக்கறையோடு நாம் பராமரிக்க வேண்டும். சரி… இப்போது பற்களை பராமரிப்பது பற்றி பல் மருத்துவம் மற்றும் பல் சீரமைப்பு நிபுணர்களான டாக்டர்.ஹஃப்ஸா பாத்திமா மற்றும் டாக்டர்.சில்வியா ஜெயம் என்ன சொல்கிறார்கள் என்று தெரிந்து கொள்வோமா…?

செய்ய வேண்டியவை :

உணவு சாப்பிட்ட பிறகு ஒவ்வொவொரு முறையும் தண்ணீர் கொண்டு வாய் கொப்பளிக்க வேண்டும். அப்பொழுதுதான் பல் இடுக்குகளில் உணவு பொருட்கள் தங்காது. தினமும் காலை மற்றும் இரவு படுக்கும் முன் பற்களை துலக்க வேண்டும்.

பற்கள் இடுக்குகளில் உள்ள அழுக்குகளை நீக்க பிளாஸ் பயன்படுத்தலாம். ஓரல் இரிகேட்டர் என்பது வாயில் தண்ணீரை வேகமாக செலுத்தும் கருவி. இதனை பற்கள் சுத்தம் செய்ய பயன் படுத்தலாம். இவை தவிர வருடத்திற்கு ஒரு முறை பற்களை பல் டாக்டரின் ஆலோசனை படி சுத்தம் செய்வது அவசியம்.

பற்களில் ஏற்படும் மற்றொரு பிரச்சனை வாய் துர்நாற்றம். இதற்கு பல காரணங்கள் உள்ளன. பற்களில் கறை படிவதால் அல்லது பல் சொத்தை, வெங்காயம் மற்றும் பூண்டு போன்ற உணவுகளை அதிகமாக உடம்கொள்வது, தொண்டை, வயிறு அல்லது நுரையீரலில் பிரச்னை போன்றவற்றால் வாய் துர்நாற்றம் ஏற்படும். இந்தப் பிரச்னை உள்ளவர்கள், ஒரு மணி நேரத்துக்கு ஒரு முறை தண்ணீர் குடிக்க வேண்டும். எவ்வளவு தண்ணீர் எடுத்துக் கொள்கிறார்களோ, அவ்வளவுக்கு துர்நாற்றம் வீசாது.

பற்கள் எடுப்பாக இருந்தால், அதை கிளிப் போட்டு சரியாக்கலாம். சில சமயம் தாடை எலும்புகள் தூக்கலாக இருக்கும். அவர்களுக்கு அறுவை சிகிச்சை மூலம் சரி செய்யலாம். புளோரைட் பாதிப்பால் பற்களின் நிறம் பழுப்பாக இருக்கும். அவர்களின் முக அமைப்புக்கு ஏற்ப பற்களுக்கு மேல் செயற்கையான கேப் போட்டுக் கொள்ளலாம்.

எல்லாவற்றையும் விட முக்கியம் பற்களில் சிறு பிரச்னை ஏற்பட்டால் உடனடியாக பல் நிபுணரை அணுகி ஆலோசனை பெற வேண்டும்.
கண் எரிச்சல், மூட்டு வலி, சரும பிரச்னை இருந்தால் அதற்கு பல் சொத்தையும் ஒரு காரணம் என்பதால் அதற்கான சிகிச்சையும் எடுத்துக் கொள்ளலாம்.

செய்யக் கூடாதவை :

கடினமான உணவுப் பொருட்களை முன்னால் உள்ள பற்களால் கடிக்கக் கூடாது. கடவாய் பற்களை பயன்படுத்தலாம். முன் பற்கள் அசைவ உணவை கிழித்து சாப்பிட மட்டுமே உதவும்.

பேனா பென்சில் மற்றும் பிளாஸ்டிக் பொருட்களை பல்லால் கடிப்பது , பூவின் நார் மற்றும் துணியில் உள்ள நூலை பற்கள் கொண்டு அறுக்கக் கூடாது.புகை, பாக்கு, வெற்றிலை மெல்லுவதை உடனடியாக நிறுத்த வேண்டும்.

குழந்தைகளுக்கு புட்டி பால் கொடுக்கும் போது, அவர்கள் சாப்பிட்ட பிறகு, உடனடியாக தண்ணீர் கொடுக்க வேண்டும். இல்லையென்றால், பற்களில் பாக்டீரியா தங்கி கரை படியும் வாய்ப்பு உள்ளது.

சிறு வயதிலிருந்தே நமது பற்களின் மீது தனி கவனம் செலுத்தி வந்தால் எவ்வளவு வயதானாலும் நம் பற்களைப் பழுதடையாமல் வைத்து கொள்ளலாம்.

சின்னஞ்சிறு குழந்தைகளுக்கு இரவில் பால், சர்க்கரை சேர்ந்த பால், சாக்லெட், பிஸ்கெட் போன்றவற்றைக் கொடுப்பதைத் தவிர்க்க வேண்டும். அதையும் மீறி சாப்பிட்டால், வாயைக் கழுவாமல் பல் துலக்காமல் படுக்கக் கூடாது.

ஆறு மாதங்களுக்கு ஒருமுறை பல் மருத்துவரிடம் சென்று, பற்களைச் சுத்தப்படுத்திக் கொள்ள வேண்டும்.

பற்களோ, தாடையோ சீராகச் சரியான வடிவத்தில் வளர்ச்சி பெறாமல் இருந்தால், அதைச் சிறு வயதிலேயே கவனித்து, கட்டுப்படுத்தி முக அழகை மேம்படுத்திக் கொள்ள முடியும்.

பொதுவாகவே அதிக அளவு சாக்லெட், ஐஸ்கிரீம், கார்போனேடட் பானங்கள், சிட்ரிக் ஜூஸ்கள் ஆகியவற்றை எடுத்துக் கொள்ளாமல் இருப்பது நல்லது.

வெள்ளை வெளேரென்று இருந்தால்தான் அவை அழகான, ஆரோக்கியமான பற்கள் என்பதில்லை. லேசான பழுப்பு நிறத்தோடு தான் பற்கள் இருக்கும். பல்லில் உள்ள கரையை நீக்க ப்ளீச்சிங் அல்லது லேசர் சிகிச்சை செய்து கொள்ளலாம்.

பல் தூக்கலாக இருந்தால் ப்ரேசஸ் போட்டுக் கொள்ளலாம். பற்கள் இல்லை என்றால் அதையும் நிரந்தரமாகப் போடலாம். அனைத்து வசதிகளும் கீழக்கரை மெடிக்கல் மிஷன் மருத்துவமனை பல் மருத்துவ பிரிவில் உள்ளது.

கீழக்கரை வடக்குத் தெரு இடி மின்னல் மளிகை கடையில் இருந்து வடக்குத் தெரு தைக்கா செல்லும் சாலையில் கீழக்கரை பெண் மருத்துவர் அல் அம்ராவின் ‘அல் ஃபலா கிளினிக்’ இன்று (30.03.2018) வெள்ளிக்கிழமை மாலை 4.30 மணியளவில் இனிதே ஆரம்பமாகியது. இந்த துவக்க விழா நிகழ்ச்சியில் ஏராளமான பொதுமக்கள் கலந்து கொண்டு சிறப்பித்தனர்.

கீழக்கரையில் இருந்து சென்னைக்கு செல்லும் பயணிகள் எண்ணிக்கை நாளுக்கு நாள் உயர்ந்த வண்ணம் உள்ளது. பல நேரங்களில் சென்னைக்கு செல்ல ரெயில் மற்றும் பேருந்துகளில் சீட் கிடைக்காமல் பொதுமக்கள் பெரும் அவதி அடைந்து வருகின்றனர். இந்நிலையில் இன்று கீழக்கரை வள்ளல் சீதக்காதி சாலையில் ‘ஜெம்ஸ் டிராவல்ஸ்’ என்கிற பெயரில் கீழக்கரையில் இருந்து சென்னைக்கு புதிய ஹைடெக் பேருந்து சேவை துவங்கப்பட்டுள்ளது. இந்த திறப்பு விழா நிகழ்ச்சியில் ஏராளமான பொதுமக்கள் கலந்து கொண்டு வாழ்த்தினர்.

தொன்மை வரலாறுகளை தன்னகத்தே கொண்ட பழம்பெரும் கீழக்கரை நகருக்கு சென்னை மீயூசியத்தின் முன்னாள் துணை தலைவர் தொல்லியல் ஆய்வாளர் ராஜா முஹம்மது நேற்று முன் தினம் வருகை தந்தார். அவரை கீழக்கரை வரலாற்று ஆராய்ச்சியாளர். சட்டப் போராளி. அபு சாலிஹ் வரவேற்று கீழை மாநகரின் பல்வேறு சரித்திர பின்னணியுள்ள பகுதிகளுக்கு அழைத்து சென்றார்.

கீழக்கரை பகுதியில் எண்ணற்ற பழங்காலத்து கல்வெட்டுகளும், ஓலை சுவடிகளும், நினைவு தூண்களும், சிற்பங்களும் காணப்படுகிறது. இவற்றையெல்லாம் முறையாக தொகுத்து, பாதன் ஹெரிடேஜ் லீக் எனும் அறக்கட்டளை அமைப்பின் மூலம் ஆவணப்படுத்தி கீழை மாநகரின் வரலாறுகளை எதிர்கால இத்தலைமுறையினருக்கு உண்மை மாறாமல் கொண்டு சேர்க்கும் பணியினை விரைவில் துவங்க இருப்பதாக தெரிவித்துள்ளனர்.

ஜனநாயகத்தின் நான்காம் தூண்களாகிய பத்திரிகை மற்றும் ஊடக துறை என்பது சமூக பொறுப்புணர்வுடன் உண்மை செய்திகளை உடனுக்குடன் சாமானியனுக்கு கொண்டு செல்லும் மாபெரும் பணியினை செம்மையாக செய்து வரும் உன்னதமான துறையாகும். இதனை மென்மேலும் சிறப்புடன் செய்வதற்கு பத்திரிக்கையாளர்கள், ஊடகவியலாளர்கள், நிருபர்கள், எழுத்தாளர்கள், கட்டுரையாளர்கள் போன்றோரின் அர்ப்பணிப்பு எழுத்துக்களால் சொல்லி விட முடியாது.

இந்த பத்திரிகை துறை நண்பர்கள் அனைவரையும் ஒருங்கிணைத்து தமிழ்நாடு பிரஸ் & மீடியா ரிப்போர்ட்டர்ஸ் யூனியன் (தமிழ்நாடு பத்திரிகை ஊடகவியலாளர் யூனியன்) என்கிற பேரவை சென்னையை தலைமையிடமாக கொண்டு தமிழகமெங்கும் பல்வேறு மாவட்டங்களிலும் சிறப்பாக செயலாற்றி வருகிறது.

இந்நிலையில் கீழக்கரை ‘கீழை நியூஸ்’ அலுவலகத்திற்கு நேற்று வருகை தந்திருந்த தமிழ்நாடு பத்திரிகை ஊடகவியலாளர் யூனியனின் நிறுவனர், மாநில தலைவர், ‘சட்டம் ஒழுங்கு’ மற்றும் ‘புதுவை தேசம்’ உள்ளிட்ட மாத இதழ்களின் ஆசிரியர் டாக்டர் மு. சிவதமிழவன் அவர்களை கீழை நியூஸ் நிறுவனர் ஆசிரியர் அப்துல்லா செய்யது ஆப்தீன், கீழை நியூஸ் இணை ஆசிரியர் வழக்குரைஞர் முஹம்மது சாலிஹ் ஹுசைன் மற்றும் தமிழ்நாடு பிரஸ் & மீடியா ரிப்போர்ட்டர்ஸ் யூனியன் மாவட்ட நிர்வாகி, கீழை நியூஸ் நிருபர், புகைப்பட கலைஞர் ‘ரெட் மீடியா’ கார்த்தி உள்ளிட்டோர் சால்வை அணிவித்து வரவேற்றனர்.

இந்த சந்திப்பின் போது தற்கால ஊடக நிகழ்வுகள் மற்றும் எதிர்காலத்தில் பத்திரிக்கை துறையில் ஒருங்கிணைந்து ஆற்ற வேண்டிய பணிகள், எதிர்கொள்ள வேண்டிய இடர்பாடுகள் குறித்து ஆலோசனை செய்தனர்.

மேலும் எதிர் வரும் மார்ச் 31 அன்று சென்னையில் நடைபெறும் தமிழ்நாடு பிரஸ் & மீடியா ரிப்போர்ட்டர்ஸ் யூனியனின் பொதுக்குழு கூட்டத்தில் யூனியனில் அங்கம் வகிக்கும் அனைத்து பத்திரிக்கையாளர்களும் கீழை நியூஸ் மீடியாவுக்கு ஆதரவு அளிக்கும் அறிவிப்பினை மாவட்ட நிர்வாகி ரெட் மீடியா கார்த்தி செய்வது என்றும் கீழை நியூஸ் சம்பந்தமான அறிமுக கையேட்டினை பொதுக் குழுவில் பங்கேற்கும் அனைத்து பத்திரிக்கை மற்றும் ஊடகத் துறை நண்பர்களுக்கும்   வழங்குவது என்றும் முடிவு செய்யப்பட்டது.

கீழக்கரை கிழக்குத் தெருவை சேர்ந்த சகோதரர் ரிபாய்தீன் தங்கள் நண்பர்களுடன் இணைந்து சென்னை புரசைவாக்கம் தானா தெருவில் ‘அர் ரஹ்மான் ஜூவல்லர்ஸ்’ என்கிற பெயரில் தங்க நகை கடையினை கடந்த மாதம் திறந்துள்ளார். பொன் நகை வியாபாரத்தில் 25 ஆண்டு கால அனுபவம் நிறைந்த சகோ. ரிபாய்தீன் தமிழகத்தின் தலை சிறந்த தங்க ஆபரண நிறுவனங்களில் பணிபுரிந்துள்ளார். கடந்த 2012 ஆண்டு முதல் தங்க நகை மொத்த வியாபாரத்திலும் கோலோய்ச்சி சிறப்பாக தொழில் செய்து வருகிறார்.

‘அர் ரஹ்மான் ஜூவல்லர்ஸ்’ நிறுவனத்தின் சிறப்பு அம்சமாக தங்க நகை சேமிப்பு திட்டம் சிறப்பாக செயல்படுத்தப்பட்டு வருகிறது. ரூ 1000 முதல் ரூ. 5000 வரை இந்த தங்க நகை சேமிப்பு திட்டத்தில் நடுத்தர மக்களும் இணைந்து பயன்பெறும் வகையில் செயல்படுத்தப்பட்டு வருகிறது. மேலும் இந்த திட்டத்தின் இணையும் வாடிக்கையாளர்களை குலுக்கல் முறையில் தேர்ந்தெடுத்து புனித ரமலான் மாதத்தில் உம்ரா பயணம் மற்றும் துபாய் சுற்றுலா பயணம் அனுப்ப திட்டமிடப்பட்டு இருக்கிறது.

‘அர் ரஹ்மான் ஜூவல்லர்ஸ்’ நிறுவனத்தின் வாடிக்கையாளர்களுக்கு தங்க நகை சேமிப்பு திட்டத்தில் சேவைகளை இலகுவாக்கும் நோக்கத்தோடு கீழக்கரை கிழக்குத் தெரு அப்பா பள்ளி அருகாமையில் ‘அர் ரஹ்மான் ஜுவல்லர்ஸின் கலெக்சன் செண்டர் தற்போது நிறுவப்பட்டுள்ளது. இதன் மூலம் வாடிக்கையாளர்கள் மாதந்தோறும் தங்கள் சேமிப்புகளை சிரமமின்றி செலுத்தி பயனடைய முடியும். ‘அர் ரஹ்மான் ஜூவல்லர்ஸ்’ நிறுவனத்தின் பொன் நகை தொழில் சிறக்க கீழை நியூஸ் நிர்வாகம் சார்பாக வாழ்த்துக்களை தெரிவித்து கொள்கிறது.

கீழக்கரை நகரில் அவசர கால இரத்த தேவைகளை உடனுக்குடன் பூர்த்தி செய்வதற்கு ஏதுவாக இரத்த தானம் செய்ய விரும்பும் கொடையாளர்களும், இரத்தம் தேவைப்படுவர்களும் இலகுவாக சந்தித்து பயனடையும் வகையில் கீழை நியூஸ் சார்பாக ‘KEELAI NEWS BLOOD APP’ நேற்று (16.02.18) கீழக்கரையில் அறிமுகப்படுத்தப்பட்டு உள்ளது. இதற்கான அறிமுக விழா நிகழ்ச்சி நேற்று இரவு 7 மணியளவில் ஆலீம் புலவர் பவாஸ் வணிக வளாக கட்டிடத்தில் இயங்கும் சினர்ஜி இன்டர்நெஷனல் கல்வியகத்தில் (முஸ்லீம் பஜார் பீஸா பேக்கரி மேல்தளம்) சிறப்பாக நடைபெற்றது.

இந்த ‘KEELAI NEWS BLOOD APP’ அறிமுக விழா நிகழ்ச்சியினை இஸ்லாமிய கல்வி சங்கத்தின் தலைவர், அல் பைய்யினா அகாடமியின் பேராசிரியர் சட்டப் போராளி ஆலீம் தவ்ஹீத் ஜமாலி கிராஅத் ஓதி துவங்கி வைத்தார். கீழை நியூஸ் நிறுவனரும், வடக்குத் தெரு சமூக நல அமைப்பு NASA-வின் முன்னாள் தலைவருமான செய்யது ஆப்தீன் நிகழ்ச்சிக்கு தலைமை ஏற்று தலைமை உரை ஆற்றினார். கீழை நியூஸ் சட்டப் போராளிகள் தள ஒருங்கிணைப்பாளர், மக்கள் நல பாதுகாப்பு கழகத்தின் பொருளாளர் முஹம்மது சாலிஹ் ஹுசைன் வரவேற்புரை வழங்கி ‘KEELAI NEWS BLOOD APP’  குறித்த அறிமுக உரையினை, காணொளி வீடியோ காட்சிகள் மூலம் விளக்கினார்.

வாழ்த்துரையை SDPI கட்சியின் கீழக்கரை நகர் செயலாளர் ஹமீது பைசல், விடுதலை சிறுத்தைகள் கட்சியின் நகர் செயலாளர் சட்டப் போராளி ஹமீது யூசுப், கிழக்குத் தெரு ஜமாஅத் துணை பொருளாளர் சட்டப் போராளி முஹம்மது அஜிஹர், மக்கள் நல பாதுகாப்பு கழகத்தின் செயற்குழு உறுப்பினர் சட்டப் போராளி பாதுஷா ஆகியோர் வழங்கினர். நிகழ்ச்சியின் நிறைவாக அல் பய்யினா மெட்ரிகுலேசன் பள்ளியின் தாளாளரும், இந்திய தவ்ஹீத் ஜமாத்தின் மாவட்ட துணை தலைவருமான சட்டப் போராளி ஜாபீர் சுலைமான் நன்றியுரை வழங்கினார்.

இந்த நல்ல நிகழ்ச்சிக்கு ஜமாத்தினர், சமூகநல அமைப்பினர், பொதுநல சங்கத்தினர், சமுதாய இயக்கத்தினர், அரசியல் கட்சியினர் திரளாக வந்து கலந்து கொண்டு ‘KEELAI NEWS BLOOD APP’ அறிமுக விழா நிகழ்ச்சியினை சிறப்பித்த அனைத்து நல் உள்ளங்களுக்கும் கீழை நியூஸ் நிர்வாகம் சார்பாக நெஞ்சார்ந்த நன்றியினை தெரிவித்து கொள்கிறோம்.

இந்த BLOOD APP செயலியை கீழே உள்ள இமேஜை க்ளிக் செய்து அல்லது QR CODEஐ, ஸ்கேன் செய்து பதிவிறக்கம் செய்து கொள்ளலாம்..

———————

கீழக்கரை நகரில் அவசர கால இரத்த தேவைகள் நாளுக்கு நாள் அதிகரித்த வண்ணம் உள்ளது. அவசர அறுவை சிகிச்சைகள், எதிர்பாராத விபத்து, டெங்கு, வைரஸ் காய்ச்சல், இரத்த அணு குறைபாடு போன்றவற்றினால் பாதிக்கப்படும் மக்கள், தங்களுக்கான இரத்த வகைகள் கிடைக்காமல் பெரும் அவதிக்குள்ளாகி வருகின்றனர். இந்நிலையில் பொதுமக்கள் கீழக்கரை, இராமநாதபுரம் சுற்றுவட்டாரங்களில் இரத்த தானம் செய்ய விரும்புபவர்களும், இரத்தம் தேவைப்படுவர்களும் இலகுவாக சந்தித்து பயனடைவதற்கு ஏதுவாக கீழை நியூஸ் சார்பாக ‘KEELAI NEWS BLOOD APP’ அறிமுகப்படுத்தப்பட உள்ளது.

இந்த ‘KEELAI NEWS BLOOD APP’ அறிமுக விழா நிகழ்ச்சி நாளை (16.02.18) வெள்ளிக்கிழமை இரவு 7 மணியளவில் ஆலீம் புலவர் பவாஸ் வணிக வளாக கட்டிடத்தில் இயங்கும் சினர்ஜி இன்டர்நெஷனல் கல்வியகத்தில் (முஸ்லீம் பஜார் பீஸா பேக்கரி மேல்தளம்) நடைபெற உள்ளது. இந்த நல்ல நிகழ்ச்சியில் உள்ளூரில் இருக்கும் அனைத்து சமுதாய மக்களும், ஜமாத்தினர், சமூகநல அமைப்பினர், பொதுநல சங்கத்தினர், சமுதாய இயக்கத்தினர், அரசியல் கட்சியினர் அனைவரும் இதனையே அழைப்பிதழாக ஏற்று தவறாது கலந்து கொண்டு அறிமுக விழா நிகழ்ச்சியினை சிறப்பித்து தருமாறு கீழை நியூஸ் நிர்வாகம் சார்பாக கேட்டுக் கொள்கிறோம்.

சென்னையில் இனி ‘சான்ட்விச்’ சாப்பிடணுமா…? 143 வகையான சான்ட்விச் அயிட்டங்களை வழங்கி வாடிக்கையாளர்களை திக்குமுக்காட வைத்து கொண்டிருக்கிறது ‘சான்ட்விச் ஸ்கொயர்’ உணவகம். நல்ல ருசிமிகுந்த வகையறாக்களை தேடித் தேடி ருசி பார்த்து சாப்பிடும் ‘சான்ட்விச் பிரியர்களுக்கு இனி கொண்டாட்டம் தான். டார்க் சாக்லேட் சான்ட்விச், நட்டெல்லா சான்ட்விச் என்று புதுவிதமாக வாடிக்கையாளர்களை கவர்ந்திழுத்து கொண்டிருக்கிறது.

இந்த ‘சான்ட்விச் ஸ்கொயர்’ உணவகத்தை சென்னை ஊரப்பாக்கம் G.S.T சாலையில், கீழக்கரை சின்னக்கடை ஈஸா தண்டையல் தெருவை சேர்ந்த சட்டப் போராளி. அஹமது கடந்த 05.02.18 அன்று திறந்துள்ளார். இந்த ‘சான்ட்விச் ஸ்கொயர்’ உணவகம் இந்தியா முழுவதும் 7 பெரும் நகரங்களில் 50 க்கும் மேற்பட்ட கிளைகளை திறந்து சிறப்பாக செயல்பட்டு வருகிறது.

இங்கு ‘சான்ட்விச் மட்டுமின்றி பீட்சா, பர்கர், பாஸ்தா, மேகி, ஐஸ்கிரீம், மில்க்க்ஷேக் என்று நாவிற்கினிய உணவு வகைகள் அனைத்தும் கிடைப்பது அனைவருக்கும் மகிழ்ச்சி தான். கீழக்கரை சட்டப் போராளி அஹமது இனிதே துவங்கியுள்ள சென்னை ‘சான்ட்விச் ஸ்கொயர்’ மாபெரும் வெற்றி பெற கீழை நியூஸ் வலைதளம் மனதார வாழ்த்துகிறது.

வட்டியில்லாத வங்கி நடைமுறைகளை விரும்ப கூடியவர்களுக்கான மத்திய அரசால் அங்கீகரிக்கப்பட்ட கூட்டுறவு அமைப்பாக ஜன் சேவா கூட்டுறவு சங்கம் இருக்கிறது. முற்றிலும் வட்டி இல்லாத நிலை, லாபத்தில் பங்கீடு மற்றும் சாமானிய மக்களின் பொருளாதார தேவைகளை சரி செய்து முன்னேற்றம் அடைய வழிவகைகளை செய்வது இந்த சங்கத்தின் முதன்மை நோக்கமாக கூறப்பட்டு இருக்கிறது.

கடந்த 2010 ஆம் ஆண்டு துவங்கப்பட்டு தற்போது 7 மாநிலங்களில் 31 கிளைகள் செயல்படுகிறது. 21000 வாடிக்கையாளர்களை கொண்டு சுமார் 450 கோடி அளவிற்கு பணப்பரிவர்த்தனை செய்யப்பட்டுள்ளது. மேலும் 40 கோடி அளவிற்கு புதிய தொழில்களை துவங்குவதற்கான கடனுதவி வழங்கப்பட்டுள்ளதாக தெரிவிக்கப்பட்டு உள்ளது.

இந்நிலையில் இன்று 11.03.17 இராமநாதபுரத்தில் இந்த ஜன் சேவா கூட்டுறவு சங்கத்தின் 32 வது கிளையின் துவக்க விழா நிகழ்ச்சி முஹம்மது சதக் வணிக வளாகத்தில் சிறப்பாக நடைபெற்றது. இதில் பல்வேறு சமுதாய அரசியல் கட்சிகளின் தலைவர்கள், கல்வியாளர்கள், முக்கிய பிரமுகர்கள் கலந்து கொண்டு விழாவினை சிறப்பித்தனர்.

பிறந்த குழந்தைகளுக்கு தாய்ப்பாலுக்கு பிறகு என்ன உணவு கொடுக்க வேண்டும் என்பதில் எல்லா பெற்றோருக்கும் குழப்பம் வரும். குழந்தையின் முதல் உணவு பால் தான். இயற்கை தரும் இனிய ஊட்டச்சத்து பானம். பல்லாயிரம் ஆண்டுகளுக்கு முன்னர், மனிதன் விவசாயத்திலும் கால்நடை வளர்ப்பிலும் ஈடுபட்டபோது பிற விலங்குகளின் பாலைப் பயன்படுத்தத் தொடங்கினான்.

ஆடு, பசு, எருமை, கழுதை, குதிரை… ஏன் ஒட்டகப்பால் வரை மனிதன் பருகாத பாலே இல்லை. ஆனால், ‘தாய்ப்பாலுக்குப் பிறகு பசும்பாலே குழந்தைகளுக்கு எளிதில் ஜீரணம் ஆகும்’ என்கிறது மருத்துவ உலகம். உலகளாவிய பால் உற்பத்தியில், பசும்பால் உற்பத்தி மட்டும் 85 சதவிகிதம்.

கீழக்கரையில் கடந்த 1970 ஆம் ஆண்டு காலக்கட்டத்தில் கீழக்கரை பால் உற்பத்தியாளர்கள் சங்கம் தற்போது லிட்டரி கிளப் அருகில் இருக்கும் கமுதி பால்கடை கட்டிடத்தில் அரசு ஏற்பாட்டில் பல முக்கியஸ்தர்களை கொண்டு தொடங்கப்பட்டது. அதன் தலைவராக மறைந்த M.M.K.முகம்மது இப்ராகீம் அவர்கள் இருந்தார். அந்த காலகட்டங்களில் கீழக்கரை,சுற்று வட்டாரங்களில் சுமார் எட்டுக்கும் மேற்பட்ட பால் பண்ணைகள் இருந்தது. அந்த பண்ணைகளில் பசும்பாலும், எருமைப்பாலும் விற்பனை செய்யப்பட்டு வந்தது.

நாட்டு பசு மாடுகளை வளர்க்கும் விவசாயிகள் நலன் கருதி அரசு முயற்சியில் பால் உற்பத்தியாளர்கள் கூட்டுறவு சங்கம் நிறுவப்பட்டது. இந்த கூட்டுறவு சங்கம் மூலமாக சத்தான அன்று கறந்த கலப்படம் இல்லாத சுத்தமான பசும்பால் பொதுமக்களுக்கும் தேனீர் கடைகளுக்கும் வினியோகம் செய்யப்பட்டது.

கடந்த 42 ஆண்டுகளாக பசும்பால் வியாபாரம் செய்து வரும் ‘மில்க் மேன்’ கொம்பூதி கிராமத்தை சேர்ந்த குப்புசாமி நம்மிடையே பேசும் போது ”கீழக்கரையில் பால் உற்பத்தியாளர்கள் கூட்டுறவு சங்கம் ஆரம்பிக்கப்பட்ட காலத்தில் என்னுடன் எட்டு பால் வியாபாரிகள் பணியாற்றினர். நாளடைவில் இந்த சங்கத்தில் பல வியாபாரிகள் இணைந்தனர். அதிகாலை ஐந்து மணிக்கும், மாலை நான்கு மணிக்கும் சங்கத்திற்கு வியாபாரிகள் அனைவரும் ஆஜர் ஆகிவிடுவோம்.

பால் கறக்கும் விவசாயிகள் பாலை சங்கத்திற்கு கொண்டு வந்து விடுவார்கள். சங்கத்தில் இருக்கும் பாலை லிட்டர் கணக்கில் எடுத்து ஒவ்வொரு வியாபாரிகளும் சில தெருக்களை தேர்வு செய்து பால் வியாபாரம் செய்து வருவோம். சங்கத்திற்கு பால் வழங்கும் விவசாயிகள் தண்ணீர் கலக்காத பாலை வழங்குவார்கள். நாங்களும் அந்த பாலை பொதுமக்களுக்கு வினியோகம் செய்வோம்.

தற்போது சங்கத்தில் பணியாற்றிய நான் மட்டுமே இந்த பால் வியாபாரத்தை தொடர்ந்து செய்து வருகின்றேன். தற்போது எனக்கு 68 வயதாகிறது. கடந்த நாற்பத்திரெண்டு வருடங்களாக என் கிராமத்தில் இருந்து சைக்கிளில் பத்து கிலோமீட்டர் தூரம் காலையிலும், மாலையில் வந்து பால் வியாபாரம் செய்து வந்த நான் என் உடல்நிலையை கருதி கடந்த நான்கு வருடங்களாக TVS XL சொந்தமாக வாங்கி இதில் வியாபாரத்தை தொடர்ந்து செய்து வருகின்றேன்.

சங்கத்தில் பணியாற்றிய போது மாதத்திற்கு ஒரு பகுதியாக சென்று வியாபாரம் செய்வோம். கடந்த 2010 அன்று சங்கத்தில் இருந்து விலகி தற்போது பால் வியாபாரத்தை தொடர்ந்து செய்து வருகின்றேன். என் வாடிக்கை தெருவாக நடுத் தெரு பகுதியை தேர்வு செய்து வியாபாரம் செய்து வருகின்றேன். தற்போது என் கிராமத்தில் இருந்து புறப்பட்டு வேளானூர் பகுதியில் நாட்டு பசு வைத்து இருக்கும் ஆறு விவசாயிகள் இடம் பாலை பெற்று என் வாடிக்கையாளர்களுக்கு கொடுத்து வருகின்றேன். காலை,மாலை சேர்த்து அறுபது லிட்டர் பால் தினமும் விற்பனை செய்கின்றேன் என்றார்.

பசும்பால் வியாபாரம் சம்பந்தமாக கீழக்கரை பிரமுகரும், சின்னக்கடை தெரு மக்கள் ஊழியர் முஸ்லிம் சங்கத்தின் பொருளாளருமான ஹபீப் முகம்மது தம்பி கூறுகையில் ”கீழக்கரையில் பால் உற்பத்தியாளர்கள் கூட்டுறவு சங்கம் மூலமாக சுத்தமான சத்து நிறைந்த தாய்ப்பாலுக்கு இணையான பசும்பால் விற்பனை செய்யப்பட்டு வந்தது.

அந்த காலகட்டங்களில் பசும்பால் மீது நம்பிக்கை தன்மை இருந்தது. இன்றைய சூழ்நிலையில் நம்பிக்கை தன்மையின்றி பாக்கெட் பால்கள் விற்பனைக்கு வந்துள்ளது. இதனால் பொதுமக்களும்,குழந்தைகளும் பாதிக்கபடுகின்றார்கள். எனவே அரசு விவசாயிகள் நலன் கருதியும், அவர்களின் வாழ்வாதாரம் பெருகவும் கூட்டுறவு பால் உற்பத்தியாளர்கள் சங்கத்தை புத்துணர்வு பெற செய்து பொது மக்களுக்கு சுத்தமான பசும்பால் கிடைக்க முயற்சி செய்ய வேண்டும்.

இதற்காக இயற்கை ஆர்வலர்கள் முன் வரவேண்டும். இதன் மூலம் நாட்டு பசு மாடுகள்,காளை மாடுகள் இனம் அழியாமல் காக்கபடுவதுடன் இயற்கை எரிவாயுக்கு மூல காரணமாக இருக்கும் சாணம் உற்பத்தியும் பெருகும்” என்றார்.

கீழக்கரையில் 29-12-2016 அன்று மாலை 8.00 மணி அளவில் கீழை நியூஸ் இணைய தளம் ஆரம்பம், கீழக்கரை மக்கள் களம் அறிமுக நிகழ்ச்சி மற்றும் சட்டப்போராளிகளுக்கான பரிசளிப்பு விழா நடைபெற்றது. இந்நிகழ்ச்சி வடக்கு தெரு இஸ்லாமிய அமைதி மையத்தில் குர்ஆன் கிராத்துடன் தொடங்கியது. நிகழ்ச்சியை சாலிஹ் ஹுசைன் தொகுத்து வழங்கினார்.

மக்கள் களத்தின் பொருளாளர் மற்றும் அல் பையினா மெட்ரிகுலேசன் பள்ளியின் தாளாளர் ஜாஃபிர் சுலைமான் வரவேற்புரையாற்றினார்.

பின்னர் மக்கள் களத்தின் செயலாளர் மற்றும் கீழை நியுஸின் நிர்வாக குழு உறுப்பினர் முஜம்மில் கீழக்கரை மக்கள் களத்தின் அறிமுக உரையாற்றினார்.

மக்கள் களத்தின் தலைவர் மற்றும் கீழை நியுஸின் நிர்வாக குழு உறுப்பினர் அப்துல்லலா செய்யது ஆப்தீன் இணையதளத்தின் அறிமுக உரையாற்றினார்.

மக்கள் களத்தின் அரசியல் ஆலோசகர் ரஃபிக் கீழை நியூஸின் தினசரி காலண்டரை வெளியிட்டு வாழ்த்துரையாற்றினார்.

கீழக்கரையின் வரலாற்று ஆராய்ச்சியாளர் அ.மு சுல்தான் கீழை நியூஸின் இணையதளம் www.keelainews.com ஆரம்பம் செய்து கீழக்கரை உண்மை வரலாற்றை பகிர்ந்து கொண்டார்.

கீழக்கரை மக்கள் களத்தின் துணைத் தலைவர் மற்றும் கீழை நியுஸின் நிர்வாக குழு உறுப்பினர் சாலிஹ் ஹுசைன் சட்டப்போராளிகள் குழுமத்தின் செயல்பாடுகள் அதனால் ஏற்படும் நன்மைகளை விளக்கி கூறினார்.

சட்டப்போராளிகளுக்கான முதல் மூன்று பரிசுகள் மற்றும் மூன்று ஆறுதல் பரிசுகள் வழங்கப்பட்டது. பரிசுகளை நாசா அறக்கட்டளையைச் சார்ந்த அகமது மிர்சா, மக்ரூஃப், ரஃபீக் மற்றும் PVM அறக்கட்டளையைச் சார்ந்த ரஜாக், கீழக்கரை வரலாற்று ஆய்வாளர் அ.மு சுல்தான், கீழக்கரை அமைதி மையத்தின் இமாம் ஆகியோர் பரிசுகளை வழங்கி சிறப்பித்தனர்.

மக்கள் நலப் பாதுகாப்பு கழகத்தின் செயலாளர் முகைதீன் இபுராஹீம் கடந்து வந்த பாதையையும், தகவல் அறியும் உரிமை சட்டத்தின் நன்மைகளைப் பற்றியும் விளக்கினார்.

கீழக்கரை மக்கள் களத்தின் பொருளாளர் ஜாஃபிர் சுலைமான் கீழக்கரையில் ஆரம்பம் ஆக இருக்கும் சட்ட ஆலோசனை செயல்பாடுகள் மற்றும் அதனால் உள்ள பலன்களையும் விளக்கினார். வடக்குத் தெரு நாசா அறக்கட்டளை மூலம் 30-12-2016 ஆரம்பிக்க இருக்கும் வட்டியில்லா கடன் திட்டத்தின் விளக்கமும் அறிமுகமும் இந்நிகழ்ச்சியில் எடுத்துரைக்கப்பட்டது. நிகழ்ச்சியின் நன்றியுரையை சாலிஹ் ஹுசைன் வழங்கினார். இறுதியாக நிகழ்ச்சியில் கலந்து கொண்ட அனைவருக்கும் சுகாதாரம் பற்றிய பிரசுரமும், கீழை நியுஸீன் தின காலண்டரும் வழங்கப்பட்டது.

To view the video of the full program please click below link..

https://www.facebook.com/syedabdeen/videos/10208203615196403/