கல்வி

”நாகா” காந்த கவிதை குரலுக்கு சொந்தக்காரர்.  அமீரகத்தில் வாழும் தமிழ் மக்கள் இரவு நேரங்களில் இவரின் கவிதை குரலை கேட்காதவர்கள் இருக்க முடியாது.  மெல்லிய இசைகளுக்கு இடையே அழகிய கவிதைகளுடன் நேயர்களின் மனதை கொள்ளையடிப்பவர்.

1998ம் ஆண்டு முதலே கிட்டத்தட்ட 10 கவிதை புத்தகங்களை வழங்கியவர். கடந்த வாரம் சென்னை புத்தக கண்காட்சியில் அவர் எழுதி 2017ம் வருடம் வெளியான “ஆதாமும் ஏவாளுமான சில ஆப்பிள் கதைகள்” படிக்க நேர்ந்தது.  கதைகளாக காதல் இருக்கும் என பயணிக்க தொடங்கினால் 90 பக்கங்களும் காதல் வழிந்தோடும், காதல் கொள்ளாதவரையும் வயப்படுத்தும் காதல் கவிதைகள்.

இக்கவிதை புத்தகம் தொடக்கம் முதல் காதலியை மனைவியாக, மனைவியை தோழியாக என பல கோணங்களில் காதலை சொட்டியுள்ளார்.  நட்பும், காதலும் இரண்டும் சமமே என்பதை தன் தலையங்கத்திலேயே நட்பின் ஆழத்தையும் உன்னதத்தையும் மிக நேர்த்தியாக தொடங்கி, பின் இறுதி வரை காதலை கவிதையாக கொண்டு சென்றுள்ளார்.

காதலின் உவமைக்கு எல்லையில்லை என்பதை உறுதிபடுத்துவது போல் புத்தகம் முழுவதும் காதலுக்கு உவமைகள்.  ஆணும் பெண்ணும் சமம் என்பதை வலியுறுத்தும் “ என் விருப்பங்களை அவளும், அவள் தேவைகளை நானுமாக..” “ நான் உயர பறக்கும் காற்றாடியாகிறேன், நூலுடன் வருகிறாள்..” என கோடிட்டு காட்டும் வரிகள்.

காமமும் அழகிய காதல்தான் என்று ஆர்ப்பரிக்கும் “சத்தமில்லாமல் நிகழ்வதற்கு பெயர்தான் காதல் என்று சொன்னால் அது காதலாகவே இருக்கட்டும்” எனும் வரிகள்.

காதல் அனைத்து இயற்கைக்கும் ஓப்பாக்கலாம் என்பது போல் நிலவை சாட்சியாக்கி, அறிவியலையும் துணையாக்கி, காவியங்களையும் தூணாக்கி, இலை – கொடி- செடிகள் மீது படர்ந்து, “ஒரு விசையை ஞாபகப்படுத்தும் அவள் வருகை..” என்று தானும் ஒரு இசை கலைஞன் என்பதை முத்திரை பதித்து, ராஜ ராஜனையும், பிரிதிவிராஜனையும் தொட்டு தானும் கவியின் அரசன் என்று அடையாளப்படுத்தி இருப்பது இக்கவிதை தொகுப்பின் முத்தாய்ப்பு.

இது போன்று புத்தகத்தில் உள்ள 90பக்கங்களையும் விவரிக்கலாம், ஆனால் இந்த காதல் சொட்டும் “ஆதாமும் ஏவாளுமான சில ஆப்பிள் கதைகள்” வாங்கி படித்து பாருங்கள், நீங்களும் காதலை உணரலாம்.

இன்னும் இதுபோன்ற பல படைப்புகள் வெளி வர நாமும் வாழ்த்துவோம்.

மண்டபம் காந்தி நகர் ஊராட்சி ஒன்றிய நடுநிலைப் பள்ளி மிகவும் பழமையான மற்றும் பல கல்வியாளர்கள், ஆராய்ச்சியாளர்கள், சமூக ஆர்வலர்கள், தலை சிறந்த அரசியல்வாதிகள், மருத்துவர்கள், பொறியாளர்கள் என பல சிறந்த தலைமுறைகளை உருவாக்கிய வரலாறு கொண்டது.

இப்பள்ளியில் ஏழ்மை நிலை முதல் நடுத்தர வர்க்கம் வரை பல தரப்பட்ட மாணவர்கள் படித்து வருகிறார்கள். இப்பள்ளியில் தரமான கல்வியை பயிற்றுவிக்கும் ஆசிரியர்கள் இருந்தும், சூழலையும், படிக்கும் இடத்தையும் அழகுற வைக்க இயலாத நிலையில் பள்ளி நிர்வாகம் இருந்து வந்தது. இந்நிலையில் பள்ளியை புதிய வண்ணம் பூசி பள்ளியின் தரத்தை மேம்படுத்த அரசு உதவியை மட்டும் வைத்து செய்ய முடியாது என்ற நிலையில், பள்ளி மீது அக்கறை கொண்ட வில் மெடல் நிர்வாக இயக்குனர் மற்றும் இன்னும் பலர் நிதி சோ்த்து பள்ளிக்கு உதவ முன் வந்தனர்.

இது சம்பந்தமாக கீழை நியூஸ் நிர்வாகத்திற்கு விபரம் கிடைத்த பொழுது அப்பள்ளியின் பெருவாரியான பகுதிக்கு வண்ணம் பூசும் செலவை கீழை நியூஸ் நிர்வாகம் ஏற்று அனைத்து பொருளாதார உதவியும் செய்தது. இன்று அப்பள்ளி புதிய பொலிவுடன் மாணவர்கள் ஆர்வத்துடன் பள்ளிக்கு செல்லும் வகையில் மிளிர்ந்து நிற்கிறது. இத்தருணத்தில் நிலையான தர்மமான கல்விக்கு உதவி செய்ய வாய்ப்பளித்த பள்ளி நிர்வாகம் மற்றும் அதற்கு உதவியாக இருந்த வில் மெடல்ஸ் நிர்வாகத்திற்கும் மனமார நன்றியை கீழை நியூஸ் நிர்வாக தொிவித்துக் காெள்ள கடைமைப்பட்டுள்ளது.

15 வருடங்களுக்கு முன்பு சென்னை கல்லூரியில் திருமறைநூலை, இந்நூலின் ஆசிரியருக்கு பரிசளித்த பொழுது, சிந்தனையில் இல்லாத விசயம், மீண்டும் முகம் அறியாத நபராக ஷார்ஜா புத்தக கண்காட்சியில் சந்தித்து, பின்னர் நூல் ஆசிரியரின் தந்தை மூலம் அறிந்து கொள்வோம், என் நண்பரின், உற்ற வழிகாட்டியின் மகள் என்பதை. 

பின்னர் புத்தகத்தை பக்கம் பக்கமாக படிக்க தொடங்கிய பொழுதுதான் புரிந்தது, தொலைத்த உறவுகளைத்தான் இந்த “என்னைத் தேடி” தேடி செல்கிறது, அதில் நானும் ஒருவன் என்பதை உணர வைத்தது.

இன்றைய அதிநவீன உலகில் அதிவேகமாக  முன்னேறி செல்கிறோம் என்ற முனைப்பில் பல அருமையான தருணங்களையும், உறவுகளையும் தொலைத்து விட்டு தேடி வருகிறோம் என்பதை இப்புத்தகத்தின் வாயிலாக, அதை வாசிக்கும் ஒவ்வொருவரையும் நூலாசிரியர் உணர வைக்கிறார்.

இந்நூலாசிரியர் கனவின் மூலமாக தன் எண்ணங்களை போல் பிறரின் யதார்த்த வாழ்வின் நிகழ்வுகளை பல கதாபாத்திரங்கள் மூலம் உணர்த்தியதோடு அல்லாமல், வாழ்வின் அவசியங்களன தியானம், இயற்கை உணவு, வாசித்தல், உறவுகள் போன்றவற்றை ஆழ பதிய வைத்துள்ளார்.  இதற்கு அழகிய உதாரணம் “நன்றி” என்பதை தன் கனவில் கண்ட கல்லை யதார்த்த உலகில் காண்பதாக முடித்திருப்பது.  

ஆக மொத்தம் இந்நூலில் படித்து முடிக்கும் பொழுது நிச்சயமாக நாம் தொலைத்து கொண்டிருக்கும் உறவை, சந்தோஷத்தை  தக்க வைக்க வேண்டும் என்ற எண்ணம் நிச்சயமாக தலை தூக்கும் என்பதில் ஐயமில்லை.

இந்த இளம் எழுத்தாளர் இன்னும் பல படைப்புகள் படைக்க மனமுவந்த வாழ்த்துக்கள் பல…

“என்னைத் தேடி” புத்தகத்தை வலைத்தளத்தின் மூலமாக ஆர்டர் செய்ய:-

http://www.marinabooks.com/detailed?id=6%203946&name=என்னைத்%20தேடி

http://www.noolulagam.com/product/?pid=36043

http://www.panuval.com/ennai-thedi

இராமநாதபுரம் மாவட்டம் பரமக்குடியில் கீழ முஸ்லிம் மேல்நிலைப் பள்ளியில் சுரேஷ் ஐஏஎஸ் அகாடமி சார்பில் அரசு வேலைக்கான போட்டி தேர்வுக்கு இலவச கருத்தரங்கம் நடைபெற்றன. இதில் ஒன்பது ஆலோசனை நிபுணர்கள் மாணவ, மாணவிகளுக்கு போட்டித் தேர்வுக்கான ஆலோசனைகளை வழங்கினார்கள்.

கூட்டுறவு சார்பதிவாளர் ஆண்டனி பட்டுராஜ் மாணவ, மாணவிகளுக்கு போட்டித் தேர்வுக்கான ஆலோசனைகளை வழங்கினார். டிஎன்பிசி மத்திய மாநில அரசு வேலைகளுக்கான போட்டி தேர்வு எழுதும்போது முதலாவதாக இலக்கு வைக்க வேண்டும், பாடப்பிரிவை கவனமாக பிரித்து படிக்க வேண்டும், முந்தைய ஆண்டு வினாக்களை தெளிவாக படிக்க வேண்டும், படிப்பதற்கான திட்டத்தை வழிவகுக்க வேணடும், வழிகாட்டுதலை கையாள வேண்டும் தினசரி தேர்வுகளை எழுத வேண்டும் என்றார். ரயில்வே வேலை வங்கி வேலை ஐஏஎஸ் ஐபிஎஸ் வேலைகளுக்கான பாடங்களை படிக்கும் பொழுது ஆன்லைன் முறையில் எப்படி எதிர்கொள்வது?, ஆஃப்லைன் முறையில் எப்படி எதிர்கொள்வது?  என்று தெரிந்து வைத்துக்கொள்ள வேண்டும் சுரேஷ் ஐஏஎஸ் அகாடமி பயிற்சி நிறுவனத்தில் படித்து வெளியேறும் ஒவ்வொரு மாணவ மாணவிகளும் மூன்று வேளைக்கு குறையாமல் அரசுத் தேர்வில் வெற்றி பெற்று வெளியே வருவார்கள் என்றார். மேலும் வகுப்புகள் முழுவதும் வெற்றி பெற்றவர்களால் மட்டுமே எடுக்கப்படுகிறது,  தரமான பாடபுத்தகங்கள் வழங்கப்படுகிறது.  இந்த நிறுவனத்தில் கடந்த 4 ஆண்டுகளில் நாலாயிரத்துக்கும் மேற்பட்டவர்கள் படித்து அரசாங்க வேலையில் சேர்ந்துள்ளனர்.  ஒருமுறை கல்விக் கட்டணம் செலுத்தினால் வேலை கிடைக்கும் வரை படிக்கலாம், ஹாஸ்டல் வசதி மற்றும் இலவச நேர்காணல் வகுப்பு நடைபெறுகிறது.

இந்நிகழ்ச்சியில் கனரா வங்கி துணை மேலாளர் நாகம்மாள் வங்கி தேர்வு எழுதுவது பற்றி எடுத்துரைத்தார்.  வருவாய் ஆய்வாளர் தட்சிணாமூர்த்தி அறிமுகவுரை நிகழ்த்தினார். வருவாய் ஆய்வாளர் சத்தியசிவம் டிஎன்பிஎஸ்சி தேர்வு எழுதுவது பற்றியும், வருமானவரித்துறை சஞ்சீவனி எஸ்எஸ்சி தேர்வு எழுதுவது பற்றியும் எடுத்துரைத்தனர்.  வருவாய் ஆய்வாளர் கோபிநாத் வருவாய் ஆய்வாளர் கோவிந்தராஜ் கூட்டுறவு முதுநிலை ஆய்வாளர் மகேஸ்வரி வெற்றியாளர்கள் உரையாடல் நிகழ்த்தினர். தமிழ்நாடு மெர்கண்டைல் வங்கி அருண் சுரேஷ் அகடமி நிறுவனத்தைப் பற்றி எடுத்துரைக்கையில், இங்கு படிக்கும் மாணவ மாணவிகளுக்கு தனித்தனி தங்கும் வசதி புதிதாக வரும் மாணவர்களுக்கு இலவசமாக தங்கும் வசதி 24 மணி நேரமும், படிக்கும் வசதி இராமநாதபுரம் பரமக்குடி கீழக்கரை ராமேஸ்வரம் இடங்களிலிருந்து பேருந்து வசதி இலவச மாதிரி, தேர்வுகள் பட்டப்படிப்பு, தமிழ் வழியில் பயின்று இருந்தால் கட்டணத்தில் 50 சதவீத சலுகை கோடிங் ஷீட் மூலம் தேர்வுகள் வசதிகள் உள்ளது என்றார்.

தமிழகத்தில் உள்ள அனைத்து சட்டக் கல்லூரிகளிலும் இந்த கல்வியாண்டு 2018 – 2019 மாணவர் சேர்க்கைக்கான விண்ணப்பங்கள் இன்று (28.05.2018) முதல் வினியோகம் செய்யப்படுகிறது. இந்த ஆண்டு முதல் ஆன்லைன் மூலம் விண்ணப்பிக்கும் வசதி அறிமுகப்படுத்தப்பட்டு உள்ளது.

அதே போல் தமிழ்நாடு டாக்டர் அம்பேத்கர் சட்டப் பல்கலைக் கழகத்தின் கீழ் இயங்கும் சட்டக் கல்லூரிகளில் நடத்தப்படும் 3 ஆண்டு மற்றும் 5 ஆண்டு சட்டப் படிப்புகளுக்கான விண்ணப்பங்கள் இன்று முதல் வினியோகம் செய்யப்படுகிறது.

தமிழகத்தில் உள்ள 10 சட்டக் கல்லூரிகளில் நேரில் சென்று பெற்றுக்கொள்ளலாம். நேரில் செல்ல முடியாதவர்கள் அஞ்சல் மூலம் பெற்றுக் கொள்ளவும் வசதி செய்யப்பட்டுள்ளது. இது தவிர ஆன்லைன் மூலம் விண்ணப்பிக்கும் வசதியை தமிழ்நாடு டாக்டர் அம்பேத்கர் சட்டப் பல்கலைக் கழகம் இந்த ஆண்டு முதல் அறிமுகம் செய்துள்ளது.

5 ஆண்டு சட்டப் படிப்பு (ஹானர்ஸ்) இன்று முதல் ஜூன் 18ம் தேதி வரையும், 5 ஆண்டு சட்டப் படிப்பு ஜூன் 1ம் தேதி முதல் ஜூன் 29ம் தேதி வரையும், 3 ஆண்டு சட்டப் படிப்பு (ஹானர்ஸ்), 3 ஆண்டு சட்டப் படிப்பு ஜூன் 27ம் தேதி முதல் ஜூலை 27ம் தேதி வரையும், பெற்றுக் கொள்ளலாம். ஆன்லைன் மூலம் விண்ணப்பிக்க விரும்பும் மாணவ மாணவியர் கீழ் வரும் லிங்கை சொடுக்கி விண்ணப்பிக்கலாம்.

ஆன்லைனில் விண்ணப்பிக்க :     http://tndalu.ac.in

http://tndalu.ac.in

கீழக்கரை நகரில் ‘ஈருலக வெற்றியை நோக்கி..’ என்கிற பெயரில் ‘கீழை’ அமைதி மற்றும் வழிகாட்டி மையம் சார்பில் மாணவர்களுக்கான இஸ்லாமிய திறனறிவு போட்டிகளுக்கான அறிவிப்பு கடந்த மாதம் செய்யப்பட்டு இருந்தது. பேச்சுப் போட்டி, குர்ஆன் மனனப் போட்டி, மதரஸா மாணவர்களுக்கான மாதிரி தயாரிப்பு போட்டி, இஸ்லாமிய வினாடி வினா போட்டி போன்ற பல்வேறு போட்டிகளில் பங்கேற்பதற்காக கீழக்கரை நகரில் இருந்து முன் எப்போதும் இல்லாத அளவிற்கு பள்ளி கல்லூரி மாணவ மாணவர்கள் ஆர்வமுடன் தங்களை பதிவு செய்துள்ளனர்.

போட்டிகளில் பங்கேற்க இருக்கும் மொத்த போட்டியாளர்கள் 933 ஆவர். இதில் ஆண் போட்டியாளர்கள் 248 மற்றும் பெண் போட்டியாளர்கள் 685 பதிவு செய்துள்ளனர். இந்த போட்டிகளில் வெல்லும் மாணவர்களுக்கு இலட்சம் ரூபாய்க்கும் மேல் பரிசுத் தொகைகள் அறிவிக்கப்பட்டு உள்ளது. இந்நிலையில் இதற்கான போட்டிகள் நாளை 12ஆம் தேதி மற்றும் 13 ஆம் தேதிகளில் மக்தூமியா மேல்நிலைப்பள்ளியில் நடைபெற இருக்கிறது. இதற்கான அனைத்து ஏற்பாடுகளையும் ‘கீழை’ அமைதி மற்றும் வழிகாட்டி மையத்தின் நிர்வாகிகள் சிறப்பாக செய்துள்ளனர்.

போட்டிகளில் கலந்து கொள்ளும் வெற்றியாளர்களை தேர்ந்தெடுக்க வெளி மாவட்டங்களில் இருந்து 12 ஆலீம் பெருந்தகைகளும், ஆசிரிய பெருமக்களும் தயார் நிலையில் உள்ளனர். மேலும் போட்டிக்கான முடிவுகள் எதிர்வரும் நோன்பு பெருநாளையடுத்து கீழை  அமைதி வழிக்காட்டி மையத்தால் நடத்தப்பட இருக்கும் மாபெரும் பொதுக்கூட்ட நிகழ்ச்சியில் அறிவிக்கப்பட இருப்பதாக தெரிவிக்கப்பட்டு உள்ளது. போட்டிகளில் கலந்து கொள்ள இருக்கும் அனைத்து மாணவ மாணவிகளுக்கும் கீழை நியூஸ் சார்பாக மனமார்ந்த வாழ்த்துக்களை தெரிவித்துக் கொள்கிறோம்.

கீழக்கரை நகரின் பல இடங்களில், கடந்த வாரம் ‘ஈருலக வெற்றியை நோக்கி..’ என்கிற பெயரில் எந்த ஒரு அமைப்பு பெயரையும் குறிப்பிடாமல் மக்கள் மத்தியில் எதிர்பார்ப்பை ஏற்படுத்தும் விதமாக வால்போஸ்டர் ஒட்டப்பட்டு இருந்தது.

இந்நிலையில் இன்று ‘ஈருலக வெற்றியை நோக்கி’ என்கிற தலைப்பிட்டு ‘கீழை’ அமைதி மற்றும் வழிகாட்டி மையம் சார்பில் மாணவர்களுக்கான இஸ்லாமிய திறனறிவு போட்டிகள் அறிவிப்பு செய்யப்பட்டு நோட்டிஸ் வெளியிடப்பட்டு உள்ளது.

பள்ளி கல்லூரி மாணவர்கள் பங்கேற்கும் விதமாக பேச்சுப் போட்டி, குர்ஆன் மனனப் போட்டி, மதரஸா மாணவர்களுக்கான மாதிரி தயாரிப்பு போட்டி, இஸ்லாமிய வினாடி வினா போட்டி நடத்த பெற இருப்பதாகவும், போட்டிகளில் வெல்லும் மாணவர்களுக்கு இலட்சம் ரூபாய்க்கும் மேல் பரிசுத் தொகைகள் காத்திருப்பதாகவும் அறிவிப்பு செய்யப்பட்டு இருக்கிறது.

மேலும் இந்த போட்டிகளில் கலந்து கொள்ள விரும்பும் மாணவர்கள் தங்கள் பெயரை முன்பதிவு செய்ய ‘ஏப்ரல் 30, 2018’ கடைசி நாள் என்பதாகவும் தெரிவிக்கப்பட்டு உள்ளது.

‘கீழை’ அமைதி மற்றும் வழிகாட்டி மையம் சார்பில் கடந்த வாரம் ‘ஈருலக வெற்றியை நோக்கி..’ என்கிற பெயரில் சமூக வலைத்தளங்களில் வெளியிடப்பட்டுள்ள காணொளி வீடியோ காட்சி.. 

இலவச கட்டாய கல்வி உரிமை சட்டத்தின்படி, சிறுபான்மையற்ற தனியார் பள்ளிகள், எல்.கே.ஜி., அல்லது ஒன்றாம் வகுப்பில், 25 சதவீத இடங்களில், கல்வி கட்டணமின்றி, மாணவர்களை சேர்க்க வேண்டும். இந்த மாணவர் சேர்க்கைக்கான விண்ணப்ப பதிவு கடந்த 2017 ஆம் ஆண்டு முதல், ‘ஆன்லைன்’ முறைக்கு மாற்றப்பட்டுள்ளது.

இந்த ஆண்டு மாணவர் சேர்க்கைக்கான விண்ணப்பப் பதிவு, இன்று துவங்கியுள்ளது. தங்கள் பிள்ளைகளை இலவச கட்டாயக் கல்வி உரிமைச் சட்டத்தின் பிரகாரம் தனியார் பள்ளிகளில் சேர்க்க மே, 18க்குள் விண்ணப்பங்களை பதிவு செய்ய வேண்டும். மாணவர்களின் பெற்றோர், அரசு தேர்வுத் துறையின், http://www.dge.tn.gov.in என்ற இணையதளத்தில், தங்கள் விபரங்களை பதிவு செய்ய, வசதி செய்யப்பட்டுள்ளது.

மேலும் கிராமப்புற மாணவர்களுக்கு, அந்தந்த பகுதி தனியார் பள்ளிகள், வட்டார வள மையங்கள், கல்வித் துறை அலுவலகங்களில், விண்ணப்பம் பதிவு செய்யும் வசதிகள் செய்யப்பட்டுள்ளது என, பள்ளிக்கல்வித் துறை தெரிவித்துள்ளது.

பெற்றோர்கள் தங்கள் பிள்ளைகளை, தனியார் பள்ளிகளில் எவ்வித கட்டணமும் இல்லாமல் வகுப்பில் சேர்க்க கீழ் வரும் தமிழக அரசின் பள்ளி கல்வித் துறை மெட்ரிக் பள்ளிகள் இயக்குனரகம் இணைய தளத்தில் விண்ணப்பிக்க கிளிக் செய்யவும்.

http://tnmatricschools.com/rte/rtehome.aspx

http://tnmatricschools.com/rte/rtehome.aspx

வருடந்தோரும் இஸ்லாமிய கல்விச் சங்கத்தின் சார்பாக அல் மத்ரஸத்துர் ராழியா மற்றும் அல் மத்ரஸத்துல் அஸ்ஹரிய்யாவுடன் இனைந்து நடத்தப்படும் கோடைக் கால இஸ்லாமிய எழுச்சி முகாம் இந்த வருடம் வருகிற ஏப்ரல் 18 முதல் மே 11 வரை நடக்க இருக்கிறது இன்ஷா அல்லாஹ்
இந்த வகுப்புகள் காலை 10:00 மணி முதல் 01:00 வரை கீழக்கரை வள்ளல் சீதகாதி சாலையில் அமைந்துள்ள அல் மத்ரஸத்துர் ராழியாவில் நடக்கும் என்று அறிவிக்கப்பட்டுள்ளது.

இந்த வகுப்புகளில் பதினைந்து வயது வரை உள்ள மாணவர்கள் அனைவரும் கலந்து கொள்ளலாம்.
இந்த முகாமின் சிறப்பம்சங்கள்
1. ஒளு மற்றும் தொழுகை முறை துஆக்களோடு பயிற்ச்சியுடன் கற்றுக்கோடுக்கப்படும்.
2..குர்ஆன் சரளமாக ஓத தெரிந்த மாணவர்களுக்கு தஜ்வீத் முறை கற்றுக்கோடுக்கப்படும்
2. முகாமின் இறுதியில் நடக்கும் விழாவில் விடுப்பு எடுக்காமல் வருகை தந்த மாணவர்கள் அனைவருக்கும் சான்றிதழ் மற்றும் பரிசுகள் வழங்கப்படும்

இந்த வகுப்புகளுக்கான சேர்க்கை படிவம் கீழ் கண்ட இடங்களில் கிடைக்கும்.
1. அல் மத்ரஸத்துர் ராழியா,vs சாலை
2. அல் மத்ரஸத்துல் அஸ்ஹரிய்யா,சின்னகடை தெரு
3.லக்கி கோல்டு ஹவுஸ், முஸ்லிம் பஜார்
4.கீழை மரச்செக்கு எண்ணை
5. Zamans B2B services,சேரான் தெரு
6. A2Z travels & recharge, vs சாலை

சேர்க்கை தொடர்புக்கு
ஆலிம் தவ்ஹீத் – 9976346062
சல்மான் கான் – 9791741708
சுஹைல் – 8883542737
அஸ்ஃபாக் – 9629141842
அல்தாஃப் – 9629265974

‘சீன தேசம் சென்றாலும் சீர் கல்வியைத் தேடு’ என்பது முன்னோர்களின் வாக்கு. ஆனால் இன்று நம் இந்திய தேசத்திலேயே அதற்கான வாய்ப்புகள் கொட்டிக் கிடக்கிறது. தற்போது நம்மில் பலரும் நமது குழந்தைகளின் எதிர்காலம் பற்றி சிந்திக்கும் போது அவர்களை என்ன படிக்க ‎வைக்கலாம்? அதற்கென எந்தக் கல்வி நிலையத்தைத் தேர்வு செய்யலாம்? என்பதை மட்டும்தான் ‎எண்ணுகிறோம்.

அதையும் தாண்டி அவர்களுடைய உள்ளார்ந்த திறமைகளை வெளிக் கொணர்வதற்கான வாய்ப்புகளை ஏற்படுத்தி கொடுக்காமல் விட்டு விடுகிறோம். அதே போல் எல்லா மாணவர்களுக்கும் அவர்களுக்கு பிடித்தமான துறை கிடைத்து விடுவதில்லை.

மாணவர்கள் பிடிக்காத படிப்பை படித்தாலும் அதனை எவ்வாறு வெற்றி படிக்கட்டுகளாக மாற்றி சிகரம் தொடுவது என்பதை கீழக்கரை சேரான் தெருவை சேர்ந்த மருத்துவ மாணவன் முஹம்மது நபீல் கீழை நியூஸ் வலைத்தளத்திற்கு அளித்த பிரத்யேக பேட்டியின் சாராம்சம் :-

நான் சென்னையில் உள்ள டாக்டர் எம்ஜிஆர் பல்கலைக்கழகத்தில் மருத்துவக் கருவியல் துறையில் மூன்றாமாண்டு படித்து வருகிறேன். பள்ளிப்பருவத்தில் இருந்தே டாக்டர் படிப்பதே என்னுடைய இலட்சியமாக இருந்து வந்தது.

பத்தாம் வகுப்பு பொதுத் தேர்வில் 96 சதவீதம் மதிப்பெண் பெற்று தேர்ச்சி பெற்றேன். ஆசிரியர்கள் மற்றும் பள்ளி நிர்வாகத்தினர் என் மீது அளப்பரிய நம்பிக்கை வைத்து இருந்தனர். ஆனால் பன்னிரெண்டாம் வகுப்பு பொதுத் தேர்வில் 80 சதவீதம் மட்டுமே பெற்றேன்.

இந்த அதிர்ச்சி தரும் தேர்வு முடிவிற்கு பிறகு டாக்டர் ஆக முடியும் என்கிற எனது சிறு வயது கனவு சுக்கு நூறாக உடைந்தே போனது. அதனை தொடர்ந்து கடுமையான மனக் கவலை என்னை தொற்றிக் கொண்டது. சரி டாக்டர் ஆவது தான் எனக்கு இறைவன் நாடவில்லை. மருத்துவ பட்டப் படிப்பில் ஏதேனும் தேர்வு செய்து படிக்கலாம் என்று மருத்துவ கருவியல் பட்டப்படிப்பை தேர்வு செய்து டாக்டர் எம்ஜிஆர் பல்கலைக்கழகத்தில் சேர்ந்தேன்.

இந்த கல்லூரியில் சேர்ந்த நாள் முதல் கல்லூரிக்கு சரியாக செல்வது இல்லை. காரணம்… நான் சிறுவயது முதல் படிக்க வேண்டும் என கனவு கண்ட டாக்டர் படிப்பு படிக்கவில்லையே… என மனம் தடுமாறிக் கொண்டே இருந்தது. முதலாமாண்டு நிறைவு செய்த பின்னரும் கல்லூரிக்கு முழு மன நிறைவோடு சென்று படிக்க மனமில்லாமல் சென்றேன்.

இந்த இக்கட்டான தருணத்தில் அல்லாஹ்வின் மாபெரும் கருணையால் டாக்டர். ஆரிப் என்கிற சகோதரரை சந்திக்கும் வாய்ப்பு கிடைத்தது. அவர் ஒரு மருத்துவர் என்பதால் நான் இந்த கல்லூரியில் தேர்ந்தெடுத்து இருக்கும் துறையின் சிறப்பம்சம் குறித்தும், பிற்காலத்தில் இந்த துறை எந்த அளவில் சிறப்பான உயரத்தை தொடும் என்பது சம்பந்தமாகவும், தற்போது நான் படித்து கொண்டிருக்கும் இந்த துறை எந்த அளவிற்கு வேகமாக வளர்ந்து வருகிறது என்பதை எல்லாம் தெளிவாக விளக்கமாக எனக்கு எடுத்து கூறினார்.

இறைவனுடைய கிருபையால் அந்த நிமிடத்தில் இருந்து நாம் படித்து கொண்டிருக்கும் என் துறை மீது ஈர்ப்பு ஏற்பட்டு, அதீத ஆர்வத்துடன் விருப்பமுடன் படிக்க ஆரம்பித்தேன். என்னுடைய படிப்பில் நான் தேர்வு செய்த எனது விருப்ப பாடம் (NEURO PROSTHETICS) தமிழில் இதனை மூளை இயந்திரம் கிடைமுகம் என்று சொல்லுவார்கள்.

இதற்கிடையில் அல்லாஹ்வுடைய அருளால் கடந்த டிசம்பர் 2017 ல் தைவான் நாட்டில் உள்ள TAIPEI மருத்துவ பல்கலைக்கழகத்தில் நடைபெற்ற ‘INTERNATIONAL HONORS PROGRAM’ நிகழ்ச்சிக்கு இந்தியாவில் இருந்து தலைசிறந்த 25 மாணவர்கள் தேர்வு செய்யப்பட்டதில் நானும் ஒருவனாக தைவான் நாட்டிற்கு சென்றேன். அங்கு 15 நாட்கள் நடைபெற்ற வகுப்புகளில் பங்கேற்று உரையாற்றினேன்.

இதில் எனக்கு பல்வேறு படிப்பினைகளை இறைவன் வழங்கி கவுரவித்தான். எந்த இலட்சியத்தோடு படித்து டாக்டர் தான் ஆவேன் என்று இருந்தேனோ… அந்த இலட்சியம் தவறு என்பதை உணர்ந்தேன். அங்கு எனக்கு பாடம் எடுத்த டாக்டர்கள் பெருபாலானோர் மருத்துவ படிப்பினை முடித்து விட்டு என்னுடைய துறையை தேர்வு செய்தவர்களே.

அப்போது தான் நான் விளங்கி கொண்டேன். நம்மை அழகாக படைத்த இறைவனுக்கு மட்டுமே தெரியும் நமக்கு எது சிறந்தது என்று… இறைவன் நமக்கு கொடுத்துள்ள விஷயங்களை ஆராய்ந்து பாருங்கள்… நாம் படைக்கப்பட்டதின் முக்கியத்துவம் புரியும்.

என்னை போன்ற மாணவர்களுக்கு அன்பான வேண்டுகோள்.

நீங்கள் எந்த துறையை சேர்ந்தவர்களாக இருந்தாலும் சரி. ஏதோ கல்லூரிக்கு சென்றோம், புத்தகத்தில் உள்ளதை படித்தோம், பாஸ் செய்தோம் என்று இருந்து விடாமல் உங்கள் துறை பற்றி ஆழமாக படியுங்கள். உங்கள் துறையின் நுணுக்கங்களை ஆராயுங்கள். அதில் ஒன்றை தேர்வு செய்து அதிகம் உழையுங்கள்.

இருப்பதை கொண்டு சிறப்புடன் வாழ கற்றுக் கொள்வோம். அல்லாஹ் நாடினால்.. நீங்கள் இந்தியாவின் தலைசிறந்த மாணவனாகவும், நம் இந்திய தேசத்தின் உயர்பதவி வகிக்கும் சிறந்த குடிமகனாகவும் ஆகலாம்.” இவ்வாறு தன்னுடைய கல்வி அனுபவங்களை நம்மிடையே பகிந்து கொண்டார்.

இந்த மூளை இயந்திர மருத்துவ படிப்பினை கீழக்கரையில் இருந்து படிக்கும் ஒரே மாணவன் சேரான் தெருவை சேர்ந்த முஹம்மது நபீல் மட்டுமே என்பது குறிப்பிடத்தக்கது. அதே போல் தமிழகத்திலேயே டாக்டர் எம்ஜிஆர் பல்கலைக்கழகத்தில் மட்டும் தான் இந்த பட்டப் படிப்பு துறை செயல்படுகிறது.

‘கற்றோர்க்கு சென்ற இடமெல்லாம் சிறப்பு’ என்னும் சொற்பொதிக்குள் அடங்கியுள்ள அர்த்தங்கள் ஏராளம். அதனை கீழக்கரை மாணவன் முஹம்மது நபீல் மெய்ப்பித்து இருக்கிறார்.

இறைவன் அருளால் முஹம்மது நபீல் இன்னும் பல வெற்றிகளும் சாதனைகளும் படைத்திட கீழை நியூஸ் நிர்வாகம் மனதார வாழ்த்துகிறது.

இலவச – கட்டாயக் கல்வி சட்டத்தின் கீழ், தமிழகத்தில் உள்ள தனியார் பள்ளிகளில் ஏழை மாணவர்களுக்கு இனி 25 சதவீத இடங்கள் ஒதுக்கப்பட வேண்டும். தமிழக அரசு வெளியிட்டுள்ள அனைவருக்கும் கட்டாயக் கல்வி உரிமைச் சட்டத்துக்கான விதிமுறைகளில் இந்தத் தகவல் இடம்பெற்றுள்ளது. இந்த சட்டமானது ஒரு முழுமையான கல்வி உரிமை சட்டம். இதில் பல குறைபாடுகள் உள்ளன. இருந்த போதிலும் ஏழை மாணவர்கள் இலவச கல்வி பெறவேண்டும் என்பது பொது அறிவு உலகத்தின் விருப்பம்.

6 முதல் 14 வயதுக்கு உட்பட்ட அனைத்து குழந்தை களுக்கும் கல்வி அளிக்கும் வகையில் மத்திய அரசு கடந்த 2009-ஆம் ஆண்டு ஆகஸ்ட் மாதம் இலவச – கட்டாய கல்வி சட்டத்தை கொண்டுவந்தது. இந்தச் சட்டத்தின் கீழ் மாணவர் சேர்க்கை, ஆசிரியர் நியமனம், பள்ளிகளுக்கு அங்கீகாரம், ஆசிரியர்- மாணவர் விகிதாச்சாரம், பள்ளி வளர்ச்சி, கல்வி மேம்பாடு உள்பட பல்வேறு இனங்களில் புதிய விதிமுறைகள் வகுக்கப்பட்டன. அதன்படி, தனியார் பள்ளிகள் அருகே வசிக்கும் ஏழை மாணவர்கள், சமூகத்தில் நலிலிந்த பிரிவினர் ஆகியோருக்கு 25 சதவீத இடங்களை ஒதுக்க வேண்டும். அவர்களுக்கான கட்டணத்தை அரசே செலுத்திவிடும் எனத் தெரிவிக்கப்பட்டுள்ளது. மேலும், எல்.கே.ஜி. உள்பட கீழ்நிலை வகுப்புகளில் மாணவர்களை சேர்க்க நுழைவுத் தேர்வு நடத்தக்கூடாது. எட்டாம் வகுப்பு வரை எந்த குழந்தையையும் ஃபெயில் ஆக்கக்கூடாது. அவர்களை அடிக்கக்கூடாது. மனரீதியாக துன்புறுத்தக் கூடாது என்பன உள்ளிட்ட பல்வேறு விதிமுறைகள் மத்திய அரசு கொண்டுவந்த இலவச, கட்டாய கல்வி சட்டத்தில் இடம்பெற்றுள்ளன.

இந்த நிலையில், மத்திய அரசின் இலவச, கட்டாய கல்விச் சட்டத்தை அமல்படுத்தும் வகையில் தமிழக அரசு விதிமுறைகளை வெளியிட்டுள்ளது.

இதுதொடர்பாக அரசிதழில் வெளியான விவரம்:
தனியார் சுயநிதி பள்ளிகளில் ஏழைகள் (குடும்ப ஆண்டு வருமானம் ரூ.2 லட்சத்துக்குள்), நலிலிந்த பிரிவினர் (தாழ்த்தப்பட்டோர், பழங்குடியினர்), கைவிடப் பட்டோர் (அனாதைகள், எய்ட்ஸ் நோயால் பாதிக்கப் பட்டோர், திருநங்கைகள், துப்புரவு தொழிலாளர்களின் குழந்தைகள்) ஆகியோருக்கு 25 சதவீத இடங்கள் ஒதுக்க வேண்டும். அவர்களின் படிப்பு செலவை அரசே ஏற்றுக்கொள்ளும்.

படிப்பு செலவு என்பது அரசு பள்ளி களில் ஒரு மாணவருக்கு செய்யப்படும் செலவு அல்லது தனியார் பள்ளிகளுக்கு நிர்ணயிக்கப்படும் கல்விக் கட்டணம். இதில் எது குறைவான நிதியோ அது நிர்ணயிக்கப்படும். இந்த நிதியை பெறுவதற்காக தனியார் பள்ளிகள் தனி வங்கிக் கணக்கை பராமரிக்க வேண்டும். உரியதொகை அந்த கணக்கில் ஆன்லைனில் (இ.சி.எஸ்.) செலுத்தப்படும். பெற்றோர் தங்கள் குழந்தை களை பள்ளியில் சேர்க்க வரும்போது வயது சான்றிதழ் இல்லை என்ற காரணத்தி னால் மாணவர் சேர்க்கையை நிராகரிக்கக் கூடாது. பிறப்பு சான்றிதழ் கொண்டுவராத பட்சத்தில் குழந்தை பிறந்த மருத்துவமனையில் கொடுத்த ஆவணத்தையோ, அங்கன்வாடி ஆவணத்தையோ, அதுவும் இல்லாவிட்டால் பெற்றோர் அல்லது குழந்தையின் பாதுகாவலர் பிறந்த தேதியை குறிப்பிட்டு அளிக்கும் உறுதிமொழியை ஏற்றுக் கொள்ள வேண்டும்.

பள்ளிகள் அங்கீகாரத்திற்கு விண்ணப்பிக்கும்போது அரசு நிர்ணயித்துள்ள கல்வி கட்டணத்தை மட்டுமே வசூலிலிப்போம் என்று உறுதிமொழி அளிக்க வேண்டும். அங்கீகார விதிமுறைகளை மீறினால் ஆய்வு செய்து அங்கீகாரம் ரத்துசெய்யப்படும். ஒவ்வொரு அரசு மற்றும் அரசு உதவி பெறும் பள்ளியிலும் 9 பேர் கொண்ட பள்ளி நிர்வாகக்குழு அமைக்கப்பட வேண்டும். அதில் 6 பேர் மாணவர்களின் பெற்றோராக இருக்க வேண்டும். எஞ்சிய இடங்களில் ஆசிரியர், உள்ளாட்சி நிர்வாகி, உள்ளூர் கல்வியாளர் ஆகியோருக்கு பிரதிநிதித்துவம் கொடுக்கப் பட வேண்டும். கல்வி சார்ந்த பணிகளைவிட ஆசிரியர்களுக்கு இதர பணிச்சுமைகளை கொடுக்கக் கூடாது. உடல்ரீதியாகவோ, மனரீதியாகவோ எந்த குழந்தையையும் துன்புறுத்தக்கூடாது. தனியார் பள்ளி களில், ஆசிரியர் பணிக்கு நிர்ணயிக்கப்பட்டு இருக்கும் கல்வித்தகுதி இல்லாமல் பணிபுரிபவர்கள் இந்த சட்டம் அமலுக்கு வந்த 5 ஆண்டிற்குள் அந்த தகுதியை பெற்றால்தான் தொடர்ந்து பணிபுரிய முடியும். தனியார் பள்ளி ஆசிரியர்களுக்காக அரசு நிர்ணயித்துள்ள சம்பளம் வழங்கப்பட வேண்டும் என்று அந்த உத்தரவில் தெரிவிக்கப்பட்டுள்ளது.

இந்த சட்டத்தின் முக்கியத்துவம்
குழந்தைகளின் இலவச மற்றும் கட்டாய ஆரம்பக் கல்விக்கான உரிமைச் சட்டம், 2009 [Right of Children to Free and Compulsory Education – (RTE) Act 2009] நிறைவேற்றப்பட்டிருப்பது, இந்திய குழந்தைகளுக்கு வரலாற்று சிறப்புமிக்க தருணமாகும். குடும்பங்கள் மற்றும் சமுதாயத்தின் உதவியுடன், ஒவ்வொரு குழந்தையும் தங்கள் உரிமையான தரமான ஆரம்பக் கல்வி பெறுவதை அரசு உறுதி செய்வதற்கு, இது ஒரு துவக்கத்தை அளித்துள்ளது. உலகிலுள்ள ஒருசில நாடுகளில் மட்டுமே இவ்வாறான, குழந்தைகளை மையப்படுத்திய மற்றும் அவர்கள் விரும்பும் வகையிலான இலவச கல்வி பெற, தேச அளவிலான ஏற்பாடுகள் செய்யப்பட்டுள்ளன.

இலவச கட்டாய ஆரம்பக் கல்வி
6 முதல் 14 வயது வரையிலான அனைத்து குழந்தை களும், தங்கள் வீட்டிற்கு அருகாமையிலுள்ள பள்ளியில், இலவச மற்றும் கட்டாயக் கல்வி கற்க உரிமை பெறு கிறார்கள். ஆரம்பக் கல்வி பெற, குழந்தைகளோ அல்லது பெற்றோரோ நேரடியான (பள்ளிக் கட்டணம்) மற்றும் மறைமுகமான (சீருடைகள், பாடப் புத்தகங்கள், மதிய உணவு, போக்குவரத்து) எந்தக் கட்டணமும் செலுத்தத் தேவையில்லை. குழந்தைகளின் ஆரம்பக் கல்வி பூர்த்தியாகும் வரை, கல்விக்கான அனைத்துச் செலவு களையும் அரசே ஏற்கும்.

சமுதாயத்தின் பங்கு
ஒவ்வொரு பள்ளியிலும் ஏற்படுத்தப்படும் பள்ளி நிர்வாகக் குழுவில் உள்ளூர் நிர்வாக அதிகாரிகள், பெற்றோர், பாதுகாவலர்கள் மற்றும் ஆசிரியர்கள் உறுப்பினர்களாக இருப்பர். பள்ளி நிர்வாகக் குழு, பள்ளிக்கான மேம்பாட்டு திட்டங்களை வகுப்பது, அரசு நிதியை முறையாகப் பயன்படுத்துவது மற்றும் ஒட்டுமொத்த பள்ளியின் சூழலைக் கண்காணிப்பது ஆகிய பணிகளை செய்யும். பள்ளி நிர்வாகக் குழுக்களில் 50 சதவீதம் பெண்கள் மற்றும் நலிலிவடைந்த பிரிவைச் சேர்ந்த மாணவர்களின் பெற்றோர் உறுப்பினராக இருக்க வேண்டும் என்பதை இச்சட்டம் கட்டாயமாக்கி உள்ளது. சிறுவர் மற்றும் சிறுமியருக்கான தனித்தனி கழிப்பறைகளை ஏற்படுத்துவது, உடல் நலம், சுகாதாரம், மற்றும் தூய்மை ஆகியவற்றுக்கு முன்னுரிமை அளித்து கல்வியை முழுமை பெற வைப்பது ஆகியவற்றில் இவ்வாறான சமுதாய பங்கேற்பு பெரிதும் உதவும்.

குழந்தைகள் விரும்பும் பள்ளி
நல்ல கல்விச் சூழலை ஏற்படுத்த, அனைத்து பள்ளி களும் கட்டமைப்பு மற்றும் ஆசிரியர்கள் தொடர்பான நெறிகளை கட்டாயம் நிறைவேற்ற வேண்டும். ஆரம்பக் கல்வி நிலையில், ஒவ்வொரு 60 குழந்தைகளுக்கும் நன்கு பயிற்சிப் பெற்ற இரண்டு ஆசிரியர்கள் நியமிக்கப் படுவார்கள்.
குறிப்பிட்ட நேரத்தில் தவறாமல் பள்ளிக்கு வருகை தருவது, பாடத்திட்டத்தை முழுமை செய்வது, குழந்தை களின் கற்றுக்கொள்ளும் திறனை மதிப்பிடுவது, தவறாமல் பெற்றோர்- ஆசிரியர் கூட்டங்களை நடத்துவது ஆகியவற்றை ஆசிரியர்கள் கண்டிப்பாகக் கடைபிடிக்க வேண்டும். வகுப்புக்கு தகுந்தவாறு அல்லாமல், மாணவர்கள் எண்ணிக்கைக்கு தகுந்தவாறு ஆசிரியர் களின் எண்ணிக்கை இருக்கும். குழந்தைகள் சிறப்பாகக் கற்பதை உறுதி செய்ய ஆசிரியர்களுக்கு தேவையான உறுதுணையை அரசு நிறைவேற்றும். பள்ளி நிர்வாகக் குழுவுடன் இணைந்து, பள்ளியின் தரத்தையும் சமத்து வத்தையும் உறுதி செய்வதில் சமுதாயமும், பெற்றோரும் முக்கிய பங்காற்ற வேண்டும். ஒவ்வொரு குழந்தையின் கல்வி உரிமைக் கனவை நனவாக்குவதற்கு தேவையான அனைத்து சட்ட வடிவங்களையும், ஏதுவான சூழ்நிலை களையும் அரசு உருவாக்கும்.

நடைமுறை மற்றும் நிதி
குடும்பங்கள் மற்றும் சமுதாயத்தின் உதவியுடன், ஒவ்வொரு குழந்தையும் தங்கள் உரிமையான தரமான ஆரம்பக் கல்வி பெறுவதை அரசு உறுதி செய்வதற்கு இச்சட்டம் ஒரு துவக்கத்தை அளித்துள்ளது.

இதற்கு தேவைப்படும் நிதியை, மத்திய மற்றும் மாநில அரசுகள் பகிர்ந்து கொள்ளும். மத்திய அரசு. தேவைப்படும் நிதியை கணக்கிடும். மாநில அரசுகளுக்கு, இதிலிலிருந்து குறிப்பிட்ட சதவீதம் நிதியாக வழங்கப்படும். கல்வி உரிமைச் சட்டத்தை நிறைவேற்றத் தேவையான கூடுதல் நிதியை மாநிலங்களுக்கு வழங்குவதை பரிசீலிலிக்கும்படி, மத்திய அரசு, மத்திய நிதிக் குழுவை (Finance Commission) கேட்டுக்கொள்ளும். சட்டத்தை நடை முறைபடுத்த தேவைப்படும் கூடுதல் நிதிக்கு மாநில அரசுகள் பொறுப்பேற்க வேண்டும். சமுதாய அமைப்புகள், மேம்பாட்டு நிறுவனங்கள், தொழில் நிறுவனங்கள் மற்றும் குடிமக்களின் பங்களிப்புடன் நிதிப்பற்றாக் குறையை போக்க முடியும்.

கல்வி உரிமைச் சட்டத்தை மீறினால்
இச்சட்டத்தில் வழங்கப்பட்டுள்ள உரிமைகளைப் பாதுகாக்கத் தேவைப்படும் ஆய்வுகளைச் செய்வதற்கும், புகார்களை விசாரிப்பதற்கும், குழந்தை உரிமைகளை பாதுகாப்பதற்கான தேசிய கமிஷனுக்கு (The National Commission for the Protection of Child Rights), வழக்குகளை விசாரிக்க ஒரு குடிமை நீதிமன்றத்திற்கு அளிக்கப்படும் அனைத்து அதிகாரங்களும் வழங்கப் பட்டுள்ளது. ஒவ்வொரு மாநிலமும் குழந்தை உரிமைகளைப் பாதுகாப்பதற்கான மாநில கமிஷன்கள் (State Commission for the Protection of Child Rights – SCPCR) அல்லது கல்வி உரிமைப் பாதுகாப்பு ஆணையங்களை (Right to Education Protection Authority – REPA) அமைந்துள்ளது. குறைகள் பற்றி மனு அளிக்க விரும்பும் எவரும், உள்ளூர் அதிகாரிகளிடம் எழுத்து மூலமான புகார் அளிக்கலாம். குழந்தை உரிமைகளைப் பாதுகாப்பதற்கான மாநில கமிஷன்கள் (State Commission for the Protection of Child Rights – SCPCR) அல்லது கல்வி உரிமை பாதுகாப்பு ஆணையங்களால் மேல்முறையீடுகள் மீது முடிவுகள் எடுக்கப்படும். அவற்றால் வழங்கப்படும் தண்டனைகளை நிறைவேற்ற, மாநில அரசின் நியமனம் பெற்ற அதிகாரியின் ஒப்புதல் தேவைப்படும்.

பள்ளிச் சேர்க்கை நெறிமுறைகள்
நாட்டிலுள்ள அனைத்து பள்ளிகளிலும், குழந்தை களின் இலவச மற்றும் கட்டாயக் கல்வி உரிமைச் சட்டம் 2009-ன் படி (RTE Act, 2009), பள்ளிச் சேர்க்கை நெறிமுறைகள் இருப்பதை உறுதிசெய்ய, தேசிய குழந்தைகள் உரிமைகள் பாதுகாப்பு ஆணையம் (NCPCR) தொடர் நடவடிக்கைகளை மேற்கொண்டு வருகிறது. இலவசக் கட்டாயக் கல்விச் சட்டத்தின் விதிகளின்படி குழந்தைகளின் சேர்க்கை நடைபெற வேண்டும்.

வகுத்துரைக்கப்பட்ட பிரிவு மற்றும் அரசு உதவி பெறாத தனியார் பள்ளிகளும், அரசு உதவி பெறும் பள்ளிகளைப் போன்றே, நலிலிவுற்ற பிரிவைச் சேர்ந்த குழந்தைகளுக்கு 25% இடஒதுக்கீட்டை உத்தரவாதப் படுத்த வேண்டும். மேலும், அரசு அங்கீகாரம் பெற்ற தனியார் பள்ளிகள் குறித்த அட்டவணை தயாரிக்கப்பட்டு, அருகாமைப் பகுதி குழந்தைகளை பள்ளிகளில் சேர்த்துக் கொள்ள வேண்டும். நவோதயா பள்ளிகள் “வகுத்துரைக்கப் பட்ட பிரிவை’ சார்ந்ததாக இருப்பதால், இச்சட்டத்தில் இருந்து விலக்கு அளிக்கப்பட்டுள்ளதா என்ற சந்தேகம் எழுப்பப்பட்டது. ஆனால், இச்சட்டத்தின் பிரிவு 13 விதி விலக்குகள் இன்றி அனைத்துப் பள்ளிகளுக்கும் பொருந்தும் என்றும் தேசிய குழந்தைகள் உரிமைகள் பாதுகாப்பு ஆணையம் தெளிவுபடுத்தியுள்ளது.

இலவச மற்றும் கட்டாயக் கல்விச் சட்டத்தின் பிரிவு 13
எந்தப் பள்ளியோ அல்லது தனிநபரோ, குழந்தையின் பள்ளிச் சேர்க்கையின் போது, அதன் பெற்றோர் அல்லது பாதுகாப்பாளரிடமிருந்து தலைக் கட்டணம் (ஸ்ரீஹல்ண்ற்ஹற்ண்ர்ய் ச்ங்ங்) வசூலிலிப்பதோ அல்லது முன்தேர்வு முறைக்கு உட்படுத்துதலோ கூடாது. உட்பிரிவு (1) க்கு புறம்பாக, தலைக்கட்டணம் வாங்கும் பள்ளிகள் மற்றும் தனி நபர்களுக்கு வசூலிலிக்கப்பட்ட கட்டணத்தைவிட பத்து மடங்கு வரை அபராதம் விதிக்கப்படும். குழந்தைகளை பள்ளியில் அனுமதிப்பதற்கு முன் தேர்வு முறைக்கு உட்படுத்தினால், முதல் தடவையாக மீறும் பொழுது ரூ 25,000/- வரையிலும், தொடர்ந்து மீறும் ஒவ்வொரு முறையும் ரூ 50,000/- வரையிலும் அபராதம் விதிக்கப் படும்.

குழந்தை உரிமைகள் ஆணையம்
சட்டப்பூர்வமான அமைப்பு தேசிய குழந்தை உரிமைகள் பாதுகாப்பு ஆணையமாகும். இவ்வாணையம் புதுடெல்லிலியைத் தலைநகரமாகக் கொண்டு செயல்பட்டு வருகிறது. கல்வி உரிமைச் சட்டத்திற்குப் புறம்பான நடவடிக்கைகள் மற்றும் குழந்தைகள் உரிமைமீறல் களைக் கண்காணிக்கவும், தேவையான தலையீட்டை மேற்கொள்ள செய்யும் மேலும் இவ்வாணையத்தின் பணிகளில் உதவிடும் வகையிலும் தமிழகத்தில் நியமிக்கப்பட்டுள்ள பிரதிநிதிகளின் பணி அமையும். பள்ளிகளில் நடைபெறும் வகுப்பறை வன்முறைகள் (குறிப்பாக, மாணவர்களுக்கு பல்வேறு வழிமுறைகளில் தண்டனை வழங்குவது). மனரீதியான சித்திரவதைகள் செய்வது, பள்ளிக் குழந்தைகள் மீதான பாலிலியல் ரீதியான துன்புறுத்துதல்கள் உள்ளிட்ட சம்பவங்கள் நிகழும்போது மாணவர்கள் அல்லது பெற்றோர்கள், சமூக ஆர்வலர்கள் இப்பிரதிநிதிகளை நேரடியாகவோ அல்லது தொலைபேசி மூலமோ தொடர்பு கொண்டு தங்களது புகார்களைத் தெரிவிக்கலாம்.
ஆதாரம் : இந்திய குழந்தைகள் உரிமைகள் ஆணையகம்.

இஸ்லாமிய மாணவர்களுக்கான மாபெரும் நிகழ்ச்சியாக ‘MUSLIM STUDENTS MEET’ என்கிற பெயரில் எதிர்வரும் ‘ஏப்ரல் 8’ அன்று சென்னை CRESCENT B.S.ABDUR RAHMAN பல்கலைக்கழகத்தின் உள் அரங்கத்தில் நடைபெற இருக்கிறது.

கல்வியில் உயர்வடைதல், தொழில் முனைவோர்களை உருவாக்குதல், ஊடகத் துறையில் மேம்பாடு அடைதல், இஸ்லாமிய மார்க்க அழைப்பில் முன்னேறுதல் உள்ளிட்ட சிறப்பான அடிப்படை கருத்து உருவாக்கங்களோடு இளைய சமுதாயத்தினருக்கு ஒற்றுமையின் வலிமையை வலியுறுத்தி இந்நிகழ்ச்சி நடத்தப்படுகிறது.

இந்நிகழ்ச்சியில் தமிழகத்தின் தலை சிறந்த ஆளுமைகள் பலர் கலந்து கொண்டு சிறப்புரை ஆற்றுகின்றனர்.

கீழ் காணும் வலை தள முகவரியில் லிங்கினை சொடுக்கி மாணவர்கள் முன் பதிவு செய்து கொள்ளலாம்.

http://www.muslimstudentsmeet.in

http://www.muslimstudentsmeet.in

http://www.muslimstudentsmeet.in

கீழக்கரை வள்ளல் சீதக்காதி சாலையில் செயல்பட்டு வரும் இஸ்லாமிய கல்வி சங்கத்தின் பாடதிட்டத்தின் கீழ் இயங்கும் அல் மத்ரஸத்துர் ராழியாவின் ஏழாம் ஆண்டு நிறைவு விழா நிகழ்ச்சி நேற்று (29.03.2018) இரவு 8:30 மணியளவில் இஸ்லாமிய கல்வி சங்க வளாகத்தில் நடைபெற்றது .

மத்ரஸாவின் ஐந்தாமாண்டு மாணவர் முஹம்மது ஸஃப்வான் கிராஅத் ஓதி நிகழ்ச்சியை ஆரம்பம் செய்தார். இந்த விழாவில் இஸ்லாமிய கல்வி சங்கத்தின் சட்ட ஆலோசகர் வழக்குரைஞர் முஹம்மது சாலிஹ் ஹுஸைன், மதரஸாவின் முன்னாள் பேராசிரியர் பிலால் ரியாஜி ஆகியோர் சிறப்பு விருந்தினர்களாக கலந்து கொண்டு உரையாற்றினார்.

இந்நிகழ்ச்சியில் அல் மத்ரஸத்துர் ராழியாவின் தாளாளர் அஜ்மல் கான், இஸ்லாமிய கல்விச் சங்கத்தின் நிர்வாகிகள் சகோதரர் முஹைதீன் அடுமை, அய்யுப் கான், முஹம்மது லாபிர் மத்ரஸாவின் ஆசிரியரகள் ஆலிம் நவ்ஸாத் அலி தாவூதி, ஆலிம் ஹுஸைன் மஸ்லஹி, ஆலிம் கஸ்ஸாலி சதகீ, ஆலிம் அப்துர் ரஹ்மான் ஆகியோர் முன்னிலை வகித்தனர்.

இந்நிகழ்ச்சியில் மாணவர்களுக்கு நடத்தப்பட்ட கிராஅத், பயான், வினாடி வினா, ப்ளாஷ் கார்டு, சொல் எழுத்து போட்டி போன்ற போட்டிகளில் வெற்றி பெற்ற மற்றும் கலந்து கொண்ட மாணவர்கள் அனைவருக்கும் பரிசுகள் வழங்கப்பட்டது. இந்த நிகழ்ச்சியை இஸ்லாமிய கல்விச் சங்கத்தின் தலைவர் சட்டப் போராளி ஆலிம் தவ்ஹீத் ஜமாலி அவர்கள் தொகுத்து வழங்கினார். நிகழ்ச்சிக்கான ஏற்பாடுகளை மத்ரஸாவின் நிர்வாகிகள் சகோதரர் சட்டப் போராளி சல்மான் கான், முஹம்மது சுஹைல் ஆகியோர் சிறப்பாக செய்திருந்தனர். பரிசுகளை மாணவர்கள் மகிழ்ச்சியுடன் பெற்றுக் கொண்டனர்.

தொன்மை வரலாறுகளை தன்னகத்தே கொண்ட பழம்பெரும் கீழக்கரை நகருக்கு சென்னை மீயூசியத்தின் முன்னாள் துணை தலைவர் தொல்லியல் ஆய்வாளர் ராஜா முஹம்மது நேற்று முன் தினம் வருகை தந்தார். அவரை கீழக்கரை வரலாற்று ஆராய்ச்சியாளர். சட்டப் போராளி. அபு சாலிஹ் வரவேற்று கீழை மாநகரின் பல்வேறு சரித்திர பின்னணியுள்ள பகுதிகளுக்கு அழைத்து சென்றார்.

கீழக்கரை பகுதியில் எண்ணற்ற பழங்காலத்து கல்வெட்டுகளும், ஓலை சுவடிகளும், நினைவு தூண்களும், சிற்பங்களும் காணப்படுகிறது. இவற்றையெல்லாம் முறையாக தொகுத்து, பாதன் ஹெரிடேஜ் லீக் எனும் அறக்கட்டளை அமைப்பின் மூலம் ஆவணப்படுத்தி கீழை மாநகரின் வரலாறுகளை எதிர்கால இத்தலைமுறையினருக்கு உண்மை மாறாமல் கொண்டு சேர்க்கும் பணியினை விரைவில் துவங்க இருப்பதாக தெரிவித்துள்ளனர்.

இராமநாதபுரம் ஏ.வி.எம்.எஸ் மெட்ரிகுலேசன் மேல்நிலை பள்ளியின் முப்பத்தி நான்காவது ஆண்டு விழா வெகு விமர்சையாக நடைபெற்றன.

இந்த கல்வி ஆண்டில் பத்து மற்றும் பண்ணிரெண்டாம் வகுப்பிலும் ஒன்று முதல் ஒன்பதாம் வகுப்பு வரை கல்வியில் முதல் மூன்று இடங்களை பெற்ற மாணவ மாணவிகளுக்கு சிறப்பு விருந்தினர் மாவட்ட கல்வி அலுவலர் பிரேம் பரிசுகளையும் சான்றிதழ்களையும் வழங்கி சிறப்புரையற்றினார்.

பின்னர் மாணவ மாணவிகளின் கலை நிகழ்ச்சிகள் நடைபெற்றன இந்நிகழ்ச்சியில் பள்ளி தாளளர் ஜெயக்குமார் துணை தலைவர் தியாகராஜன் வாசுதேவன் பொருளாளர் கமலக்கண்ணன் ஆகியோர் கலந்து கொண்டனர்

இராமநாதபுரம் மாவட்டம் முஹமது தஸ்தகீர் கல்வியியல் கல்லூரி சார்பில் நடத்தும் New Horizons in Teacher EducatioN என்ற தலைப்பில் 24 -3 – 18 அன்று தேசிய அளவிலான கருத்தரங்கம் நடைபெற்றது.

இதில் முஹமது சதக் கல்லூரி அறக்கட்டளை தலைவர் யூசுப் முன்னிலை வகித்தார். காரைக்குடி அழகப்பா பல்கலைக்கழக கல்வியியல் கல்லூரியின் முதல்வர் பாலு தலைமை வகித்தார். கேரள மத்திய பல்கலைகழகத்தின் உதவி பேராசிரியர் தியாகு சிறப்புறை யாற்றினார். கல்லூரி முதல்வர் முனைவர் சோமசுந்தரம் வரவேற்றார். சைடெக் முதல்வர் முனைவர் ரியாஸ் மற்றும் முகமது சதக் கபீர் சி பி எஸ் இ முதல்வர் பெரோஸ் வாழ்த்துறை வழங்கினார்.

இதில் தமிழ்நாடு மற்றும் பல்வேறு மாநிலங்களிலிருந்தும் பாட வல்லுனர்கள் கல்வியாளர்கள் , முதல்வர்கள் பேராசிரியர்கள் ஆய்வாளர்கள் மற்றும் ஆசிரிய மாணவர்கள் என 180 பேர் கலந்து கொண்டனர். இதில் அழகப்பா பல்கலைக்கழக கல்வியியல் கல்லூரியின் முதல்வர் முனைவர் பாலு மாணவர்களுக்கு அறிவுரைகளை வழங்கினார்.

தாசீம்பீவி அப்துல் காதர் மகளிர் கல்லூரியில் 27 வது பட்டமளிப்பு விழா மற்றும் 7 வது முபல்லிகா சனது விழா இன்று காலை 11.00 மணியளவில் கல்லூரி வளாகத்தில் நடைபெற்றது.

இறைவணக்கத்துடன் தொடங்கிய இவ்விழாவில் கல்லூரி முதல்வர் முனைவர் எஸ்.சுமையா வரவேற்புரை வழங்கினார். காரைக்குடி அழகப்பா பல்கலைக்கழக துணைவேந்தர் முனைவர் எஸ்.சுப்பையா சிறப்பு விருந்தினராகக் கலந்து கொண்டு சிறப்புரையாற்றியதோடு மாணவிகளுக்கு பட்டங்களை வழங்கினார்.

இப்பட்டமளிப்பு விழாவில் இளங்கலை மாணவிகள் 510 பேரும், முதுகலை மாணவிகள் 67 பேரும், இளநிலை ஆய்வாளர் 2 பேரும் மொத்தம் 579 மாணவிகள் பட்டங்களைப் பெற்றனர்.

இப்பட்டமளிப்பு விழாவின் முன்னதாக நடந்த 7 வது முபல்லிகா சனது விழாவில் மௌலானா மௌலவி டி.நூர் முகம்மது பாகவி, மேற்பார்வையாளர், தமிழ்நாடு அன்வோ நிஸ்வான்ஸ், முகம்மது ரஃபி பொது செயலாளர், அல்ஹரமான் சாரிடபுள் டிரஸ்ட்,சென்னை மற்றும் எம்.ஏ.எஸ்.முத்து ஹதிஜா ஆலிமா சிறப்பு விருந்தினராகக் கலந்து கொண்டு சிறப்புரையாற்றியதோடு மாணவிகளுக்கு சனது பட்டங்களை வழங்கினார்.

சனது பட்டமளிப்பு விழாவில் 201 மாணவிகள் பட்டங்களைப் பெற்றனர். இப்பட்டமளிப்பு விழாவில் அல்ஹாஜ் ஏ.கே ஹாலித் புஹாரி, கல்லூரி செயலாளர் அவர்களும், குர்ரத் ஜெமிலா புரவலர், சீதக்காதி அறக்கட்டளை சென்னை மற்றும் செயலாளர், முஸ்லீம் பெண்கள் அமைப்பு, இராமநாதபுரம் அவர்கள் மற்றும் ஜீனத் அய்யூப் சீதக்காதி அறக்கட்டளை உறுப்பினர், தேர்வாணையர், முதன்மையர்கள், துறைத் தலைவர்கள், பேராசிரியர்கள் கலந்து கொண்டார்கள்.

இறுதியாக நாட்டுப்பண்ணுடன் விழா இனிதே நிறைவுற்றது. இவ்விழாவிற்கான ஏற்பாடுகளை சேக் தாவூத்கான் சீதக்காதி அறக்கட்டளை துணைப்பொது மேலாளர் மற்றும் ஒருங்கிணைப்பாளர்கள் ஆகியோரும் செய்திருந்தனர்.

புகைப்படத் தொகுப்பு

கீழக்கரை இஸ்லாமிய கல்விச் சங்க நிர்வாகத்தின் கீழ் இயங்கி வரும் அல் மத்ரஸத்துர் ராழியா மற்றும் அல் மத்ரஸத்துல் அஸ்ஹரிய்யா ஆகிய மத்ரஸா மாணவர்களுக்கு நடத்தப்பட்ட அரையாண்டு தேர்வு முடிவுகள் நேற்று முன் தினம் வெளியிடப்பட்டது. தேர்வு முடிவுகள் குறித்த அட்டவணை மத்ரஸா அறிவிப்பு பலகையில் ஒட்டப்பட்டிருந்தது. அதனை மத்ரஸா மாணவர்கள் ஆர்வத்துடன் பார்த்து தங்கள் மகிழ்ச்சியை வெளிப்படுத்தினர்.

கடந்த 17/02/208 முதல் 28/02/2018 வரை நடைபெற்ற அரையாண்டு தேர்வில் இஸ்லாமிய கொள்கை, தொழுகை முறை, பிரார்த்தனை, வரலாறு சூரா மனனம், நபிமொழிகள், குர்ஆன் ஓதும் முறை, நபிகளாரின் வாழ்க்கை முறை உள்ளிட்ட பாடத்திட்டங்களின் கீழ் தேர்வுகள் நடத்தப்பட்டது அதற்கான தேர்வு முடிவுகள் தற்போது வெளியிடப்பட்டுள்ளது. இந்த தேர்வு முடிவுகளை இஸ்லாமிய கல்வி சங்கம். (AIE) தேர்வு கட்டுப்பாட்டு அலுவலர் சட்டப் போராளி சல்மான் கான் வெளியிட்டார்.

‘வரலாறு தெரியாதவர்கள் ; வரலாறு படைக்க மாட்டார்கள்’ என்பது முன்னோர்கள் வாக்கு. ஆனால் இன்று நம்முடைய தொன்மையான சரித்திரமும், மூதாதையர் வழி வரலாறும் முறையாக தெரியாததன் விளைவாக நம்முடைய பண்டைய கலாச்சாரம், இஸ்லாமிய விழுமங்கள், விருந்தோம்பல், சமத்துவ நட்புறவு சித்தாந்தம், ஆதி தொழில், பொருளாதாரம், உள்ளூர் பழக்க வழக்கங்கள், பேச்சு வழக்கு மொழி, ஆரோக்கியம், மருத்துவ முறை, சத்தான உணவு முறை, முத்தான உறவு முறை, பண்டைய உள்ளூர் விளையாட்டுகள் உள்ளிட்ட பாரம்பரிய விஷயங்கள் எல்லாம் காலப் போக்கில் மறைய துவங்கி விட்டது.

இந்நிலையில் ”கீழக்கரையில் தொன்மை வரலாற்றினை சிறுவயதிலேயே நம் பிள்ளைகளுக்கு சொல்லி கொடுக்க வேண்டும். பள்ளி மாணவர்கள் அனைவரும் தான் பிறந்த மண்ணின் வரலாற்றினை அறிந்து கொள்ள வேண்டும்” என்கிற வேண்டுகோளை கீழக்கரை வரலாற்று ஆய்வாளர், தஞ்சை தொல்லியல் கழகத்தின் ஆயுட்கால உறுப்பினர். ‘கல்வெட்டு களஞ்சியம்’ ஆனா. மூனா. சுல்தான் கல்வியாளர்களுக்கு வைத்திருந்தார்.

இதனையடுத்து கீழக்கரை அல் பையினா மெட்ரிகுலேசன் பள்ளியின் தாளாளர் ஜாபிர் சுலைமான், அல் பையினா பள்ளி சார்பாக பள்ளி மாணவர்களுக்கான வரலாற்று சுற்றுலாவினை இன்று (22.03.2018) ஏற்பாடு செய்திருந்தார். இந்த சுற்றுலா நிகழ்விற்கு வரலாற்று ஆராய்ச்சியாளர் ஆனா மூனா சுல்தான் தலைமையேற்று கீழக்கரை சரித்திர சம்பவங்களையும், வரலாற்று நிகழ்வுகளையும் பள்ளி மாணவர்களுக்கு எடுத்து கூறினார். இச்சுற்றுலாவில் கலந்து கொண்ட கீழக்கரை வரலாற்று ஆராய்ச்சியாளர் அபு சாலிஹ் தொன்மையான நம் கீழக்கரை வரலாறுகளை அழகுற மாணவர்களுக்கு விளக்கினார்.

இன்றைய வரலாற்று சுற்றுலாவில் கீழக்கரை கடற்கரை பள்ளிவாசல், பழைய குத்பா பள்ளிவாசல், புனித அந்தோனியார் சர்ச், வள்ளல் சீதக்காதியின் வசந்த மாளிகை உள்ளிட்ட கீழக்கரை நகரின் வரலாற்று தொன்மைமிக்க இடங்களை அல் பையினா பள்ளி மாணவர்களை அழைத்து சென்ற வரலாற்று ஆராய்ச்சியாளர்கள் கீழை மாநகரின் வரலாறுகளை தெளிவான நயத்துடன் மாணவர்களுக்கு விளக்கினர்.

இந்த வரலாற்று சுற்றுலா நிகழ்ச்சியின் ஒருங்கிணைப்புகளை அல் பையினா கல்வி குழுமத்தின் சட்ட ஆலோசகர் வழக்குரைஞர். முஹம்மது சாலிஹ் ஹுசைன் சிறப்பாக செய்திருந்தார். வரலாற்று சுற்றுலா நிகழ்வின் ஏற்பாடுகளை பள்ளியின் விளையாட்டுத் துறை ஆசிரியர் நதீர் சாகுல் ஹமீது முன்னின்று வழி நடத்தினார். இது போன்ற வரலாற்று சுற்றுலாக்கள் மூலம் கீழக்கரை நகரின் அழகிய பாரம்பரியமும், முன்னோர்களின் போற்றுதலுக்குரிய நடைமுறை கலாச்சாரங்களும் இந்த தலைமுறையினருக்கும் மட்டுமல்லாமல் நமது அடுத்த தலைமுறையினருக்கும் கொண்டு செல்லப்பட்டு வரலாறு நிலை நிறுத்தப்படும் என்பதில் மாற்றுக் கருத்தில்லை.

dig