இன்றைய நிகழ்ச்சி

கீழக்கரை தாலுகா அலுவலகம், மலேரியா கிளினிக் அருகாமையில் அமைந்திருக்கும் குழந்தைகள் நல மையத்தில் 5 வயதிற்குட்பட்ட குழந்தைகளுக்கான ஆதார் அட்டை எடுக்கும் பணி இன்று 30.03.17 காலை முதல் துவங்கி நடைபெற்று வருகிறது. இதில் ஏராளமான பெற்றோரோக்கள் கலந்து கொண்டு தங்கள் குழந்தைகளுக்கு ஆதார் அட்டை பதிவு செய்து வருகின்றனர்.

அதே போல் நாளைய தினமும் 31.03.17 காலை 10.00 மணி முதல் மாலை 05.00 மணி வரை இங்கு குழந்தைகளுக்கு ஆதார் எடுக்கும் பணி நடைபெறுவதாக அறிவிக்கப்பட்டுள்ளது. இம்முகாமுக்கு செல்பவர்கள் குழந்தைகளின் பிறப்புச் சான்றிதழ் நகல் மற்றும் பெற்றோர்களின் ஆதார் அட்டை நகல் எடுத்துச் செல்லும்படி அறிவுறுத்தப்படுகிறார்கள்.

இன்று (15-03-2017) உலகம் முழுவதும் சர்வதேச நுகர்வோர் தினம் அனுசரிக்கப்படுகிறது.  இது தொடர்மாக அரசு மற்றும் பல்வேறு அமைப்புகள் நுகர்வோரின் உரிமை மற்றும் அதன் பற்றிய விழிப்புணர்வு நிகழ்ச்சிகளை செய்து வருகிறார்கள்.

அதன் தொடர்பாக இன்று கீழக்கரை தாசிம் பீவி அப்துல்காதர் மகளிர் கல்லூரி சார்பில் சர்வதே நுகர்வோர் விழிப்புணர்வு கருத்தரங்கு ஏற்பாடு செய்யப்பட்டு இருந்தது.  இந்ந கருத்தரங்கு வணிகவியல் துறை ( Department of Business Administration) சார்பாக ஏற்பாடு செய்யப்பட்டு இருந்தது.

இந்நிகழ்ச்சிக்கு கல்லூரியின் முதல்வர் சுமையா தாவூத் தலைமை தாங்கினார். சிறப்பு விருந்தினராக பரமக்குடி நுகர்வோர் பாதுகாப்பு கழகத்தின் நிர்வாகி மாதவன் கலந்தது கொண்டு சிறப்புரை வழங்கினார். மேலும் நிகழ்ச்சியின் முக்கிய பகுதியாக துறை வல்லுனர்களும், கல்லூரி மாணவிகளும் சிறப்புரையாற்றினர்.

மேலும் இந்நிகழ்ச்சியின் பல்வேறு துறை பேராசிரியர்கள், மாணவிகள் மற்றும் நிர்வாகிகள் கலந்து கொண்டனர்.

இன்று 26.02.2017 இராமநாதபுரம் வண்டிக்காரத் தெருவில் சுகாதாரமற்ற நிலையில் இருந்த பகுதியினை செய்யது அம்மாள் அறக்கட்டளை மற்றும் மாற்றம் முன்னேற்றம் இளைஞர் பொதுநலச்சங்கத்தினர் சுத்தம் செய்தனர்.

பின்னர் மாற்றம் முன்னேற்றம் இளைஞர் பொது நலச்சங்கத்தின் தலைவர் பிரபு தலைமையில் வண்டிக்காரத்தெரு மற்றும் வண்டிக்காரப்பிள்ளையார் கோவில் தெரு சார்பில் மரங்கள் நடப்பட்டது. இந்நிகழ்ச்சியில் நாகபாஸ்கர், பாலா, கார்த்திக்,  சுரேஷ்மேத்தா, ராஜசேகரன், ஜெய்பாரத், சகுபர்சாதிக் ராஜேந்திரன், மாணிக்கம், கிஷோர் ஆகியோர் கலந்து கொண்டனர். கீழை நியூஸ் சார்பாக நெஞ்சார்ந்த வாழ்த்துக்கள் சகோதரர்களே …

கீழக்கரையில் நாளை (07-02-2017) வடக்குத் தெரு முஹைதீனியா பள்ளி வளாகத்தில் 4 வயதுக்கு உட்பட்ட சிறார்களுக்கு ஆதார் அட்டை எடுக்கும் பணி காலை 10.00 மணி முதல் மாலை 05.00 மணி வரை நடைபெற உள்ளது.  ஆதார் எடுக்கும் பணி இன்றும் (06-02-17) நடைபெற்றது.

முகாமுக்கு வரும்பொழுது சிறார்களின் பிறப்பு சான்றிதழ் மற்றும் பெற்றோர்களின் ஆதார் அட்டை நகல் கொண்டு வருமாறு வலியுறுத்தப்படுகிறார்கள்.

கீழக்கரையில் இன்றும் நிலவேம்பு கசாயம் வினியோகம் தொடர்கிறது..

நேற்று தொடங்கிய நில வேம்பு கசாயம் வினியோகம் இன்று புதிய கிழக்கு தெரு பகுதியில் தொடர்கிறது.  அனைத்து மக்களும் பயனடையுமாறு சமூக ஆர்வலர்கள் அழைப்பு விடுத்துள்ளார்கள்.

இந்நிகழ்ச்சி மக்கள் நல பாதுகாப்புக் கழகம்,கீழக்கரை மக்கள் பொதுதளம்,கீழக்கரை சட்ட போராளிகள் தளம் மற்றும் கீழக்கரை மக்கள் களம் சார்பாக ஏற்பாடு செய்யப்பட்டுள்ளது.

இன்று (28-01-2017) கீழக்கரையில் மக்கள் நல பாதுகாப்புக் கழகம், கீழக்கரை மக்கள் பொதுதளம், கீழக்கரை சட்ட போராளிகள் தளம் மற்றும் கீழக்கரை மக்கள் களம் சார்பாக கீழக்கரை நகர் முழுவதும் நிலவேம்பு கசாயம் பொதுமக்களுக்கு வழங்கும் சிறப்பு முகாம் இன்று காலை தொடங்கப்பட்டது.

முகாமை மக்கள் நல பாதுகாப்புக் கழகத்தின் இணைச்செயலாளர். செய்யது சாகுல் ஹமீது அவர்கள் தொடங்கி வைக்க முதல் நிலவேம்பு கசாயத்தை பாப்புலர் பிரண்ட் ஆப் இந்தியாவின் கட்சித் தொகுதி இணைச்செயலாளர் ஜனாப் சித்தீக் அலி அவர்கள் பெற்றுக்கொண்டார்.

நிலவேம்பு கசாய வினியோகம் ஆடருத்தான் தெரு, கோழியப்பா கடை சந்து,  பழைய குத்பா பள்ளி தெரு உட்பட பல பகுதிகளுக்கு இந்த வினியோகம் தொடர்ந்தது.

இந்த சீரிய நிகழ்ச்சியில் S D P I கட்சியின் நகர் நிர்வாகிகளும்,பாப்புலர் பிரண்ட் இந்தியாவின் நகர் நிர்வாகிகள், மக்கள் நல பாதுகாப்புக் கழகத்தின் நகர் நிர்வாகிகள் மற்றும் சட்ட போராளிகள் தளத்தின் ஒருங்கினைப்பாளர்கள், சமூக ஆர்வலர்கள் கலந்து கொண்டனர்.

தமிழ்நாடு தவ்ஹீத் ஜமாத் மார்க்க பணிகளை வீரியமாக செயல்படுத்துவது அனைவரும் அறிந்ததே.  அதேபோல் சமூக பணிகளிலும் தங்களுடைய பணிகளை சிறப்பாக செய்து வருகிறார்கள்.

சமீபத்தில் ஏற்பட்ட ஜல்லிக்கட்டு பிரச்சினைக்கு முக்கிய காரணிகளான PETA மற்றும் BLUE CROSS அமைப்புகளுக்கு எதிர்ப்பு தெரிவிக்கும் வண்ணம் இன்று கீழை நகரில் நூற்றுக்கும் மேற்பட்ட ” பீட்டாவை தடை செய்” மற்றும் ” புளு கிராசை தடை செய்” என்று அச்சிட்ட சுவரொட்டிகள் ஒட்டப்பட்டிருந்தன.

கீழக்கரை சட்டப் போராளிகளின் சார்பாக மக்கள் நல பாதுகாப்பு கழகம் மற்றும் இஸ்லாமிய கல்விச் சங்கம் இணைந்து இன்று மாவட்ட ஆட்சியரின் மக்கள் குறை தீர்க்கும் நாளில் நம் நகரின் ஐந்து பிரச்சனைகளை தீர்க்கும் பொருட்டு மனு கொடுக்கப்பட்டது.

மனுக்கள் விபரங்கள் கீழே வருமாறு :-

மனு : 1

கீழக்கரை நகருக்கு மாவட்ட ஆட்சியரை சாலை சம்பந்தமாக ஆய்வு செய்ய அழைத்து, ஒப்பந்ததாரர் மீது
நடவடிக்கை எடுக்க கோருதல் சம்பந்தமாக

மனு : 2

கீழக்கரை இராமநாதபுரம் சாலையில், பெட்ரோல் பங்க் முன்னதாக விபத்து ஏற்படுத்தும் வகையில் வைக்கப்பட்டு இருக்கும் தடுப்பு வேலியை அகற்றக் கோருதல் சம்பந்தமாக

மனு : 3

கீழக்கரை புதிய பேருந்து நிலையத்திற்குள் வராமல் செல்லும் அரசு பேருந்துகளை முறையாக வர நடவடிக்கை எடுப்பது குறித்து

மனு : 4

கீழக்கரை நகராட்சி பெயரில் வாகனங்களை நிறுத்தி சட்ட விரோத வசூல் வேட்டையில் ஈடுபடும் நபர்கள் மீது கிரிமினல் சட்ட நடவடிக்கை எடுப்பது சம்பந்தமாக

மனு : 5

கீழக்கரை கடற்கரை பெட்ரோல் பங்க் வரை பேருந்துகள் வராததால் பொதுமக்கள் அவதி அடைந்துள்ளதை சுட்டிக் காட்டி உடனடியாக பேருந்துகளை வழக்கம் போல் கடற்கரை வரை இயக்க முயற்சிப்பது குறித்து மனுக்கள் கொடுக்கப்பட்டது

மாவட்ட டாஸ்மாக் மேலாளரை சந்தித்து உச்ச நீதிமன்ற தீர்ப்பினை மதித்து உடனடியாக கீழக்கரை இராமநாதபுரம் மாநில நெடுஞ்சாலையில் இருக்கும் கடையை அகற்ற கோரிக்கை வைக்கப்பட்டது

மாவட்ட மாற்றுத் திறனாளிகள் மறுவாழ்வு அதிகாரி திரு ஜி.தங்கவேலு அவர்களை சந்தித்து கீழக்கரை பகுதியில் இருக்கும் மாற்றுத் திறனாளிகளுக்கான சலுகைகள் குறித்த விழிப்புணர்வை செய்வது குறித்து ஆலோசனை செய்யப்பட்டது.

இராமநாதபுரம் கோட்டபொறியாளர் அலுவலகத்திற்கு சென்று சாலை சம்பந்தமான ஆறு அம்ச கோரிக்கை மனுவினை நெடுஞ்சாலை துறை செயற் பொறியாளர் முருகானந்தத்தை நேரடியாக சந்தித்து வழங்கி விரைந்து நடவடிக்கை எடுக்க வலியுறுத்தப்பட்டது.

ஆறு அம்ச கோரிக்கைகளின் விபரங்கள் கீழே வருமாறு:-

1. பழைய சாலைகளை அகற்றாமல் பணி நடந்துள்ளது. ஆகவே ஒப்பந்தப்படி முறையான வேலையை செய்யாத ஒப்பந்ததாரருக்கு ஒப்பந்த தொகையை வழங்கக் கூடாது.

2.. ஒப்பந்தப்படி சாலை அமைக்காததால், சாலை ஒன்றரை அடி உயர்ந்து சாலையின் இரு மருங்கிலும் அபாய பள்ளம் காணப்படுகிறது. அவற்றை முறையாக சரளை கற்களின் மூலம் நிரப்பி சீர்படுத்த வேண்டும்.

3. சாலையின் இரு மருங்கிலும் உள்ள அபாய பள்ளத்தின் எதிரொலியாக அரசு பேருந்துகள் நகரின் கடற்கரை பகுதி வரை இயக்கப்படவில்லை. உடனடியாக சாலையை சீர் செய்து நகருக்குள் கடற்கரை வரை பேருந்துகளை இயக்க வேண்டும்.

4. தேவையான இடங்களில் வேகத்தடை அமைக்கப்படாததால், நகருக்குள் அதி வேகத்தில் இயக்கப்படும் வாகனங்களால் பொதுமக்கள் அச்சமடைந்துள்ளனர். ஆகவே தேவையான இடங்களில் வேகத்  தடைகளை உடனடியாக அமைக்க வேண்டும்.

5. முன்னறிவிப்பின்று அமைக்கப்பட்டுள்ள தேவையில்லாத பல புதிய வேகத்தடைகளில் ஒளிரும் பெயிண்ட் பூசப்படவில்லை. இதனால் அடிக்கடி இருசக்கர வாகன ஓட்டிகள் விபத்தில் சிக்குகின்றனர். ஆகவே அமைக்கப்படும் அனைத்து வேகத் தடைகளிலும் உடனடியாக ஒளிரும் பெயிண்ட் பூசப்பட்ட வேண்டும்.

6. சாலை விதிகளின் படி வாகன ஓட்டிகளின் கண்ணுக்கு படும் படியாக வேகத்தடை இருப்பது குறித்த எச்சரிக்கை பலகை இல்லை. உடனடியாக வேகத் தடை குறித்த எச்சரிக்கை பலகையை வைக்க வேண்டும்.

6. வாகன ஓட்டிகளும், பாதசாரிகளும் தினமும் நான்கு பேர் வீதம் அபாய பள்ளத்தில் விழுந்து, காயங்களும், எலும்பு முறிவும் ஏற்பட்டு மருத்துவமனைகளில் சிகிச்சை பெற்று வருகின்றனர். அவர்களுக்கு சம்பந்தப்பட்ட ஒப்பந்ததாரர்கள் உடனடியாக தகுந்த இழப்பீட்டுத் தொகையினை தாமதமின்றி வழங்க வேண்டும்.

இந்த நிகழ்வுகளில் சட்டப் போராளிகள் முஹைதீன் இபுறாகீம் காக்கா, அஹமது அஸ்லம், ஜாபிர் சுலைமான், நூருல் ஜமான், சாலிஹ் ஹுசைன் மஹ்மூது ரிபான் கலந்து கொண்டனர்

கீழக்கரையில் 29-12-2016 அன்று மாலை 8.00 மணி அளவில் கீழை நியூஸ் இணைய தளம் ஆரம்பம், கீழக்கரை மக்கள் களம் அறிமுக நிகழ்ச்சி மற்றும் சட்டப்போராளிகளுக்கான பரிசளிப்பு விழா நடைபெற்றது. இந்நிகழ்ச்சி வடக்கு தெரு இஸ்லாமிய அமைதி மையத்தில் குர்ஆன் கிராத்துடன் தொடங்கியது. நிகழ்ச்சியை சாலிஹ் ஹுசைன் தொகுத்து வழங்கினார்.

மக்கள் களத்தின் பொருளாளர் மற்றும் அல் பையினா மெட்ரிகுலேசன் பள்ளியின் தாளாளர் ஜாஃபிர் சுலைமான் வரவேற்புரையாற்றினார்.

பின்னர் மக்கள் களத்தின் செயலாளர் மற்றும் கீழை நியுஸின் நிர்வாக குழு உறுப்பினர் முஜம்மில் கீழக்கரை மக்கள் களத்தின் அறிமுக உரையாற்றினார்.

மக்கள் களத்தின் தலைவர் மற்றும் கீழை நியுஸின் நிர்வாக குழு உறுப்பினர் அப்துல்லலா செய்யது ஆப்தீன் இணையதளத்தின் அறிமுக உரையாற்றினார்.

மக்கள் களத்தின் அரசியல் ஆலோசகர் ரஃபிக் கீழை நியூஸின் தினசரி காலண்டரை வெளியிட்டு வாழ்த்துரையாற்றினார்.

கீழக்கரையின் வரலாற்று ஆராய்ச்சியாளர் அ.மு சுல்தான் கீழை நியூஸின் இணையதளம் www.keelainews.com ஆரம்பம் செய்து கீழக்கரை உண்மை வரலாற்றை பகிர்ந்து கொண்டார்.

கீழக்கரை மக்கள் களத்தின் துணைத் தலைவர் மற்றும் கீழை நியுஸின் நிர்வாக குழு உறுப்பினர் சாலிஹ் ஹுசைன் சட்டப்போராளிகள் குழுமத்தின் செயல்பாடுகள் அதனால் ஏற்படும் நன்மைகளை விளக்கி கூறினார்.

சட்டப்போராளிகளுக்கான முதல் மூன்று பரிசுகள் மற்றும் மூன்று ஆறுதல் பரிசுகள் வழங்கப்பட்டது. பரிசுகளை நாசா அறக்கட்டளையைச் சார்ந்த அகமது மிர்சா, மக்ரூஃப், ரஃபீக் மற்றும் PVM அறக்கட்டளையைச் சார்ந்த ரஜாக், கீழக்கரை வரலாற்று ஆய்வாளர் அ.மு சுல்தான், கீழக்கரை அமைதி மையத்தின் இமாம் ஆகியோர் பரிசுகளை வழங்கி சிறப்பித்தனர்.

மக்கள் நலப் பாதுகாப்பு கழகத்தின் செயலாளர் முகைதீன் இபுராஹீம் கடந்து வந்த பாதையையும், தகவல் அறியும் உரிமை சட்டத்தின் நன்மைகளைப் பற்றியும் விளக்கினார்.

கீழக்கரை மக்கள் களத்தின் பொருளாளர் ஜாஃபிர் சுலைமான் கீழக்கரையில் ஆரம்பம் ஆக இருக்கும் சட்ட ஆலோசனை செயல்பாடுகள் மற்றும் அதனால் உள்ள பலன்களையும் விளக்கினார். வடக்குத் தெரு நாசா அறக்கட்டளை மூலம் 30-12-2016 ஆரம்பிக்க இருக்கும் வட்டியில்லா கடன் திட்டத்தின் விளக்கமும் அறிமுகமும் இந்நிகழ்ச்சியில் எடுத்துரைக்கப்பட்டது. நிகழ்ச்சியின் நன்றியுரையை சாலிஹ் ஹுசைன் வழங்கினார். இறுதியாக நிகழ்ச்சியில் கலந்து கொண்ட அனைவருக்கும் சுகாதாரம் பற்றிய பிரசுரமும், கீழை நியுஸீன் தின காலண்டரும் வழங்கப்பட்டது.

To view the video of the full program please click below link..

https://www.facebook.com/syedabdeen/videos/10208203615196403/

அஸ்ஸலாமு அலைக்கும் அன்பார்ந்த சகோதரர்களே .

இன்ஷாஅல்லாஹ் நாளை (29-12-2016) அன்று இஷா தொழுகைக்கு பிறகு 8.00 மணி முதல் 09.00 மணி வரை வடக்குத் தெரு கீழக்கரை இஸ்லாமிக் அமைதி மையத்தில் ( Kilakkarai Islamic peace Centre) சட்டப்போராளிகளுக்கு பரிசு வழங்கும் விழா மற்றும் நம் கீழை நியூஸ் (www.keelainews.com) இணையதளத்தின் அறிமுக நிகழ்ச்சியும் ஏற்பாடு செய்யப்பட்டுள்ளது, தவறாமல் அனைவரும் கலந்து கொண்டு சிறப்பிக்குமாறு கேட்டு கொள்கிறாம். மேலும் கீழை நியூஸின் நடுநிலைத்தன்மை, செயல்பாடுகள் பற்றிய கருத்து பரிமாற்றங்களும் வரவேற்கப்படுகிறது இந்நிகழ்ச்சியில்…

கீழக்கரையில் 28-12-2016 மற்றும் 29-12-2016ஆகிய இரண்டு நாட்கள் காவேரி மருத்துவமனை மற்றும் இஸ்லாமிய கல்வி நிறுவனம் இணைந்து நடத்தும் இருதய சிகிச்சை முகாம் இஸ்லாமிய மெட்ரிக் பள்ளி வளாகத்தில் நடைபெற உள்ளது. இம்முகாம் காலை 9.00 மணி முதல் மாலை 4.00 வரை தடைபெறும்.

இம்முகாமில் சகோ. MMK இபுராஹிம், இஸ்லாமிய பள்ளி தாளாளர் தலைமையுரையாற்றுகிறார். ஜனாப்.H. சிராஜுதீன், ஹமீதியா துவக்கப்பள்ளி தாளாளர் அவர்கள் வரவேற்புரையாற்றுகிறார். திரு. S.சர்வேஸ் ராஜ், IPS, இராமநாதபுரம் காவல்துறை கண்காணிப்பாளர் விழாவை துவக்கி வைக்கிறார்.இந்திகழ்ச்சியில் டாக்டர். AS. கியாசுதீன், நிர்வாக இயக்குனர், பயோனியர் மருத்துவமனை அவர்கள் முன்னிலை வகிக்கிறார்.

மேலும் இந்த விழாவில் டாக்டர்.M. பிரேம் சேகர், மூத்த குழந்தைகள் இருதய சிகிச்சை நிபுணர், டாக்டர்.அமல்.அ.லூயிஸ், மூத்த இருதய சிகிச்சை நிபுணர், டாக்டர். விக்னேஷ் புஷ்பராஜ்,மூட்டு முதுகுத்தண்டு சிகிச்சை நிபுணர் ஆகியோர் பங்கேற்க உள்ளார்கள். நிகழ்ச்சியின் இறுதியாக டாக்டர்.ஹபிப் அஹமது அப்துல் கயூம் அவர்கள் நன்றியுரை வழங்குகிறார்கள். இம்முகாமில் அனைவரும் பங்கேற்று பயன் பெறுமாறு நிகழ்ச்சியின் ஏற்பாட்டாளர்கள் கேட்டு கொண்டுள்ளார்கள்.

அஸ்ஸலாமு அலைக்கும்..
அன்பார்ந்த சகோதரர்களே கீழை நியூஸ் செய்தி அப்டேட் பெற விரும்பும் நண்பர்கள் 00966500818177 அல்லது +971 52 640 1403 அல்லது +91 97917 42074 அல்லது +91 95141 71867 என்ற எண்ணை உங்களுடைய contactல் இணைத்துக்கொண்டு, அந்த நம்பருக்கு உங்கள் விருப்பத்தை அனுப்பவும்…இன்ஷாஅல்லாஹ் வரும் 1ம் தேதி முதல் முழுமையான www.keelainews.com இணையதளம் ஆரம்பம் ஆக உள்ளது. அதன் வளர்ச்சிக்கு தங்கள்
அனைவருடைய துஆக்களை எதிர்பார்க்கிறோம்..
– கீழை நியூஸ் நிர்வாக குழு—